Esek. 31:14 - Ebaibul

¹⁴ “‘Ameun nai tokona tari momit, mam ŋikito ŋulu elomunete aneni eya ŋakipi ŋulu eoyaketa, kori edoli aoyau kec lodouwon, mam ŋikito ŋulu emasete ŋakipi a ŋinapaki ŋulu eoyaketa ikwa ŋol. Emaikina tokona ŋikito daadaŋ toyakaun apaki ŋina etwakyata ikwa etwakyata ŋituŋa, emaikina tolomasi kwap toloto nakibois a ŋikatwak.’

Esek. 31:14 Iomraidhean Croise

Neem. 13:18

Pa mono apotu atapapaa kus kitiyata ŋun, ido pa mono abu Akuj yok yau ŋican daadaŋ neni yok ka lotaun yok a? Nai iyaut iyes nabo anyunyura a Akuj ace neni a Ŋisirael aŋuna ijamuwaryata akoloŋit ŋina a Sabato a?”

Ŋikiru. 82:7

Nai itwakete iyes lopite ŋolo etwakyata ŋituŋa; edaun akiyar kus lopite ŋolo edaunor akiyar a ŋolokepukan.”

Isa. 14:15

Nai ikitiyaun iyoŋ nakibois a ŋikatwak, ikitiyaun iyoŋ nakipany ŋina ecukul nooi.

Esek. 26:20

apaki ŋin nai ekewuakinia ayoŋ iyoŋ nakibois a ŋikatwak, kimorikinos ka ŋituŋa ŋulu koloŋ sek kiboiyete anakwap. Ekemyekini ayoŋ iyoŋ kiboi anakibois a ŋin a ŋina erubakini emunaara ŋikaru ka ŋikaru, irubakini iyoŋ Tiro iyai nen ka ŋulu adaut atwakare, ikotere todaun ituŋanan iboikin tooma kon, kori nyimin nabo jik neni eyakasi ŋituŋa ŋulu eyarete.

Esek. 31:18

“Ekitoe ali alo Eden epedoryo akisikwaan ka iyoŋ anapolou kon a ŋina ailiilon ikimasakinio tokona iyoŋ kwap kaapei ka ŋikito a Eden, ikiwuakin nakibois a ŋikatwak, iperi iyoŋ aneni eperyoto ŋulu nyileŋeritae, aneni eperyoto ŋulu aaryo a ekileŋ. Erae Parao ka ŋajoresyo keŋ irworo Ekapolon ŋakiro kec a ne.”

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Amos 9:2

Tari daŋ kitiŋaar ikes kiboiyosi nakibois a ŋikatwak, ekamuni ayoŋ ikes ka akan kaŋ eriu ikes a nen, tari daŋ kedokasi ikes kidiama, atiyauni ayoŋ ikes kwap.

Yona 2:2

Tema, “Abu ayoŋ alocan kaŋ ekaloik Ekapolon, ido abu iŋes toboŋok akigworo kaŋ; alotooma akibois a ŋikatwak, abu ayoŋ ekalou acamit ekeŋarakin, ibu iyoŋ kiira etoil kaŋ.

Yona 2:6

Abu ayoŋ odol tari kwap ŋimoru; okogolok akwap Kwap keŋ ŋikaru ka ŋikaru. Nai iyoŋ Ekapolon Akuj kaŋ, ibu ikinyaku ayoŋ a nen ayari,

Ekim. 16:30

Nai ani kitiyak Ekapolon ŋakiro ŋuna kitete, ido totyakas ŋalup tosodi kiyuuwaar ikes tooma kaapei ka ŋiboro daadaŋ ŋulu eyakatar ikes, tolomasi ikes eyarete nalup, nakibois a ŋikatwak, iyenunete nai iyes atemar ejamuwarito ŋituŋa ŋul Ekapolon.”

Ekim. 16:33

Aŋun apotu ŋikilyok ŋul kaapei ka ibore daadaŋ ŋini ayakatar ikes tolomasi kwap, nakibois a ŋikatwak eyarete, togolokin ŋalup alokidiama kec, tomunyarae ikes alokidiŋ atukot a ŋituŋa.

Mat. 11:23

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak! Anerae kerae koloŋ kitiyatetei ŋakujuwuanisya ŋuna etiyakin neni kus, keriŋa Sodoma eyai tari tokona!

1 Ŋikor. 10:11

Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.

Ŋiep. 4:9

Nyo mono apolou a ŋakiro a ŋuna ebasi, “Ani elosi iŋes kidiama”? Apolou kec atemar abu iŋes ekiŋaren bu kwap kiporo tari nakibois ŋina a ŋikatwak.

Ŋikis. 13:11

Iirarete nai Ŋisirael daadaŋ ŋakiro ŋun, ido tobul ka nyitiyae nabo ituŋanan ice aronis ŋina ikoni ŋin.

Ŋikis. 21:21

Ecakete nai ŋikilyok a etaun a ŋol iŋes a ŋamoru totwan. Aŋun, ilemarete iyes aronis alokidiŋ kus, ido iirarete Ŋisirael daadaŋ ŋakiro ŋun, tobul.

Ŋibur. 9:27

Etwani ituŋanan daadaŋ atwanet apei, ido ekaku totubok Akuj iŋes.

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.