Esek. 31:15 - Ebaibul

¹⁵ “Alimu Ekapolon Akuj atemar, akoloŋit ŋina ayaunere ekitoe ŋol nakibois a ŋikatwak, abu ayoŋ ogolok akipany alokidiama keŋ, emuleleiya iŋes; abu ayoŋ ogol ŋaŋololin a ŋakipi a ekitoe a ŋol, kiudakinos ŋakipi ŋun iwapei towua. Abu ayoŋ elelebik akiyaloloŋ lotuŋa a Lebanon aŋuna a ekitoe a ŋol ka apotu ŋikito ŋulu ka ariet daadaŋ torinyiyosi aŋuna a ekitoe a ŋol.

Esek. 31:15 Iomraidhean Croise

2 Sam. 1:21

Iyes ŋimukura ŋulu a Gilboa, nyepete ŋakopi kidiama kus, kori nyilimi akiru, nyerayete ŋimanikorin ŋulu eya neni kus! Anerae neni kus emasarere nariet aupal a ekatitinyon, aupal a Saul ŋina nyeriŋa iosyo ka akimyet.

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Esek. 26:18

Amaranikis tokona ŋituŋa ŋulu iboiyete alodiyete anam aŋuna eŋolikiniata akoloŋit ŋina ikilemarere iyes. Akadaki ŋituŋa ŋulu iboiyete alodiyete anam iŋolikinete epite ŋolo idaunotor iyes.’

Esek. 32:7

Ani akalemari ayoŋ iyoŋ, eteriboori ayoŋ nakuj aneni kon, esiryoni ayoŋ ŋikacer; eteriboori ayoŋ a edou akoloŋ aneni kon, nyecauni elap apaki ŋin.

Mal. 3:4

Ekaku nai, eyaunete ŋituŋa a Yudaya ka ŋulu a Yerusalem ŋainakineta ŋuna ecamit Ekapolon, lopite ŋolopei paaran sek ayaununiata.”