Esek. 30:13 - Ebaibul

¹³ “Alimu Ekapolon Akuj ŋakiro nu ebe, Amunaari ayoŋ ŋakujo etasaluni ayoŋ ŋitorubei ŋulu eya Memipis; emamukaun anakwap a Ijipit erwosit nabo; aŋun, ewuakini ayoŋ akuryanu lotuŋa a akwap a Ijipit.

Esek. 30:13 Iomraidhean Croise

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Isa. 2:18

Itoŋopiyaryo jik ŋitorubei a ŋakujo.

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Yer. 2:16

Kikote neni daŋ, aŋatasi ŋituŋa a Mempis ka ŋulu Tapanes ŋiboro a Ŋisirael.

Yer. 43:12

Inokakini iŋes akim nakais a ŋakujo a Ijipit, icunyakini iŋes ŋakais ŋun toriko ŋituŋa erae ŋulu ikamaritae, epyaari iŋes akwap a Ijipit lopite ŋolo elemarya ekeyokon ŋilac alolou keŋ, toboŋo a nen emam ŋace.

Yer. 43:13

Eritakini iŋes kwap ŋipirin a Eliopolis ŋulu a etal ŋulu eya Ijipit ka icunyakini ŋakais a ŋakujo a Ijipit.’ ”

Yer. 44:1

Kirwor Ekapolon neni a Yeremia aŋuna a Ŋiyudayan a daadaŋ a ŋulu eboiyete anakwap a Ijipit alo Migidol, alo Tapanes, alo Mempis ka anakwap a Pasiros,

Yer. 46:14

“Tolimo ŋakiro nu alo Ijipit, kiserau ikes alo Migidol, kiserau ikes alo Mempis ka alo Tapanes ebe, ‘Tolemutu ŋaŋolei kus, ido totena, anerae emunyaryo a ekileŋ ŋikidunyet kus.’

Yer. 46:19

Toena ŋiboro kus aŋuna ka arikoro, okoe iyes ŋituŋa ŋulu iboiyete alo Ijipit Ituruworyo Mempis ekoŋinait, ereŋorot neni emam ŋituŋa eyakasi.

Yer. 46:25

Tolimu Ekapolon ŋolo a ŋajoresyo, Akuj a Ŋisirael tema, “Kiirasi, ayauni ayoŋ akisicanet neni ka Amon a akuj a Tebes ka neni a Parao, Ijipit ka ŋakujo keŋ ta ŋirwosi keŋ, neni a Parao ka daadaŋ ŋulu ikinyomito iŋes.

Yer. 46:5

Kaanukiro eteo ayoŋ ikes ebulit? Aema ikes, aboŋosi ebulit, eloun ŋikajiok kec, ido ikirikasi ekerete, iŋoliununeete kaku, eyai ekabule lowaetin kec daadaŋ.

Esek. 30:16

Ecunyari ayoŋ akwap a Ijipit; emini aryeba ŋina apolon nooi lotaun Pelusium; ebwaŋabwaŋakinio kwap ŋarwatatain a Sebes, eremete ŋimoe Mempis naparan.

Osea 9:6

Tari kebucarosi ikes anamunyaro, ecunarete Ŋijipitian ikes ka enukio ikes Mempis. Erupunete ŋinya aneni sek ayai abaru kec ŋina a esilipa, erupunete ŋikukwa alorerya kec.

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Sakar 10:11

Ani itorunete ikes nanam ŋina nyepatana akitor, ayoŋ Ekapolon etidipokini ekuwuam ananam, ido etooni neni ecukul anaŋolol a ŋina a Nile, itiditeunio ŋituŋa ka Asiriya ŋulu sek iturosi, edaun agogoŋu eyakar Ijipit ŋina sek egogoŋ.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.