Esek. 30:11 - Ebaibul

¹¹ Epote Nebukadinesar ka ŋituŋa keŋ ŋulu aryenyaanak ŋulu iloito ŋituŋa a ŋakwapin, eyaunio ikes tomunaasi akwap a Ijipit, epote ikes akiar ŋituŋa a Ijipit a ŋileŋia kiletiletakis ŋawat nakwap a Ijipit daadaŋ.

Esek. 30:11 Iomraidhean Croise

Esek. 28:7

ayauni ayoŋ ŋituŋa ŋulugelaanotin ikiman iyoŋ, ayauni ayoŋ ŋituŋa ŋulu eryenyaaka anakwap nooi; eŋatarete ikes a ŋileŋia kec akibuses ŋina ka aosou kon. Emunaarete ikes apolou kon ŋina ailiilon

Esek. 30:24

Ewuakini ayoŋ agogoŋu neni a erwosit a Babilon, Oinak iŋes ekileŋ kaŋ totiŋ; nai alemari ayoŋ agogoŋu a Parao, ido kigwor irurumae alokiŋaren erwosit a Babilon lopite ŋolo igworor ituŋanan ŋini ewanitae nooi.

Esek. 31:11

abu ayoŋ epotok iŋes neni a ekepukan a ŋakwapin, adau ekepukan ŋol akisican iŋes aŋuna ka aronis keŋ. Adau ayoŋ akipotor iŋes.

Esek. 31:12

Adaut ŋigelaanotin ŋulu eponito anakwapin a ŋuna aryenyaanak nooi ayepakin ekitoe ŋol kwap ka akimyekin eperi a nen. Emasakinosi ŋaten keŋ kidiama ŋikamukumukui ka tooma ŋakadipaalae daadaŋ, eperete ŋaten keŋ ebilibila alotooma ŋaŋololin daadaŋ ŋuna ka akwap; apotu ŋituŋa daadaŋ ŋulu ka akwap torotokis alotolim keŋ, kimyekis etolim keŋ a nen.

Esek. 32:12

Emyekini ayoŋ ŋajorei kon tomunyarae, emunyarete a ŋileŋia ŋikajiok ŋulu agogoŋok ikes, epote neni keŋ ŋikajiok a ŋakwapin ŋulu aryenyaanak nooi. Itoŋopiyarete ikes akituro a Ijipit, earyo ŋikajiok a Ijipit daadaŋ.

Esek. 35:8

Etubutari ayoŋ ŋawat a ŋikatwak ŋikamukumukui a akwap a Seir, imasakinosi ŋulu earyo kidiama ŋikamukumukui a akwap a ŋin, tooma ŋakadipaalae a akwap a ŋin ka nayona daadaŋ ŋuna aŋakipi anakwap a ŋin.

Esek. 39:4

Itwanikini iyoŋ kidiama ŋikamukumukui ŋulu a Isirael, kaapei ka ŋasigarya kon daadaŋ ta ŋituŋa ŋulu irukito ka iyoŋ. Ekepotokini ayoŋ iyoŋ neni a ŋolokabila a ŋikeny a daadaŋ a ŋulu anyamak ŋituŋa; ekepotokini ayoŋ iyoŋ neni a ŋityaŋ a ŋulu ka ariet, ikotere itonyam iyoŋ.

Ŋikis. 28:50

Epote ŋituŋa ŋul erae ŋulu aryenyaanak, ŋulu nyitopoloorito ŋikasikou, kori nyerimaaka aneni a ŋidwe.