Esek. 31:16 - Ebaibul

¹⁶ Abu ayoŋ etamaranik ŋituŋa a ŋakwapin iirarete epite ŋolo aruunio ekitoe ŋol eritakin kwap, apaki ŋina emasarya ayoŋ iŋes nakibois a ŋikatwak kaapei ka ŋulu amaikina tolomasi nakipany. Apotu nai ŋikito daadaŋ ŋulu aya Eden ka ŋikito ŋulu ebusak ka ŋulu ebusak alo Lebanon ka daadaŋ ŋulu alomunito aneni aya ŋakipi tolakaros aŋuna ka aukor a ekitoe a ŋol.

Esek. 31:16 Iomraidhean Croise

Isa. 14:15

Nai ikitiyaun iyoŋ nakibois a ŋikatwak, ikitiyaun iyoŋ nakipany ŋina ecukul nooi.

Isa. 14:8

Elelyanete ŋikito a Lebanon ŋulu enyaritae Cipres ka Cedar aŋuna elounere erwosit, anerae mam ituŋanan nabo eyepakini ikes kwap ikwapei nyeriŋakar iŋes ipukat.

Yer. 50:46

Apaki ŋina iirare eruye ŋolo ikamarere Babilon, emaranikini akwap, ido iirarete ŋituŋa a ŋakwapin akigworo kec.

Esek. 14:22

Tari keyakaun ŋul, epiyanun alo Yerusalem ŋituŋa ŋice, eyaunete ŋituŋa ŋul ŋidwe kec ŋulusapa ka ŋulupesur kiŋa etaun. Epote ikes neni kon Esekiel, ani iŋolikini iyoŋ ŋipitesyo ka ŋiticisyo kec, etikiun etau kon aŋuna iŋolikinia atemar iyookino akisicanet ŋina abu ayoŋ oyau Yerusalem, ikilimokinete iyoŋ ŋakisicaneta daadaŋ ŋuna etiya ayoŋ nen atemar iyookino ŋakiro ŋuna abunio ayoŋ esicania Yerusalem.

Esek. 14:23

Etikiun etau kon iŋolikini iyoŋ ŋipitesyo ka ŋiticisyo kec, anerae ianyuni iyoŋ atemar nyitiya ayoŋ ŋadi neni a ŋituŋa a Yerusalem pa edyakarito ikes.”

Esek. 26:10

Iudun neni kon ŋaŋolei keŋ ŋuna alalak nooi, ido ikirapuwari iyoŋ apuwa kec Ani eruunete ŋaŋolei, ŋakejen a ŋagaari ka ŋagaari, iloilookin ŋarwatatain kon daadaŋ, iloilookin ŋarwatatain kon elomunete ikes tooma kon lopite ŋolo elomuniata ŋimoe lotaun ŋolo apedepedoi arwatata keŋ.

Esek. 26:15

“Alimu Ekapolon Akuj ŋakiro nu neni a Tiro, nyemaranikinete mono ŋituŋa ŋulu iboiyete alodiyete anam iirarete akigworo ŋina ka alemaro kus, apaki ŋina eumenioto ŋulu ewanawanatae ka ŋina earere ŋituŋa aneni kon Tiro a?

Esek. 27:28

Emaranikinete ŋituŋa ŋulu iboiyete alodiyete anam iirarete ŋikametok a ŋameeli igworosi.

Esek. 31:14

“‘Ameun nai tokona tari momit, mam ŋikito ŋulu elomunete aneni eya ŋakipi ŋulu eoyaketa, kori edoli aoyau kec lodouwon, mam ŋikito ŋulu emasete ŋakipi a ŋinapaki ŋulu eoyaketa ikwa ŋol. Emaikina tokona ŋikito daadaŋ toyakaun apaki ŋina etwakyata ikwa etwakyata ŋituŋa, emaikina tolomasi kwap toloto nakibois a ŋikatwak.’

Esek. 31:18

“Ekitoe ali alo Eden epedoryo akisikwaan ka iyoŋ anapolou kon a ŋina ailiilon ikimasakinio tokona iyoŋ kwap kaapei ka ŋikito a Eden, ikiwuakin nakibois a ŋikatwak, iperi iyoŋ aneni eperyoto ŋulu nyileŋeritae, aneni eperyoto ŋulu aaryo a ekileŋ. Erae Parao ka ŋajoresyo keŋ irworo Ekapolon ŋakiro kec a ne.”

Esek. 31:3

Ikwaan iyoŋ ka ekitoe a Cedar ŋolo eyai Lebanon, ŋolo eyakar ŋaten ŋuna ebusak ŋuna eyai etolim ŋolo ka amoni, ekitoe ŋolo aoyan nooi ŋolo edolit aoyau keŋ lodouwon.

Esek. 31:8

Emam ekitoe a Cedar alomanikor ka Akuj ŋolo apedoryo akisikwaan ka ekitoe ŋol. Emam ekitoe a Cipres ayakar ŋaten ŋuna ekwaan ka ŋuna a ekitoe a ŋol. Emam ŋikito ŋulu ka ariet ŋulu ekwaan ŋaten ka ŋuna a ekitoe a ŋol. Emam ekitoe alomanikor ka Akuj ŋolo ekwaan akibuses keŋ ka ŋina a ekitoe a ŋol.

Esek. 31:9

Abu ayoŋ etiyau ekitoe ŋol ibus nooi eyakar ŋaten ŋuna alalak. Ayakatar ŋikito a Eden a emanikor a ŋolo ka Akuj daadaŋ arakao aŋuna a ekitoe a ŋol.’

Naum 2:3

Eyakatar ŋasigarya a ŋimoe ŋaupala ŋuna areŋak, ido tonapito ŋilowi ŋulu areŋak. Imilyasi ŋasuwa a ŋagaari kec akoloŋit ŋina itemonokinere aŋuna ke ejie. Ibunyasi ŋaŋolei alosit lojie.

Abak. 2:17

Idaut iyes ayepakin kwap ŋamon ŋuna a Lebanon; iyes daŋ ikiyepakinio kwap. Ipotu iyes toara ŋityaŋ a Lebanon, iyes daŋ, ikiryetarete ŋityaŋ. Itiyakin ŋakiro ŋun aŋuna idauniata iyes akiar ŋuluce ka aŋuna ka aryenyeo kus neni a ŋituŋa a akwap ka lotaunio kec.

Agai 2:7

Eiŋiiŋakini ayoŋ ŋakwapin daadaŋ, ikotere ebari a ŋakwapin a daadaŋ ebuni, ido elelebik ayoŋ akibuses Kai na.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.