Esek. 28:26 - Ebaibul

²⁶ Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Esek. 28:26 Iomraidhean Croise

1 Ŋirw. 4:25

Ŋirwa ŋulu epukator Solomon, eboiyete ŋituŋa ŋulu a atutubet a Yudaya ka atutubet a Isirael anakinapakina ameun alo Dan tari Beeriseba. Eboiyete ŋikilyok alotolimon a ŋikito kec aŋulu a epiini ka ŋiboboryo.

Ŋikiru. 149:9

ka kisicaniata ŋakwapin lopite ŋolo elimunitor Akuj. Erae ŋin akiloun ŋina a ŋituŋa a ŋulu ka Akuj. Kipuroe Ekapolon!

Awos. 29:46

Eyenunete ikes atemar arae ayoŋ Ekapolon Akuj kec, ŋina abu oyau ikes anakwap a Ijipit, ikotere apedori ayakaun neni eyakasi ikes. Arae ayoŋ Ekapolon Akuj kec.”

Ŋakit. 14:26

Ani itopoloorit ituŋanan Ekapolon, eryamuni atitinyu ŋina nyiryaŋiryaŋa, ido eryamunete ŋidwe a ituŋanan a ŋin neni eiunotor.

Isa. 17:14

Ani edoli eboŋ bu ekabule atipei, nai ani iwalari akwap, toŋopiyasi ikes. Erae ŋun ŋakiro ŋuna itiyakinosi neni a ŋulu enyasut akwap kosi ka erae ŋuna eryamunete ŋulu aŋatasi ŋiboro kosi.

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 29:28

Anerae ikiyakik iŋes isua ŋulu ikiya Babilon abaruwa ŋina eya ŋakiro nu, ‘Elunyar apaki ŋina aoyan eriŋa iraakasi iyes ŋirikon, aŋun toduko ŋakais kiboiyoto alotooma kec ka kitata ŋimanikorin tolemut ŋinyomen ŋulu erupunete a nen.’ ”

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Yer. 32:15

anerae alimu Ekapolon ŋolo a ŋajoresyo, Akuj a Ŋisirael atemar egyelyo moi nabo anakwap a na ŋakais, ŋimanikorin ŋulu a ŋikinyom ka ŋimanikorin ŋulu edupitae ŋikito a epiini.’ ”

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 32:43

Egyelyo ŋimanikorin anakwap a na a ŋina irworotor iyes atemar aruwor ereŋorot neni emam ŋituŋa, kori ŋityaŋ, ainakin napedor a Ŋibabiloniyae.

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Esek. 28:22

Tolimok ikes atemar, alimu Ekapolon Akuj ŋakiro nu, ‘Okoe ŋituŋa a Sidon, ekemanit ayoŋ iyes, eketopoloorete ayoŋ ŋituŋa kon. Eyenunete ikes atemar arae ayoŋ Ekapolon, eyenunete ikes ŋun apaki ŋina esicania ayoŋ ikes, etoodiun ayoŋ neni kec arae ŋolo asegan alotooma Sidon.

Esek. 28:24

“‘Nyeryamunete nabo Ŋisirael ŋikidunyet ŋulu enyasak ŋulu a ŋiman, ŋulu ikwaan ka ibore ŋinikwaam ŋini epipil ikimeme, kori ŋulu ikwaan ka ŋikukwa ŋulu eitaaka. Eyenunete ikes apaki ŋin atemar arae ayoŋ Ekapolon Akuj.’”

Esek. 34:14

Eyoki ayoŋ ikes neni eyakasi ŋinya ŋulu ajokak, eyakaun ŋinya kec naitae ŋuna a ŋikamukumukui a Isirael, euryanikin neni eya ŋinya ŋulu ajokak, enyamete ŋinya ŋulu etumak alokidiama ŋikamukumukui a Isirael.

Esek. 34:31

Iraakasi iyes ŋamesekin kaŋ, ŋamesekin ŋuna eyoki ayoŋ ka arae ayoŋ Akuj Kus.”

Esek. 36:9

Kiirasi Ŋisirael tokona, ikiriit ayoŋ ka iyes, emaikina ayoŋ oanyu atemar etae akwap kus nabo ka aekin ŋikinyom nen.

Esek. 38:11

Itemari iyoŋ Gog, ‘Alosi ayoŋ akirem akwap ŋina nyewuatae ŋirerya keŋ a ŋarwatatain, alosi ayoŋ esiiryak ŋituŋa ŋulu iboiyete emam awasya ŋulu itumosi, iboiyete ikes daadaŋ aneni emam ŋarwatatain, mam tari ŋipukei, kori ŋasuwa ŋuna egolere ŋipukei.’

Esek. 38:8

Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Esek. 39:10

Nyemitakinete ikes akikeyen ŋakito anariet, kori akiyep ŋikito ŋidi anamoni aŋuna a ŋakito, anerae inokete ŋakimya kec a ŋiboro a ŋulujiet. Eŋatarete ikes ŋiboro a ŋituŋa a ŋulu apotu toŋatasi ŋiboro kec ka elemarete ikes ŋiboro a ŋituŋa a ŋulu apotu tolemasi ŋiboro kec.”

Osea 11:11

Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

Osea 2:15

A nen, enyakakini ayoŋ iŋes ŋimanikorin keŋ ŋulu ke epiini, eturuwo akadipaalat ŋina ka Acor neni egeunia akigeno, iwuapi iŋes ŋakiro kaŋ a nen lopite ŋolo ewuapitor apaki ŋina ariŋaakar iŋes esorokana ka iwuapi lopite ŋolo etiyaa iŋes apaki ŋina abunio iŋes anakwap a Ijipit.

Osea 2:18

Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Abak. 2:8

Aŋuna idauniata iyes aŋatanar ŋakwapin ŋuna alalak, ikiŋatarete iyes ŋituŋa daadaŋ ŋulu idoŋito nakwapin ŋun, itiyakinosi ŋun aŋuna a ŋituŋa a ŋulu ipotu iyes toara ka aŋuna ka aryenyeo kus anakwap, alotaunio ka neni a daadaŋ a ŋulu eya lotaunio ŋul.

Sakar 1:15

nai aŋoikinit ayoŋ ŋakwapin ŋuna ebasi kori mam ikes ŋace. Pa sek aŋoikinit ayoŋ ikes nooi, nai eyatakis ikes akitiya aronis.’

Ŋikis. 12:10

Ani idokarete iyes ekekwaye Yorodan, kiboikinos nakwap ŋina ikikorakini iyes Ekapolon Akuj kus ka ani ikisiŋuni iŋes iyes alomoe kus alowaetin a daadaŋ, ido kiboikinos emam ŋace,