Esek. 3:18 - Ebaibul

¹⁸ Ani kalimok ayoŋ ŋulu aronok ebe, ‘Itwakete iyes kire jik, ido towou iyoŋ alimokin ikes acoikin aronis kec, kori towou iyoŋ akirwor ŋakiro ŋuna iteesikinete ikes aronis kec ikotere eiunete akiyar kec, etwakete kire jik ŋikaronok ŋul aŋuna ka asecit kec, ido emarakini ayoŋ atwanare kec erae nakou kon.

Esek. 3:18 Iomraidhean Croise

Akisy. 2:17

nai ŋuna a Ekitoe a ŋolo ka ayenut ajokis ka aronis, nyitemokino iyoŋ akinyam, anerae akoloŋit ŋina inyamia iyoŋ ikes, itwani iyoŋ kire jik.”

Akisy. 42:22

Kiŋit nai Ruben ikes tema, “Pa mono akalimokinit ayoŋ iyes akimyekin akitiya ŋuna aronok neni a edya a? Nai ipotu iyes nyipupokis ŋakiro kaŋ. Aŋun nai, adolu tokona akisicanio neni yok aŋuna a ŋaokot keŋ.”

2 Sam. 4:11

Etya nai aronis itiyakinio neni a ŋulu aronok, a ŋulu aar ituŋanan ŋini emam ibore esecit, ituŋanan ŋini arae lokitaada kai keŋ a elope aperyo ai? Aŋuna tokona ibukoryata iyes ŋaokot keŋ a ŋakan kus, nyemaikina mono ayoŋ okoar iyes toŋopiyasi anakwap a?”

2 Ŋirw. 1:4

Alimu tokona Ekapolon ebe, ‘Nyiŋaleuni iyoŋ anaryeba kon, itwani jik iyoŋ!’” Torotok nai Eliya a nen.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 18:20

Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Esek. 18:4

Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Esek. 3:20

Ŋace nu, ani keesikis ŋituŋa ŋulu iyookino akiyookino kec, ido kitiyata ŋuna aronok, ido ewuak ayoŋ ibore ŋini itukuruwori ikes akitiya ŋuna aronok, etwakete ŋituŋa ŋul, anerae nyelimokina iyoŋ ikes aesikin akitiya ŋuna aronok, etwakete ikes aŋuna ka asecit kec, nyetamunio nabo jik ŋuna ka akiyookino a ŋina sek etiyato ikes, nai emarakini ayoŋ atwanare kec nakou kon.

Esek. 33:12

Aŋun nai lokoku a ituŋanan, tolimok ŋituŋa kon atemar nyeiuni akiyookino ŋulu iyookino erae kebila ikes ŋikisila ka nyemunaari aronis ŋulu itiyaete aronis erae keŋero ikes akitiya aronis. Nyeyarete ŋulu iyookino aŋuna ka akiyookino kec erae kitiyata asecit.

Esek. 33:6

Nai ani kiŋolik eketen ŋituŋa ŋol ŋimoe eponito, ido nyeramak eli, totena ŋituŋa akitiya ŋuna ecamito, potu nai ŋimoe toara idio alotuŋa a ŋulu ainakinitae iŋes akitere, earyo ituŋanan ŋin aŋuna a asecit keŋ, nai eruwor atwanare keŋ nakou a ŋolo ainakinitae akitere ikes.

Esek. 34:10

alimu Ekapolon ebe, ‘Emanit ayoŋ ŋikeyokok a ŋamesekin kaŋ, eŋisi ayoŋ ikes okoinakis ayoŋ ŋamesekin kaŋ, etojoŋo nai ayoŋ ikes akitan ŋamesekin kaŋ, nyerubakinete nabo ŋikeyokok ŋul imujete. Aiuni ayoŋ ŋamesekin kaŋ anakituka kec, ikotere ikes ejoŋoete akinyam ŋamesekin kaŋ.’”

Ekim. 26:65

Apotu ŋituŋa ŋul daadaŋ totwaka, anerae alimunit Ekapolon aŋuna kec ebe, “Etwakete ikes analoŋisat.” Mam ikes ipei daŋ ŋini ariŋa eyari mati Kaleb lokoku a Yepune ka Yosua lokoku a Nun.

Luk. 13:3

Nyikote neni! Nai akalimokini ayoŋ iyes atemar, ani pa kikiwa iyes ŋasecisya kus, itwakete iyes daŋ ikwa ikes.

Luk. 13:5

Nyikote neni! Nai akalimokini ayoŋ iyes atemar, ani pa kikiwa iyes ŋasecisya kus, itwakete iyes daŋ ikwa ikes.”

Yoa. 8:21

Tolimok nabo Yesu ikes tema, “Alosi ayoŋ. Ikiwarete iyes ayoŋ, nai itwakete anasecit kus; nyipedorete iyes aponare neni alosi ayoŋ.”

Yoa. 8:24

Akalimokinit ayoŋ iyes atemar, itwakete anasecit kus. Kire itwakete anasecit kus, erae pa kinupa atemar ‘Arae Ayoŋ ŋolo Arae Ayoŋ.’”

Ŋitic. 2:40

Kiteyenik Petero ikes ŋakiro ŋuna alalak, kisimukek tema, “Toiunos anakisicanio a ŋina eryamunete ŋituŋa ŋulu aronok ŋulu ka anyamet a na!”

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

1 Tim. 4:16

Toyeni iyoŋ epite ŋolo iboiyo ka ŋakiro ŋuna itatami. Torubak itiyae ŋakiro ŋun, anerae kitiya iyoŋ, iiun iyoŋ elope ka ŋulu iirarete ŋuna itatami.

1 Tim. 5:22

Nyikirikirakin akidokokin ŋakan kon neni a ituŋanan a idio aŋuna ka akituruwor iŋes eketiyan ŋolo ka atukot a Ŋikristo. Nyiloma nasecisya a ŋituŋa a ŋuluce; torubak irae ŋolo iseg alotau.

1 Sam. 8:9

Itemokino iyoŋ kiira ŋuna irworosi ikes. Nai tolimok ikes tocoito ka kitoodik ikes ŋuna emaikina kitiya erwosit ŋolo ebuni akipuka ikes.”