Esek. 31:3 - Ebaibul

³ Ikwaan iyoŋ ka ekitoe a Cedar ŋolo eyai Lebanon, ŋolo eyakar ŋaten ŋuna ebusak ŋuna eyai etolim ŋolo ka amoni, ekitoe ŋolo aoyan nooi ŋolo edolit aoyau keŋ lodouwon.

Esek. 31:3 Iomraidhean Croise

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Isa. 37:24

Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Yer. 17:8

Ikwaanikin ikes ka ekitoe ŋolo edupakinitae diyete ŋakipi, ekitoe ŋolo eremorit ŋataagor keŋ nayonae. nyekuryana iŋes apaki ŋina emwanunia akwap, erubakinete ŋakwii keŋ elibak; nyebulit iŋes ekaru ŋolo emamukar akiru, erai iŋes ŋaraito keŋ jik.

Yer. 50:18

Aŋun, alimu Ekapolon ŋolo a ŋajoresyo, Akuj a Ŋisirael atemar, alosi ayoŋ akisican erwosit a Babilon, akwap keŋ lopite ŋolo abunio ayoŋ esicania erwosit ka Asiriya.

Esek. 17:22

Abu Ekapolon Akuj kirwor ŋakiro nu, “Ayoŋ elope abuni atubun atalijeit ŋina iwasi alokidiama ekitoe ŋolo a Cedar; adupakini ayoŋ atalijeit ŋin; atubuni ayoŋ atalijeit ŋina anonokan ŋin oya odupak lomoru ŋolo aoyan.

Esek. 19:11

Aponi atorom keŋ ŋina agogoŋon nooi ŋin tolemunae toruwor ebela a erwosit. Abu sek ekitoe a epiini ŋol tooyaar kileŋ ŋaten ŋuna ka amoni a nen, Abu ekitoe ŋol kileereu a nen erae ŋolo eoya nooi ka ayakar ŋaten ŋuna alalak nooi.

Esek. 31:10

“Aŋun, ŋakiro ŋuna alimu Ekapolon Akuj ikes nu ebe, ‘Aŋuna abunio ekitoe ŋol tooyaar nooi todol aoyau keŋ lodouwon ka aŋuna abunio ekitoe ŋol kiturokinor aoyau keŋ,

Esek. 31:16

Abu ayoŋ etamaranik ŋituŋa a ŋakwapin iirarete epite ŋolo aruunio ekitoe ŋol eritakin kwap, apaki ŋina emasarya ayoŋ iŋes nakibois a ŋikatwak kaapei ka ŋulu amaikina tolomasi nakipany. Apotu nai ŋikito daadaŋ ŋulu aya Eden ka ŋikito ŋulu ebusak ka ŋulu ebusak alo Lebanon ka daadaŋ ŋulu alomunito aneni aya ŋakipi tolakaros aŋuna ka aukor a ekitoe a ŋol.

Esek. 31:17

Apotu ŋikito ŋul daŋ toloto nakibois a ŋikatwak kaapei ka ekitoe ŋol, torukosi nen ka ŋulu aaryo a ekileŋ ka ŋituŋa a ŋakwapin aŋuna ariito ka iŋes ta ŋulu eboiyete alotolim keŋ.

Esek. 31:5

Aŋuna alelyaata ŋakipi neni alomunitor ekitoe ŋol, abu ekitoe ŋol tooyaar nooi akilo ŋikito ŋuluce. Apotu ŋaten keŋ toburyoto ka tooyaata.

Esek. 31:6

Apotu ŋikyeny a ŋikabilae a daadaŋ toduko ŋakais kec naten a ekitoe a ŋol. Apotu ŋityaŋ ŋulu ka ariet touryata lotolim a ekitoe a ŋol. Apotu ŋituŋa a ŋakwapin kiboiyoto alotolim a ekitoe a ŋol.

Esek. 31:8

Emam ekitoe a Cedar alomanikor ka Akuj ŋolo apedoryo akisikwaan ka ekitoe ŋol. Emam ekitoe a Cipres ayakar ŋaten ŋuna ekwaan ka ŋuna a ekitoe a ŋol. Emam ŋikito ŋulu ka ariet ŋulu ekwaan ŋaten ka ŋuna a ekitoe a ŋol. Emam ekitoe alomanikor ka Akuj ŋolo ekwaan akibuses keŋ ka ŋina a ekitoe a ŋol.

Esek. 32:22

“Eyai akwap ka Asiriya nakibois a ŋikatwak ŋin, eyakasi kaapei ka ŋulu ariitotor iŋes, irimokinito ŋalyalin a ŋul Asiriya kidiŋ aaryo ŋul daadaŋ a ekileŋ.

Dan. 4:10

“‘Ani aperi ayoŋ alokitaada kaŋ, ŋuna abu ayoŋ eŋolik anakiruja ikes nu: Abu ayoŋ eŋolik ekitoe eyai kidiŋ akwap, eoya ekitoe ŋol nooi.

Dan. 4:12

Ebusak ŋakwii keŋ nooi, alalak ŋaraito keŋ nooi, abu ekitoe ŋol kiteryamu daadaŋ akimuj. Apotu ŋityaŋ ŋulu ka ariet toryamut etolim alokwap ekitoe ŋol, apotu ŋikeny toduko naten keŋ, apotu ŋisubuna daadaŋ toryamut akimuj kec alokitoe a ŋol.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Sepan. 2:13

Isitiyae Ekapolon apedor keŋ amunyarya ŋituŋa ŋulu ka Asiriya, ido ituruwori etaun ŋolo a Ninepe ereŋorot, akibois ŋinacaryoit ŋina ikwaan ka aloŋisat.

Sakar 11:1

Iyes ŋituŋa a Lebanon, toŋaasi ŋipukei a akwap kus, ikotere akim tonom ŋikito kus ŋulu enyaritae Cedar.

Sakar 11:2

Kiololoto iyes ŋikito ŋulu enyaritae Cipres, anerae aukonor ŋikito ŋulu enyaritae Cedar, amunaar ŋikito ŋul ŋulu apolok nooi! Kiololoto iyes ŋikuyono ŋulu alo Basan; anerae ayepakin kwap amoni ŋina amutonon!

Ŋikat. 9:15

Toboŋok nai amoni a ŋikukwa ŋikito tema, ‘Ani kire kicamito iyes akituruwor ayoŋ erwosit kus, potu nai toiunos alotolim kaŋ, nai ani pa kipote, emaikina nai akim tonepu anamoni a ŋina a ŋikukwa, tonomiya ŋikito a Cedar ŋulu a Lebanon.’