Esek. 32:24 - Ebaibul

²⁴ “Eyai akwap a Elam nakibois a ŋikatwak ŋin, irimokinito alyal keŋ kidiŋ ŋajoresyo keŋ daadaŋ, aaryo ŋul daadaŋ a ekileŋ, apotu ikes toloto nakibois a ŋikatwak pa enupito neni ka Akuj, arae ikes apotu yaut ekabule nakwap a ŋituŋa a ŋulu eyarete. Irumito ikes ŋileec kec kaapei ka ŋulu alomasi nakipany.

Esek. 32:24 Iomraidhean Croise

Akisy. 10:22

Ŋidwe a Sem ŋulusapa lu: Elam, Asur, Aripakasad, Lud ka Aram.

Akisy. 14:1

Alorwa a ŋulu araakar Amurapel erwosit ŋolo a Sinar, torae Arioc erwosit ŋolo a Elasar torae Kedorilaomer erwosit ŋolo a Elam ka torae Tidal erwosit ŋolo Agoim;

1 Ŋakiro a ŋirwa 1:17

Ŋidwe a Sem ŋulusapa lu: Elam, Asur, Aripasad ka Lu ta Aram. Ŋidwe ka Aram ŋulusapa lu: Us, Ul ka Geser ta Mesek.

Yob 28:13

Nyeyenete ŋituŋa erot ŋolo elosi neni eyai aosou, nyepedoryo aryamun aosou anakwap a na a ŋina eya ŋituŋa.

Ŋikiru. 142:5

Okoe Ekapolon, egworo ayoŋ neni kon abala ayoŋ, “Iyoŋ irae neni aiunor ayoŋ, iyoŋ bon ayakar ayoŋ anakiyar kaŋ a na.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 38:11

Abu ayoŋ otema, “Nyeŋolikini nabo ayoŋ Ekapolon anakwap a ŋulu eyarete; nyeŋolikini nabo ayoŋ ŋituŋa jik, kori nyikiruki nabo jik ayoŋ ka ŋituŋa ŋulu iboiyete anakwap.

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Yer. 25:25

ŋirwosi daadaŋ ŋulu a Simiri, ŋirwosi daadaŋ ŋulu ke Elam ka ŋirwosi daadaŋ ŋulu a Media,

Esek. 16:52

Kidaŋidaŋ nai ŋican kon, anerae itiditeu iyoŋ atubokino a ŋakaitotoi kon, aŋuna a ŋasecisya kon a ŋuna ibu iyoŋ kitiya anasiilyo akilo ŋakaitotoi kon, iyookino ikes akilo iyoŋ. Aŋun toryamu ŋileec kon ka kidaŋidaŋ ŋican kon, anerae itatakan iyoŋ ŋakaitotoi kon erae ŋuna iyookino akilo iyoŋ.

Esek. 16:54

ikotere nai iyoŋ idaŋidaŋi ŋican kon ka ikiruma ŋileec anakiro a daadaŋ a ŋuna itiya iyoŋ anakisirworiunun ikes.

Esek. 26:20

apaki ŋin nai ekewuakinia ayoŋ iyoŋ nakibois a ŋikatwak, kimorikinos ka ŋituŋa ŋulu koloŋ sek kiboiyete anakwap. Ekemyekini ayoŋ iyoŋ kiboi anakibois a ŋin a ŋina erubakini emunaara ŋikaru ka ŋikaru, irubakini iyoŋ Tiro iyai nen ka ŋulu adaut atwakare, ikotere todaun ituŋanan iboikin tooma kon, kori nyimin nabo jik neni eyakasi ŋituŋa ŋulu eyarete.

Esek. 31:14

“‘Ameun nai tokona tari momit, mam ŋikito ŋulu elomunete aneni eya ŋakipi ŋulu eoyaketa, kori edoli aoyau kec lodouwon, mam ŋikito ŋulu emasete ŋakipi a ŋinapaki ŋulu eoyaketa ikwa ŋol. Emaikina tokona ŋikito daadaŋ toyakaun apaki ŋina etwakyata ikwa etwakyata ŋituŋa, emaikina tolomasi kwap toloto nakibois a ŋikatwak.’

Esek. 31:18

“Ekitoe ali alo Eden epedoryo akisikwaan ka iyoŋ anapolou kon a ŋina ailiilon ikimasakinio tokona iyoŋ kwap kaapei ka ŋikito a Eden, ikiwuakin nakibois a ŋikatwak, iperi iyoŋ aneni eperyoto ŋulu nyileŋeritae, aneni eperyoto ŋulu aaryo a ekileŋ. Erae Parao ka ŋajoresyo keŋ irworo Ekapolon ŋakiro kec a ne.”

