Esek. 3:15 - Ebaibul

¹⁵ Abu ayoŋ odol neni a ŋirikon a ŋulu ayakasi Tel-Abib diyete aŋolol Kebar. Abu ayoŋ eboiyoto ka ikes a nen ŋirwa ŋikanikaarei ekeilorito ŋakiro etau ŋuna abu eŋolik.

Esek. 3:15 Iomraidhean Croise

Akisy. 50:10

Ani edolunete ikes nalos ŋina ka Atad, ŋina eyai diyete Yorodan, kigworo a nen nooi iyaloloŋete; kigwor Yosepu papa keŋ a nen ŋirwa ŋikanikaarei.

Yob 2:13

Kiboiyoto ŋikonei a Yob kaapei ka Yob alokwap a nen ŋapaarasya ŋakanikaarei ka ŋakuwarisya ŋakanikaarei, mam ipei daŋ alokidiŋ kec abu tolimu adiokirot, anerae apotu kiŋolikis ŋican a Yob epolok nooi.

Ŋikiru. 137:1

Aponi isua kiboikinetei diyete ŋaŋololin ŋuna a Babilon, ido aponi isua kigworoi etamunio Sion.

Yer. 23:9

Aŋuna a ŋikadwarak: Alilimiyo etau kaŋ, emaranete ŋakoyo kaŋ daadaŋ; aŋuna a Ekapolon ka aŋuna a ŋakiro keŋ a ŋuna asegak, Ikikwaanikin ayoŋ ka ituŋanan ŋini emera, ituŋanan ŋini alema epiini agogoŋu.

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Esek. 1:3

abu akirot ke Ekapolon bu neni kaŋ a Esekiel a esacaradoti a ŋolo arae lokoku a Busi, eriŋa ayoŋ ayai Babilon diyete aŋolol Kebar. Abu ayoŋ oryamu apedor ŋina ka Akuj a nen.

Esek. 10:15

Arae ŋul ŋisubuna ŋulu a ŋabebenuk ŋulupei sek eŋolikinit ayoŋ alodiyete aŋolol Kebar. Ani enyounete ŋisubuna ŋulu a ŋabebenuk,

Esek. 3:23

Abu nai ayoŋ onyou a nen, otiyaar nakadipaalat, abu akica ŋina ke Ekapolon toyakaun nakadipaalat, ekwaan akica ŋin ka ŋina sek eŋolikinit ayoŋ anaŋolol Kebar. Abu ayoŋ oper obuburiyar.

Esek. 43:3

Akitoodikinet ŋina abu ayoŋ eŋolik ŋin, ekwaan ka ŋina sek abu ayoŋ eŋolik apaki ŋina abunio Akuj amunaar etaun ka ekwaan ka ŋina eŋolikinit sek ayoŋ alodiyete aŋolol Kebar; abu ayoŋ oramakin kwap obuburiyar.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.