Esek. 3:7 - Ebaibul

⁷ Nai emam Ŋisirael ŋini ecamuni apupokin ŋakiro ŋuna irwori iyoŋ, anerae nyecamito daadaŋ akiirar ŋuna erworo ayoŋ aŋuna etogogoŋioto ŋakyes kec ka aruworotor ŋasyanisya alotai kec.

Esek. 3:7 Iomraidhean Croise

Isa. 3:9

Elimorit epite ŋolo etakaniata ŋireetin kec aremokino kec Ekapolon, iseraete ikes asecit kec lopite ŋolo etiyaata ŋituŋa a Sodoma nyimunonito ikes asecit kec. Aca kec! Ayaut ikes ŋilam neni kec.

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 44:16

“Nyikicamuni isua akiirar ŋakiro ŋuna idau iyoŋ alimokin isua alokiro ke Ekapolon.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 6:10

Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Yer. 6:17

Abu daŋ ayoŋ oseu aŋuna kus ŋiketeok akwap okolimok iyes ebe, ‘Totenito akiirar eruye amomwara a emesek!’ Nai apotu ŋituŋa temasi, ‘Nyetenio isua.’

Yer. 7:27

“Aŋun, Yeremia ilosi iyoŋ akirwor ŋakiro nu daadaŋ neni kec, nai nyecamunete ikes apupokin iyoŋ, inyarae iyoŋ ikes, nai nyikiboŋokinete ikes iyoŋ.

Esek. 2:4

Erae ŋituŋa ŋulu ekeyakiyari ayoŋ iyoŋ neni kec ŋulu nyeketopoloorito ayoŋ ka erae ŋulu egogoŋ ŋakyes. Tolimok ikes ebe,

Esek. 24:7

Eyakasi tooma Yerusalem ŋituŋa ŋulu apotu ŋituŋa a Yerusalem toara; apotu ŋituŋa a Yerusalem kiperyonokis ŋawat a ŋul natabab nenilapat, apotu nyiperyonokis nalup, neni epedoryata ŋawat make arapuwar a ŋalup.

Esek. 3:6

Nyekeyakiyarit ayoŋ iyoŋ nakwapin ŋuna alalak ŋuna nyileerete aneni kon ŋakiro ŋuna irworosi ikes ka ŋulu etyono a ŋajep kec. Ani kire kekeyakiya ayoŋ iyoŋ neni kec, epupokinete ikes ŋakiro ŋuna irworo iyoŋ.

Esek. 3:8

Kiira, ilaerekini iyoŋ ŋakiro kec lopite ŋolo elaerekioto ikes anakiro aŋuna irworo iyoŋ.

Sakar 7:11

Nai apotu ŋituŋa towout akiirar ŋun, apotu nyecamut akiwuap ŋakiro kaŋ.

Sakar 7:12

Apotu kitogogoŋo ŋakyes kec ikwa ŋatabab, todaun epite ŋolo iiraryata ŋikisila kori ŋakiro ŋuna abu Ekapolon ŋolo Etiron kiyakiu alotooma Etau keŋ alorwori a ŋikadwarak a ŋulu esyaunak. Aŋun, abu Ekapolon ŋolo Etiron toŋo nooi.

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Luk. 13:34

“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Luk. 19:14

Nai aremokino ŋituŋa ŋulu ka akwap keŋ iŋes, kiyakiyasi ŋituŋa neni alosi iŋes temasi, ‘Nyikicamit isua ituŋanan ŋin eruwor erwosit kosi.’

1 Sam. 8:7

Tema nai Ekapolon neni a Samuel, “Tocamu ŋakiro daadaŋ ŋuna irworosi ŋituŋa neni kon; anerae nyikiŋerito iyoŋ ŋituŋa aruwor Ekapolokiniton kec, nai ayoŋ akaŋero ŋituŋa araakau erwosit ŋolo epukat ikes.