Esek. 3:10 - Ebaibul

¹⁰ Tema ŋini erworo neni kaŋ, “Lokoku a ituŋanan, topupok mono iyoŋ icoikinit nooi ka kiwuak lotau kon ŋakiro daadaŋ ŋuna erwori ayoŋ neni kon.

Esek. 3:10 Iomraidhean Croise

Yob 22:22

Kiira ŋakitatameta ka Akuj, kiricak ŋakiro keŋ alotau kon.

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 85:9

Kire, etenit Akuj aiun ŋulu itopoloorito iŋes, ikotere erubakini apolou keŋ eyai nakwap yok.

Ŋakit. 19:20

Tocamu ŋakiro ŋuna ajokak ŋuna ikilimokinio ka tocamu ŋakiro ŋuna ajokak ŋuna ikitatamio, ikotere iyoŋ iryamuni aosou ŋina iyarya alorwa a ŋulu alokiŋaren.

Ŋakit. 8:10

Toseutu acamun ŋakiro ŋuna eketatami ayoŋ iyes, akilo iyes aseun acamun esilipa, toseutu acamun aosou, akilo iyes aseun acamun egolid ŋolo eliitae.

Esek. 2:7

Emaikina iyoŋ kirwor ŋakiro kaŋ neni kec, kecamito akiirar, kori pa kecamito akiirar; anerae erae ikes ekal ŋolo aŋeron.

Esek. 2:8

“Nai iyoŋ lokoku a ituŋanan, kiira ŋakiro ŋuna erworo ayoŋ neni kon, nyiŋer ŋakiro kaŋ ikwa ekal ŋolo a ŋeron ŋol. Toŋaam kimuj ibore ŋini akainakini ayoŋ iyoŋ.”

Esek. 3:11

Ape tokona neni a ŋituŋa a akwap kon a ŋulu erikoritae nakwapin ŋace, ido kirwor neni a ŋituŋa kon, tema neni kec, ‘Ŋakiro ŋuna irworo Ekapolon Akuj ikes nu,’ ebe, ‘Kecamito ikes akiirar ŋakiro ŋuna irworo iyoŋ, kori pa kecamito.’ ”

Esek. 3:9

Eketuruwori ayoŋ iyoŋ ŋolo igogoŋ ikwa amoru ka ŋolo nyiryaŋiryaŋa ikwa ataaba. Nyikuryaniar aŋuna a ŋituŋa a ŋul, kori nyikitubulo ikes iyoŋ iŋolikini, tari daŋ kerae ikes ekal ŋolo aŋeron.”

Luk. 8:15

Ŋikinyom ŋulu adoete nalup ŋuna ajokak erae ŋituŋa ŋulu iirarete akirot, kiricakis, tonupa a ŋitai a ŋulu ajokak ka totitinyikis akitodol ŋina erayata.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.