Esek. 3:20 - Ebaibul

²⁰ Ŋace nu, ani keesikis ŋituŋa ŋulu iyookino akiyookino kec, ido kitiyata ŋuna aronok, ido ewuak ayoŋ ibore ŋini itukuruwori ikes akitiya ŋuna aronok, etwakete ŋituŋa ŋul, anerae nyelimokina iyoŋ ikes aesikin akitiya ŋuna aronok, etwakete ikes aŋuna ka asecit kec, nyetamunio nabo jik ŋuna ka akiyookino a ŋina sek etiyato ikes, nai emarakini ayoŋ atwanare kec nakou kon.

Esek. 3:20 Iomraidhean Croise

2 Ŋakiro a ŋirwa 24:2

Alokaru a daadaŋ a ŋulu ayarya Yeoiyada, abu Yoas kitiya ŋuna etalakarito Ekapolon Akuj.

2 Ŋakiro a ŋirwa 25:15

Abu Ekapolon toŋoik Amasia, ido abu kiyakiya ekadwaran neni ka Amasia. Abu ekadwaran ŋol kiŋit Amasia tema, “Kaanukiro ilipya iyoŋ neni a ŋakujo a ŋunagelae a ŋuna apotu nyeiut tari ŋituŋa kec apaki ŋina iarya iyoŋ ikes?”

Ŋikiru. 119:165

Elal alakara aneni a ŋulu eminasi ŋikisila kon, emam ibore ipei daŋ ewani ikes.

Ŋikiru. 125:5

Nai kisican iyoŋ ŋulu aronok, kisican daŋ ŋulu emyekis akiwuapit ŋuna ibala iyoŋ. Toyai ekisil Isirael.

Ŋikiru. 36:3

Ŋakiro ŋuna irworo iŋes erae ŋuna aronok ka erae amodiyo; ajoŋo iŋes akitiya ka aosou, ka akitiya ŋuna ajokak.

Ŋakit. 25:12

Ani kikilimok ituŋanan ŋini aoson ŋakiro, ido kiira kiwuap, ejok nen nooi, ikoni neni ejokya inapit anakit ibore ŋini itiyaunitae a egolid.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Isa. 8:14

Ekapolon iŋes eruwor asegis, amoru ŋina iguwanakini ŋituŋa a Yudaya ka Isirael ka ataaba ŋina ibusonokini ikes. Eruwor iŋes aloc ka auno ŋinakisurumet ŋituŋa ŋulu iboiyete alo Yerusalem;

Yer. 34:16

Nai ipotu iyes kilocokis ŋatameta kus tojamuwasi ekiro kaŋ apaki ŋina inyakaryata iyes ŋipi, kori ŋapi kus ŋituŋa ŋulu sek ipotu iyes tolacakis ikwapei eitanitotor ikes, ipotu iyes kituruwosi ikes nabo ŋiketiyak kus.

Yer. 6:21

Aŋun, alimu Ekapolon ŋakiro nu, “Kiirasi ewuak ayoŋ aŋuna a ŋituŋa a lu, akigukinet ŋina isibusokini ikes, isibusokini akigukinet ŋin ŋikauruunak ka ŋidwe, emunyarosi ŋikidunyet ka ŋikonei.

Esek. 14:3

“Lokoku a ituŋanan, adaut ŋikilyok lu akiwuakin ŋitai kec neni a ŋakujo ka imyekinito ŋakujo erikorete ikes nasecit. Etamete mono ikes atemar aboŋokini ayoŋ ŋuna iŋikitasi ikes a?

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Esek. 18:26

Ani kimyek ŋini iyookino akitiya ŋuna ka akiyookino, kitiya aronis, etwani aŋuna ka aronis a ŋin, etwani iŋes aŋuna ka asecit a ŋina etiya iŋes.

Esek. 3:18

Ani kalimok ayoŋ ŋulu aronok ebe, ‘Itwakete iyes kire jik, ido towou iyoŋ alimokin ikes acoikin aronis kec, kori towou iyoŋ akirwor ŋakiro ŋuna iteesikinete ikes aronis kec ikotere eiunete akiyar kec, etwakete kire jik ŋikaronok ŋul aŋuna ka asecit kec, ido emarakini ayoŋ atwanare kec erae nakou kon.

Esek. 33:18

Ani keŋero ŋulu iyookino akiyookino kec kitiyata asecit, etwakete ikes aŋuna ka asecit a ŋin.

Esek. 33:6

Nai ani kiŋolik eketen ŋituŋa ŋol ŋimoe eponito, ido nyeramak eli, totena ŋituŋa akitiya ŋuna ecamito, potu nai ŋimoe toara idio alotuŋa a ŋulu ainakinitae iŋes akitere, earyo ituŋanan ŋin aŋuna a asecit keŋ, nai eruwor atwanare keŋ nakou a ŋolo ainakinitae akitere ikes.

Esek. 7:19

Imasakinete ikes esilipa kec lorotin ŋulu a ŋitaunio kec, itoroniyarete ikes egolid kec. Itiyaete ikes ŋun, anerae nyepedori esilipa kori egolid kec aiun ikes akoloŋit ŋina ebunio anyunyura a Ekapolon neni kec. Nyepedorete ikes alemar akoro aneni kec, kori akisimwon ŋakookyes kec a esilipa, kori a egolid, anerae apotu esilipa ka egolid kiŋalaasi ikes nasecit.

Dan. 9:18

Okoe Akuj kaŋ, kiirarae ayoŋ, kiŋoliu, ido kiŋolik ekasile ŋolo ayakaun lotaun ŋolo eyai ekiro kon. Nyikilipi isua neni kon aŋuna ikitamia atemar ikirae ŋulu ikiyookino, nai erae aŋuna ikiyenia atemar irae iyoŋ ŋina elal nooi akisyon.

Ŋilep. 19:17

“‘Nyimanit ŋiyeneta kon alotau kon. Tolimok ŋikidunyetkon itoŋoiyarit atemar idyakarito, erae ŋun ikotere nyeruworosi ikes ŋulu esecito.

Sepan. 1:6

Amunyari ayoŋ ŋulu aŋero akiwuapit Ekapolon, ŋulu nyiwarito Ekapolon, kori nyiŋitasi iŋes ibore idio.”

Mat. 18:15

“Ani kesec lokaato kon neni kon, tolot neni keŋ kiteyenik iŋes adyakaret keŋ aneni kus make. Ani kiira iŋes ŋuna ilimok iyoŋ, iŋes atemar inyaku iyoŋ lokaato kon.

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Luk. 8:15

Ŋikinyom ŋulu adoete nalup ŋuna ajokak erae ŋituŋa ŋulu iirarete akirot, kiricakis, tonupa a ŋitai a ŋulu ajokak ka totitinyikis akitodol ŋina erayata.

Ŋirom. 11:9

Ido ebala Daudi ebe, “Elipi ayoŋ neni ka Akuj toruwor ŋasuban kec ŋaunoi ŋuna isirumere ikes; elipi ayoŋ kisican Akuj ikes.

1 Ŋikor. 1:23

Nai tolimonokinetei bo isua ŋuna a Kristo a ŋolo aponi kibubukinoe, ŋolo erae akigukinet ananupit aneni a Ŋiyudayan ka ŋolo erae abaŋao alotuŋa a ŋulu nyerae Ŋiyudayan.

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋibur. 10:38

Aŋun, iŋes ŋini iyookino aŋuna akanupitor ayoŋ, eyari, nai iŋes ŋini ikutukutoori, nyakajoikinete ayoŋ ŋakiro keŋ.”

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.