Esek. 32:18

“Lokoku a ituŋanan, kiololo aŋuna a ŋajoresyo a Ijipit, kipotok ikes locan ŋulu akibois a ŋikatwak, kipotok ikes akwap a Ijipit kaapei ka ŋituŋa a ŋakwapin a ŋuna agogoŋok, kipotok ikes kaapei ŋulu enukio napanya.

Esek. 32:19

Tolimok Ijipit ebe, ‘Ibus mono iyoŋ nooi akilo ŋakwapin ŋunace a? Toloma kwap! Emaikina iyoŋ ikinuki kaapei ka ŋulu nyenupito neni ka Akuj.’

Esek. 32:21

Etemarete ŋikarikok ŋulu a agogoŋok ŋulu eya nakibois a ŋikatwak neni a Ijipit ka neni a ŋulu ariitoror Ijipit ebe, ‘Apotu ikes daŋ nakibois a ŋikatwak, eperete kaapei ka ŋulu nyenupito neni ka Akuj ŋulu aponi toarae a ekileŋ.’

Esek. 32:25

Eturuwosi ikes Elam ekitaada ŋolo eyai neni a ŋulu aari kaapei ka ŋajoresyo kec daadaŋ, eturuwosi ikes Elam neni irimokinito ŋalyalin kec kidiŋ, erae ikes daadaŋ ŋulu nyenupito neni ka Akuj, ŋulu aaryo a ekileŋ, anerae apotu ikes kielakis ekabule nakwap a ŋituŋa a ŋulu eyarete. Idaŋidaŋete ikes ŋileec kec kaapei ka ŋituŋa ŋulu alomasi nakipany, iperikinitoe ikes neni eya ŋulu aponi toarae.

Esek. 32:30

“Eyakasi nakibois a ŋikatwak ŋin ŋikepukak ŋulu alowae a ŋolo alo Kuju ka ŋisidoniani daadaŋ. Aponi toarae ikes ka alomasi kwap irumito ŋileec, anerae apotu ikes yaut ekabule aŋuna ka agogoŋu kec, eperete ikes a nen erae ŋulu pa anupito neni ka Akuj, erukito ikes ka ŋulu aponi toarae a ekileŋ, irumito ŋileec ikes a nen kaapei ka ŋulu apotu tolomasi nakipany.

Esek. 34:29

Ainakini ayoŋ ikes akwap ŋina eyenitae aŋuna a ŋaraito keŋ, mam nabo nyielari eron ikes anakwap kec, kori nyidaŋidaŋete nabo jik ikes araakau ŋulu ejamuwaritae anakwapin.

Esek. 36:15

Nyiirarete nabo iyes ŋiyany ŋulu ikiyanyata iyes ŋituŋa a ŋakwapin ka nyiryamunete nabo iyes ŋican ŋulu ikijamuwaritotor iyes ŋituŋa a ŋakwapin, kori nyimyekinete iyes akwap kus emunaaryo.’ ”

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Esek. 44:13

Nyemaikina ikes toapuut neni kaŋ, kitiyata etic kaŋ ikwapei ŋisacaradotin, kori kidunya ibore kaŋ idio ŋini italeunitoe, kori ŋainakineta ŋuna asegak nooi ŋuna eyaunitae neni kaŋ. Nai emaikina ikes kiruma ŋileec ŋulu ka asiilyo a ŋina adaut ikes akitiya.

Dan. 8:2

Anakisileerekinet a ŋina ete ayoŋ anakiruja, abu ayoŋ eŋolik ayai Susa lotaun ŋolo apolon ŋolo ayai Elam natyakatait a akwap a Babilon, awoi ayoŋ alodiyete aŋolol ŋina enyaritae Ulai.

Abak. 2:16

Iyes daŋ ekaku, ikiboŋokinete ŋileec akilo akitopolooro. Imasete iyes ŋikulepek ŋun kiteritereonor. Ikitamasi Ekapolon iyes aronis kus a ŋikulepek, ido kilocokinoe akitopolooro kus make toruworos ŋicaryo.

Mat. 11:23

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak! Anerae kerae koloŋ kitiyatetei ŋakujuwuanisya ŋuna etiyakin neni kus, keriŋa Sodoma eyai tari tokona!