Esek. 3:3 - Ebaibul

³ Tema iŋes neni kaŋ, “Lokoku a ituŋanan, tonyam ekitaabo lo ŋolo akainakinit ayoŋ iyoŋ kisimwon akook kon.” Aŋun, abu ayoŋ onyam ekitaabo, oryamu ayoŋ ebob nooi anakituk kaŋ ikoni ao.

Esek. 3:3 Iomraidhean Croise

Yob 23:12

Nyimyekina ayoŋ akiwuapit ŋuna ekecikit iŋes ayoŋ akiwuap, ericakinit ayoŋ alelakinit nooi ŋakiro ŋuna abu iŋes okolimok ayoŋ.

Ŋikiru. 119:103

Ebobok nooi ŋakiro kon eirari ayoŋ, ebobok nooi akilo tari ao inyami!

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 119:97

Okoe ayoŋ amina nooi ŋikisila kon, atamatamae ayoŋ ikes apaaran jwii,

Ŋikiru. 19:10

Emaikina ikiburite nooi amina ikes akilo egolid, akilo tari egolid ŋolo eliuna ejok nooi; ebobok daŋ ikes akilo ao akilo tari ao ŋina eliuna bon anakap keŋ.

Ŋikiru. 19:11

Akainakinito ikes ayoŋ eketiyan kon acoikinit ŋakiro; aryamuni ayoŋ eropit ŋolo apolon nooi anakiwuapit ikes.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Esek. 2:10

Abu ŋini erworo neni kaŋ toŋaa ekitaabo ŋol alokiŋaren kaŋ, eŋolik ayoŋ igiritae ŋakiro kaku ka kiŋaren a ekitaabo a ŋol. Arae ŋakiro ŋuna egiritae nen ŋuna ka akiolol ka akigworo ta ŋuna abasi ekaŋ iyes.

Esek. 2:8

“Nai iyoŋ lokoku a ituŋanan, kiira ŋakiro ŋuna erworo ayoŋ neni kon, nyiŋer ŋakiro kaŋ ikwa ekal ŋolo a ŋeron ŋol. Toŋaam kimuj ibore ŋini akainakini ayoŋ iyoŋ.”

Esek. 3:4

Tema ŋini erworo neni kaŋ, “Lokoku a ituŋanan ape tokona neni a Ŋisirael kirwor ŋakiro kaŋ pei neni kec.

Yoa. 7:38

Igiritae Nakigireta ebe, ituŋanan ŋini akanupi ayoŋ, ‘Epote ŋilelyan ŋulu a ŋakipi a ŋuna eteyarak alel alotau keŋ.’”

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.