Esek. 30:3 - Ebaibul

³ Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 30:3 Iomraidhean Croise

Ŋikiru. 110:6

Etubokini iŋes ŋituŋa a ŋakwapin, ilelebikini ŋalyalin nakwapin; ielielaari ŋikepukak ka akwap a daadaŋ.

Ŋikiru. 37:13

nai ite Ekapolon ŋulu aronok erae ŋikoŋinae, anerae eyeni atemar ebunit akoloŋit ŋina emunyarere ikes.

Awos. 14:20

alokidiŋ ajore a Ŋijipitian ka ŋina a Ŋisirael, akuwar kya abu adis ŋin yau akiryonut lowae ŋolo a Ŋijipitian ka akica lowae ŋolo a Ŋisirael; apotu ŋajorei ŋun nyeapikin akuwar daadaŋ.

Awos. 14:24

Ani eapuuni akiwalar, toripiu Ekapolon kwap anadis ka anarira, kiŋolik ŋasigarya a Ŋijipitian, kisibiler ikes.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 13:9

Kiirasi, adolu akoloŋit ŋina ke Ekapolon, akoloŋit ŋina ka adedeŋu, ŋina ka anyunyura ka aŋoit ŋina amunyaran. Erae akoloŋit ŋin ŋina ituruworere akwap ŋina a silon ŋina emunyarere ŋikasecak anakwap.

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Yer. 25:31

Iiraryo ecelet a Ekapolon alowaetin a daadaŋ a ŋulu ka akwap, anerae eyakar Ekapolon akisitakinet neni a ŋituŋa a ŋakwapin. Ebunit iŋes akitub ŋakiro a ŋituŋa a daadaŋ, ido totubok atwanare neni a ŋulu iilit aŋuna itiyatotor aronis.’ ”

Esek. 13:5

Nyitipeiyoro iyes neni eukonoro anarwatata alotaun kus, kori nyedukokina iyes nabo neni eukoro anarwatata aŋuna a Ŋisirael, ikotere arwatata ŋin eiuni Ŋisirael apaki ŋina ke ejie a ŋolo ebuni akoloŋit ŋina ke Ekapolon.

Esek. 29:12

Eturuwori ayoŋ akwap a Ijipit ŋina asilon, apei anakwapin a ŋuna asilok, esilunete ŋitaunio keŋ ŋikaru ŋatomoniomwon, ikwaanikin ikes ka ŋitaunio ŋulu aruwor ŋireŋoroto. Eelari ayoŋ Ŋijipitian nakwapin ewuanak nakiboisyo ŋuna egelegelya.

Esek. 30:18

Emini akiryonut naparan lotaun Teapanes apaki ŋin ŋina alemarya ayoŋ agogoŋu aneni a Ŋijipitian, esaluni agogoŋu keŋ ŋina ituror iŋes. erapuwaryo Teapanes a ŋidouwon ka ikamaryo ŋirerya ŋulu idunyatar iŋes torikoe ŋituŋa kec.

Esek. 32:7

Ani akalemari ayoŋ iyoŋ, eteriboori ayoŋ nakuj aneni kon, esiryoni ayoŋ ŋikacer; eteriboori ayoŋ a edou akoloŋ aneni kon, nyecauni elap apaki ŋin.

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Esek. 7:10

Kiirasi aapuu akoloŋit! Abu! Eelun amunyaro kus, alalaar aryenyeo, alalaar akituro,

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Esek. 7:19

Imasakinete ikes esilipa kec lorotin ŋulu a ŋitaunio kec, itoroniyarete ikes egolid kec. Itiyaete ikes ŋun, anerae nyepedori esilipa kori egolid kec aiun ikes akoloŋit ŋina ebunio anyunyura a Ekapolon neni kec. Nyepedorete ikes alemar akoro aneni kec, kori akisimwon ŋakookyes kec a esilipa, kori a egolid, anerae apotu esilipa ka egolid kiŋalaasi ikes nasecit.

Esek. 7:7

Adolu amunyaro kus neni kus, iyes ŋituŋa ŋulu iboiyete anakwap a Isirael. Adolu esaa, aapuu akoloŋit ŋina ke ekaile meere ŋina ebolyare itiyao ŋasuban alomoru.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Obad. 1:15

“Eapi akoloŋit ŋina ke Ekapolon, aŋuna a ŋakwapin a daadaŋ. Epite ŋolo itiya iyoŋ Edom, itiyakinio neni kon daŋ ikwaŋinapei. Ikiboŋokinete iyoŋ ŋiticisyo kon a alope.

Sepan. 1:14

“Aapuu akoloŋit ŋina apolon ŋina ke Ekapolon, aapuu, ido iburuburuuna atipei. Epipil nooi akigworo akoloŋit ŋin ŋina ke Ekapolon, ikalounete ŋikajiok a nen neni apipilan nooi.

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.

Mat. 24:33

Ikwaŋinapei, iyes daŋ ŋina iŋolikiniata ŋakiro ŋun daadaŋ etakanunete, toyenutu atemar aapuu Lokoku a Ituŋanan, adolu lokekia kus.

Ŋipil. 4:5

Kiyapara alotuŋa a daadaŋ. Aapuu apaki ŋina ebunio Ekapolon.

Yak. 5:9

Ŋikaitotoi, tojoŋoto akiŋuruŋura make, ikotere nyikitubok Akuj. Kiirasi! Aapuu Ekatubon, eapi atakanun keŋ.

Akis. 6:17

Anerae adolu Akoloŋit ŋina ka anyunyura kec, ŋae epedori akidaŋidaŋ?”