Esek. 33:11 - Ebaibul

¹¹ Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 33:11 Iomraidhean Croise

2 Sam. 14:14

Kire jik, ikitwaki iwon daadaŋ, ikikoni iwon ŋakipi ŋuna ebukokinio nalup, ŋuna emam ituŋanan eokuni nabo. Nyikirikiranari Akuj alemar akiyar a ituŋanan, nai eye Akuj ŋirotin ŋulu eboŋunio neni keŋ ituŋanan ŋini eluŋakina aneni keŋ.

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Ŋikiru. 51:15

Okoe Ekapolon, toŋaa ŋipon kaŋ, ikotere esera ayoŋ ŋakiro ŋuna ka akipuro iyoŋ.

Ŋakit. 1:23

Tocamutu akimyekin ŋuna abala ayoŋ iyes kimyekisi; akabukokini ayoŋ iyes ŋatameta kaŋ; eketuruwori ayoŋ iyes ŋulu iyenunete ŋakiro kaŋ.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Isa. 21:12

Toboŋok ekedaran nakwaare tema, “Ebunit ataparacu, nai ewariuni nabo. Ani kicamit iyoŋ akiŋita, kiŋit ka toboŋu nabo akiŋita.”

Isa. 49:18

Kireosi toŋoleŋolekisi ŋiwaetin daadaŋ, acununosi ikes daadaŋ, eponito neni kus. Alimu Ekapolon atemar, ikwapei ayarya ayoŋ, iturokinosi iyes aŋuna a ŋituŋa kus, iturokinosi iyes aŋuna kec lopite ŋolo ituror ateran a ŋiboro keŋ.

Yer. 22:24

Alimu Ekapolon ebe, “Ikwapei ayarya ayoŋ, tari kikoni Konia lokoku a Yeoiakim ŋolo a Yudaya ekaboboot ŋolo alokimoin a akan kaŋ a ŋina aloteten, akalemari ayoŋ iyoŋ,

Yer. 3:12

Tolot kiserak ŋituŋa ŋulu alowae a ŋolo alo kuju ŋakiro nu atemar; toboŋutu, iyes ŋituŋa a Isirael ŋulu emam anupit, nyarubakini ayoŋ ekete iyes akaŋoikinit, anerae arae ayoŋ ŋolo esyonion, nyarubakini ayoŋ aŋoit ŋikaru ka ŋikaru.

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 44:7

Alimu tokona Ekapolon ŋolo a ŋajoresyo, Akuj ŋina a Ŋisirael atemar kaanukiro itiyaata iyes ŋakiro ŋuna eduporok iyes, ŋuna elemarete ŋikilyok, ŋaberu, ŋidwe ka ŋiŋwea anakwap a Yudaya, tomamukaun ŋipiya kus idoŋete?

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Yer. 46:18

Ayoŋ Ekapolon, erwosit ŋolo a ŋajoresyo alimu ebe, ‘Ikwapei ayarya ayoŋ, ebunit ipei ŋini ikwaan ka emoru Tabor alokidiŋ ŋimoru ka ŋini ikwaan ka emoru Karimel alodiyete anam.’

Aum. 3:33

Nyelakara Ekapolon ikisicani iwon, kori ikiinakini aryeba.

Esek. 14:6

“Aŋun, tolimok Ŋisirael atemar ŋakiro ŋuna irworo Ekapolon Akuj ikes nu, ‘Tokiwa asecit kus, ido toboŋutu aneni aŋakujo kus ka kikoŋosi akitiya ŋuna ka asiilyo daadaŋ ŋuna itiyaete iyes.

Esek. 16:48

Alimu tokona Ekapolon Akuj, atemar, ikwapei kire jik ayarya ayoŋ, abu nakaato kon Sodoma ka ŋirerya keŋ nyitiyata ŋakiro ŋuna itiyata iyoŋ ka ŋirerya kon.

Esek. 18:23

Alimu Ekapolon Akuj ŋakiro nu atemar, alakara mono ayoŋ aŋuna ka atwanare a ituŋanan a ŋini itiyae aronis a? Mam, emaikina ayoŋ eŋolik iŋes ekii asecit keŋ, toyar.

Esek. 5:11

Aŋun, ikwapei araakar ayoŋ Akuj ŋina ayari, aŋuna itisiliyaniata iyes Akai kaŋ a aronis a daadaŋ ka asiilyo kus daadaŋ, ajoŋoe ayoŋ amina iyes, nyekeŋolikini ayoŋ iyes, ido ekesyon, kori okoesik akisican.

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Ekim. 14:21

Nai ikwapei ayarya ayoŋ ka ikwapei ilelebikinor akica ke Ekapolon a nakwap,

Ekim. 14:28

tolimok ikes ebe, ‘Ikwapei ayarya ayoŋ, etiyae ayoŋ neni kus ŋakiro ŋuna ilimut iyes ŋikulepek.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋirom. 14:11

Anerae ebasi Ŋakigireta ebe, “Ebala Ekapolon, ikwaŋina eraakar kire atemar ayari ayoŋ, ikoni nenipei atemar eryediki ŋinituŋanan alokiŋaren kaŋ, ka elimori ŋinituŋanan atemar ayoŋ arae Akuj.”

1 Tim. 2:4

ŋina ecamit ŋituŋa daadaŋ toiunae ka toyenut ŋuna a kire.

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.