Esek. 3:11 - Ebaibul

¹¹ Ape tokona neni a ŋituŋa a akwap kon a ŋulu erikoritae nakwapin ŋace, ido kirwor neni a ŋituŋa kon, tema neni kec, ‘Ŋakiro ŋuna irworo Ekapolon Akuj ikes nu,’ ebe, ‘Kecamito ikes akiirar ŋakiro ŋuna irworo iyoŋ, kori pa kecamito.’ ”

Esek. 3:11 Iomraidhean Croise

Awos. 32:7

Tema nai Ekapolon neni a Moses, “Kionyak atipei totiyaar kwap! Adaut ŋituŋa kon ŋulu ibu iyoŋ kitipeunio anakwap a Ijipit akisec ka akiŋer ayoŋ.

Yer. 29:20

Nai tokona, iyes daadaŋ ŋulu aponi ikiritar alo Yerusalem itorikor Babilon, kiirasi ŋakiro a Ekapolon.

Esek. 2:4

Erae ŋituŋa ŋulu ekeyakiyari ayoŋ iyoŋ neni kec ŋulu nyeketopoloorito ayoŋ ka erae ŋulu egogoŋ ŋakyes. Tolimok ikes ebe,

Esek. 2:5

“Ŋakiro ŋuna irworo Ekapolon Akuj ikes nu, ‘Kecamito ikes akiirar ŋakiro ŋuna irworo iyoŋ, kori pa kecamito (anerae erae ikes ekal ŋolo aŋeron), eyenunete atemar arukito ikes ka ekadwaran.’

Esek. 2:7

Emaikina iyoŋ kirwor ŋakiro kaŋ neni kec, kecamito akiirar, kori pa kecamito akiirar; anerae erae ikes ekal ŋolo aŋeron.

Esek. 20:27

“Aŋun nai, lokoku a ituŋanan, kirwor neni a Ŋisirael atemar, ŋakiro ŋuna irworo Ekapolon Akuj ikes nu; epite ece ŋolo aponiata atapapaa kec ekeyanyata ayoŋ iŋes lo, apotu toruwor ŋulu pa ekekinyomito ayoŋ.

Esek. 3:10

Tema ŋini erworo neni kaŋ, “Lokoku a ituŋanan, topupok mono iyoŋ icoikinit nooi ka kiwuak lotau kon ŋakiro daadaŋ ŋuna erwori ayoŋ neni kon.

Esek. 3:12

Abu nai Etau ŋolo ka Akuj ekekyaa ayoŋ kidiama, eiira ayoŋ alokaku kaŋ eruye ŋolo acela nooi ŋolo alosi atipei ebala, “Kipuroe apolou ŋina ke Ekapolon alokidiama anakuj!”

Esek. 3:15

Abu ayoŋ odol neni a ŋirikon a ŋulu ayakasi Tel-Abib diyete aŋolol Kebar. Abu ayoŋ eboiyoto ka ikes a nen ŋirwa ŋikanikaarei ekeilorito ŋakiro etau ŋuna abu eŋolik.

Esek. 3:27

Nai ani ekesirworikini ayoŋ iyoŋ, alacakini ayoŋ aŋajep kon, ikotere iyoŋ tolimok ikes atemar ŋakiro ŋuna irworo Ekapolon Akuj ikes nu ebe, ‘Kimyekisi ŋulu iirarete kiirasi ka kimyekisi ŋulu eŋerete akiirar toŋero akiirar, anerae erae ikes ekal ŋolo aŋeron.’ ”

Esek. 33:12

Aŋun nai lokoku a ituŋanan, tolimok ŋituŋa kon atemar nyeiuni akiyookino ŋulu iyookino erae kebila ikes ŋikisila ka nyemunaari aronis ŋulu itiyaete aronis erae keŋero ikes akitiya aronis. Nyeyarete ŋulu iyookino aŋuna ka akiyookino kec erae kitiyata asecit.

Esek. 33:17

“Nai ebasi ŋituŋa kon, ‘Nyiyookino akiwuapit ŋuna ebala Ekapolon,’ nai erae ŋuna iwuapito ikes nyiyookino.

Esek. 33:2

“Lokoku a ituŋanan, kirwor neni a ŋituŋa kon tolimok ikes ebe, ‘Anikayau ayoŋ ejie nakwap kus, ido toseut ŋituŋa a akwap kus ekile epei, kituruwosi eketen kec,

Esek. 33:30

“Ani eruwor iyoŋ lokoku a ituŋanan, ikirworotor iyoŋ ŋituŋa kon alotooma ŋakais ka alopukei a ŋakais, ebasi ikes irworosi make, ‘Bua kiira ŋakiro ŋuna apotu aneni ke Ekapolon.’

Esek. 37:18

Ani ikiŋisete iyoŋ ŋituŋa kon ebe, ‘Nyikilimokini iyoŋ isua apolou a ŋakiro a ŋuna itiyae iyoŋ aŋun a?’

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Dan. 6:13

Kinyakakis ŋikapolok ŋul erwosit temasi, “Daniel ŋol, epei a ŋirikuno alo Yudaya, nyepupi ŋakiro kon, okoe erwosit, kori ŋakiro ŋuna ibu iyoŋ totub, nai ilipi iŋes neni a Akuj keŋ ŋirwa ŋiuni a ŋinakoloŋit.”

Ŋikis. 9:12

Tema nai Ekapolon neni kaŋ, “Tonyou, kionyak atipei totiyaar kwap, anerae adaut ŋituŋa kon ŋulu ibu iyoŋ yau alo Ijipit akitiya ŋuna aronok. Emyekis ikes atipei ŋuna abu ayoŋ ecikit ikes akiwuap, ido itiyaut aŋuna kec etorube a akuj.”