Esek. 32:12 - Ebaibul

¹² Emyekini ayoŋ ŋajorei kon tomunyarae, emunyarete a ŋileŋia ŋikajiok ŋulu agogoŋok ikes, epote neni keŋ ŋikajiok a ŋakwapin ŋulu aryenyaanak nooi. Itoŋopiyarete ikes akituro a Ijipit, earyo ŋikajiok a Ijipit daadaŋ.

Esek. 32:12 Iomraidhean Croise

Yer. 46:12

Eirasi ŋituŋa a ŋakwapin ŋuna a ŋileec kus ka ealakin akigworo kus akwap daadaŋ; anerae aarasi ŋikajiok make atwaka daadaŋ kaapei.”

Esek. 28:19

Akadaki ŋituŋa a ŋakwapin ŋulu ikiyenete iyoŋ; idaun iyoŋ jik, nyiyakaun nabo iyoŋ jik ŋikaru ka ŋikaru.’ ”

Esek. 28:7

ayauni ayoŋ ŋituŋa ŋulugelaanotin ikiman iyoŋ, ayauni ayoŋ ŋituŋa ŋulu eryenyaaka anakwap nooi; eŋatarete ikes a ŋileŋia kec akibuses ŋina ka aosou kon. Emunaarete ikes apolou kon ŋina ailiilon

Esek. 29:19

Aŋun, alimu Ekapolon Akuj ŋakiro nu ebe, ‘Alosi ayoŋ akipotokin Ijipit neni a Nebukadinesar a erwosit a Babilon, ikotere ya ebari a Ijipit, tolema ka toŋata ŋiboro a Ijipit toruwor eropit ŋolo a ŋasigarya keŋ.

Esek. 30:11

Epote Nebukadinesar ka ŋituŋa keŋ ŋulu aryenyaanak ŋulu iloito ŋituŋa a ŋakwapin, eyaunio ikes tomunaasi akwap a Ijipit, epote ikes akiar ŋituŋa a Ijipit a ŋileŋia kiletiletakis ŋawat nakwap a Ijipit daadaŋ.

Esek. 31:11

abu ayoŋ epotok iŋes neni a ekepukan a ŋakwapin, adau ekepukan ŋol akisican iŋes aŋuna ka aronis keŋ. Adau ayoŋ akipotor iŋes.

Esek. 31:12

Adaut ŋigelaanotin ŋulu eponito anakwapin a ŋuna aryenyaanak nooi ayepakin ekitoe ŋol kwap ka akimyekin eperi a nen. Emasakinosi ŋaten keŋ kidiama ŋikamukumukui ka tooma ŋakadipaalae daadaŋ, eperete ŋaten keŋ ebilibila alotooma ŋaŋololin daadaŋ ŋuna ka akwap; apotu ŋituŋa daadaŋ ŋulu ka akwap torotokis alotolim keŋ, kimyekis etolim keŋ a nen.

Esek. 32:18

“Lokoku a ituŋanan, kiololo aŋuna a ŋajoresyo a Ijipit, kipotok ikes locan ŋulu akibois a ŋikatwak, kipotok ikes akwap a Ijipit kaapei ka ŋituŋa a ŋakwapin a ŋuna agogoŋok, kipotok ikes kaapei ŋulu enukio napanya.