Esek. 31:18 - Ebaibul

¹⁸ “Ekitoe ali alo Eden epedoryo akisikwaan ka iyoŋ anapolou kon a ŋina ailiilon ikimasakinio tokona iyoŋ kwap kaapei ka ŋikito a Eden, ikiwuakin nakibois a ŋikatwak, iperi iyoŋ aneni eperyoto ŋulu nyileŋeritae, aneni eperyoto ŋulu aaryo a ekileŋ. Erae Parao ka ŋajoresyo keŋ irworo Ekapolon ŋakiro kec a ne.”

Esek. 31:18 Iomraidhean Croise

2 Sam. 1:20

Nyemaikina ŋakiro nu tolimoroe alo Gas, kori kiserae alorotin a ŋulu ka Asikelon; anerae epedorete ŋidwe a Ŋipilistin ŋulupesur alelyan, epedorete ŋidwe a ŋul a ŋulu nyileŋeritae alakar.

2 Ŋakiro a ŋirwa 28:22

Anapaki a ŋina ayakar Aas natyokisyo, abu toŋer jik akikinyomit neni ke Ekapolon.

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Esek. 28:10

Itwani iyoŋ irae eeŋok koŋin aneni a ŋigelaanotin a ŋulu ikiarete iyoŋ; ayoŋ Ekapolon adau alimun ŋun.’ ”

Esek. 31:14

“‘Ameun nai tokona tari momit, mam ŋikito ŋulu elomunete aneni eya ŋakipi ŋulu eoyaketa, kori edoli aoyau kec lodouwon, mam ŋikito ŋulu emasete ŋakipi a ŋinapaki ŋulu eoyaketa ikwa ŋol. Emaikina tokona ŋikito daadaŋ toyakaun apaki ŋina etwakyata ikwa etwakyata ŋituŋa, emaikina tolomasi kwap toloto nakibois a ŋikatwak.’

Esek. 31:16

Abu ayoŋ etamaranik ŋituŋa a ŋakwapin iirarete epite ŋolo aruunio ekitoe ŋol eritakin kwap, apaki ŋina emasarya ayoŋ iŋes nakibois a ŋikatwak kaapei ka ŋulu amaikina tolomasi nakipany. Apotu nai ŋikito daadaŋ ŋulu aya Eden ka ŋikito ŋulu ebusak ka ŋulu ebusak alo Lebanon ka daadaŋ ŋulu alomunito aneni aya ŋakipi tolakaros aŋuna ka aukor a ekitoe a ŋol.

Esek. 31:2

“Lokoku a ituŋanan, tolimok Parao erwosit a Ijipit ka ŋituŋa keŋ ebe, ‘Ŋae mono ikwaanatar iyoŋ anapolou kon?

Esek. 31:8

Emam ekitoe a Cedar alomanikor ka Akuj ŋolo apedoryo akisikwaan ka ekitoe ŋol. Emam ekitoe a Cipres ayakar ŋaten ŋuna ekwaan ka ŋuna a ekitoe a ŋol. Emam ŋikito ŋulu ka ariet ŋulu ekwaan ŋaten ka ŋuna a ekitoe a ŋol. Emam ekitoe alomanikor ka Akuj ŋolo ekwaan akibuses keŋ ka ŋina a ekitoe a ŋol.

Esek. 31:9

Abu ayoŋ etiyau ekitoe ŋol ibus nooi eyakar ŋaten ŋuna alalak. Ayakatar ŋikito a Eden a emanikor a ŋolo ka Akuj daadaŋ arakao aŋuna a ekitoe a ŋol.’

Esek. 32:10

Eturuwori ayoŋ ŋituŋa ŋulu alalak ŋulu ekadakinito ŋakiro kon; emaranikinete ŋirwosi a ŋituŋa a ŋul a ŋuna kon. Emaranikinete ŋirwosi ŋul iŋolikinete apwatari ayoŋ ekileŋ kaŋ alokiŋaren kec. Akoloŋit ŋina akalemarya ayoŋ iyoŋ, emaranikini ŋolorwosit a ŋinapaki aŋuna ka akiyar keŋ.

Esek. 32:19

Tolimok Ijipit ebe, ‘Ibus mono iyoŋ nooi akilo ŋakwapin ŋunace a? Toloma kwap! Emaikina iyoŋ ikinuki kaapei ka ŋulu nyenupito neni ka Akuj.’

Esek. 32:21

Etemarete ŋikarikok ŋulu a agogoŋok ŋulu eya nakibois a ŋikatwak neni a Ijipit ka neni a ŋulu ariitoror Ijipit ebe, ‘Apotu ikes daŋ nakibois a ŋikatwak, eperete kaapei ka ŋulu nyenupito neni ka Akuj ŋulu aponi toarae a ekileŋ.’

Mat. 13:19

Ŋituŋa ŋulu iirarete akirot ŋina ka Apukan ka nyeyenut, ikote ikes ŋikinyom ŋulu adoete lorot. Ani ebuni Satan, tolema alotai kec ŋuna sek aekinitae.

1 Ŋikor. 10:14

Aŋun nai, ŋikaitotoi kaŋ ŋuluminan, toŋero akilip neni a ŋakujo a ŋace.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”