Esek. 28:7 - Ebaibul

⁷ ayauni ayoŋ ŋituŋa ŋulugelaanotin ikiman iyoŋ, ayauni ayoŋ ŋituŋa ŋulu eryenyaaka anakwap nooi; eŋatarete ikes a ŋileŋia kec akibuses ŋina ka aosou kon. Emunaarete ikes apolou kon ŋina ailiilon

Esek. 28:7 Iomraidhean Croise

Ŋikiru. 89:44

Ilema iyoŋ anakan keŋ ebela keŋ ŋolo ka apolou, ilema iyoŋ iŋes anaraakau erwosit.

Esek. 28:17

Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Esek. 30:10

“Alimu Ekapolon Akuj ŋakiro nu ebe, Etasaluni ayoŋ ebari a Ijipit, esitiyae ayoŋ Nebukadinesar erwosit a Babilon tolema ebari ŋol.

Esek. 30:11

Epote Nebukadinesar ka ŋituŋa keŋ ŋulu aryenyaanak ŋulu iloito ŋituŋa a ŋakwapin, eyaunio ikes tomunaasi akwap a Ijipit, epote ikes akiar ŋituŋa a Ijipit a ŋileŋia kiletiletakis ŋawat nakwap a Ijipit daadaŋ.

Esek. 31:12

Adaut ŋigelaanotin ŋulu eponito anakwapin a ŋuna aryenyaanak nooi ayepakin ekitoe ŋol kwap ka akimyekin eperi a nen. Emasakinosi ŋaten keŋ kidiama ŋikamukumukui ka tooma ŋakadipaalae daadaŋ, eperete ŋaten keŋ ebilibila alotooma ŋaŋololin daadaŋ ŋuna ka akwap; apotu ŋituŋa daadaŋ ŋulu ka akwap torotokis alotolim keŋ, kimyekis etolim keŋ a nen.

Esek. 32:12

Emyekini ayoŋ ŋajorei kon tomunyarae, emunyarete a ŋileŋia ŋikajiok ŋulu agogoŋok ikes, epote neni keŋ ŋikajiok a ŋakwapin ŋulu aryenyaanak nooi. Itoŋopiyarete ikes akituro a Ijipit, earyo ŋikajiok a Ijipit daadaŋ.

Esek. 7:24

Ayauni ayoŋ ŋituŋa a ŋakwapin ŋulu aronok nooi itodemasi iyes ŋakais kus. Etasaluni ayoŋ akituro a ŋikagogoŋok kus, emunaaryo ŋakiboisyo kus ŋuna ilipyata iyes.

Dan. 7:7

Kedaun ŋun, abu nabo eŋolik anakisileerekinet a ŋina abu ayoŋ eŋolik nakwaare etyaŋ ŋolo a ŋiomwon, arae etyaŋ ŋol ŋolo ikiteryaŋakini ŋolo ikitubuli ka arae ŋolo agogoŋon nooi, ayakar etyaŋ ŋol ŋikyal ŋulu aburok ŋulu arae ŋasuwa, anyami iŋes ibore apaki ŋin ka anyilinyili icakit ŋanyile. Agelaana etyaŋ ŋol alotooma ŋityaŋ daadaŋ ŋulu a ekiŋaren ka ayakar ŋamomwar ŋatomon.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?