Esek. 32:7 - Ebaibul

⁷ Ani akalemari ayoŋ iyoŋ, eteriboori ayoŋ nakuj aneni kon, esiryoni ayoŋ ŋikacer; eteriboori ayoŋ a edou akoloŋ aneni kon, nyecauni elap apaki ŋin.

Esek. 32:7 Iomraidhean Croise

Yob 9:7

Epedori Akuj alimokin akoloŋ nyelomu, ido nyelomuni; epedori Akuj akipucar ŋikacer.

Ŋakit. 13:9

Ikwaan ŋulu iyookino ka akica ŋina ecai nooi, nai ikwaan ŋulu aronok ka akica a etaa ŋina irwapirwapi ecamit aduŋere.

Ekal. 12:2

Erae ŋin apaki ŋina irubakiniata iyes iteete akica ŋina ka akoloŋ, ŋina ke elap ta ŋina a ŋikacer emuimui, ŋina erubakiniata ŋidouwon iteete iyes iryoko esibit ebunit akiru.

Isa. 13:10

Akoloŋit ŋin, nyecaunete ŋitopon ka ŋikacer iryonuni akoloŋ apaki ŋina elomunia, nyecauni elap.

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Esek. 30:18

Emini akiryonut naparan lotaun Teapanes apaki ŋin ŋina alemarya ayoŋ agogoŋu aneni a Ŋijipitian, esaluni agogoŋu keŋ ŋina ituror iŋes. erapuwaryo Teapanes a ŋidouwon ka ikamaryo ŋirerya ŋulu idunyatar iŋes torikoe ŋituŋa kec.

Esek. 30:3

Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 31:15

“Alimu Ekapolon Akuj atemar, akoloŋit ŋina ayaunere ekitoe ŋol nakibois a ŋikatwak, abu ayoŋ ogolok akipany alokidiama keŋ, emuleleiya iŋes; abu ayoŋ ogol ŋaŋololin a ŋakipi a ekitoe a ŋol, kiudakinos ŋakipi ŋun iwapei towua. Abu ayoŋ elelebik akiyaloloŋ lotuŋa a Lebanon aŋuna a ekitoe a ŋol ka apotu ŋikito ŋulu ka ariet daadaŋ torinyiyosi aŋuna a ekitoe a ŋol.

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Yoel 2:10

Iryaŋiryaŋakin akwap eapuuni iŋes, emaranikini kidiama, iryokiata akoloŋ ke elap, nyecaunete nabo ŋikacer.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Yoel 3:15

Isiryonio akoloŋ ke elap, ido nyecaunete ŋikacer.

Amos 8:9

“Alimu Ekapolon ŋakiro nu ebe, ‘Akoloŋit ŋin etoŋopiyari ayoŋ akoloŋ kidiŋ apaaran, ido iryonuni akwap naparan.

Mat. 24:29

“Ani elunyari ŋican ŋulu a ŋirwa a ŋul, iryoniar akoloŋ, nyecauni elap, ecakunosi ŋikacer anakuj, nabo emaranikinete ŋisubuna daadaŋ ŋulu alokidiama.

Mar. 13:24

“Nai alorwa a ŋul, kelunyar ŋican, isiryonio akoloŋ ka nyecauni elap.

Luk. 21:25

“Eyakaun ŋakitoodikineta nakoloŋ, lolap ka lokacer. Egeuni akwap daadaŋ aryeba ka amaran aŋuna ke eruye ka akimorokok ŋina ka anam.

Akis. 8:12

Abu emalaika ŋolo a ŋiomwon tokutak arupepe keŋ. Aponi atutubet apei ŋina ka akoloŋ alotooma ŋunauni kinyasunae; kinyasunae atutubet apei ŋina ke elap daŋ alotooma ŋunauni, kinyasunae atutubet apei ŋina a ŋitopon daŋ alotooma ŋunauni. Aŋun, kiryoniar atutubet apei alotooma ŋatutubeta kec ŋunauni. Aponi kisiryonae atutubet apei alotooma ŋunauni ŋuna ka apaaran; ikwaŋinapei, aponi kisiryonae atutubet apei alotooma ŋunauni ŋuna ka akuwar.