Esek. 28:24 - Ebaibul

²⁴ “‘Nyeryamunete nabo Ŋisirael ŋikidunyet ŋulu enyasak ŋulu a ŋiman, ŋulu ikwaan ka ibore ŋinikwaam ŋini epipil ikimeme, kori ŋulu ikwaan ka ŋikukwa ŋulu eitaaka. Eyenunete ikes apaki ŋin atemar arae ayoŋ Ekapolon Akuj.’”

Esek. 28:24 Iomraidhean Croise

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 55:13

Erupunete ŋikito a Cipres aneni iboiyoto iyes, meere nabo ŋamoni ŋuna a ŋikukwa, erupunete ŋikamurya aneni iboiyoto iyes, meere nabo ŋikito ŋulu a ŋikukwa Eruwor ŋin akitoodikinet ŋina a Ekapolon ŋina nyimuryakin ŋikaru ka ŋikaru, akitoodikinet ŋina nyepedoryo akinyasun.”

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Esek. 2:6

Nai iyoŋ lokoku a ituŋanan, nyikuryaniar aŋuna kec, kori nyiker ŋakiro kec tari kiyai iyoŋ nakitukuruworeta ka kepipil ŋakiro kec ikwa ŋikukwa, kori kiboi iyoŋ alokidiŋ ŋituŋa ŋulu ikote ŋitwania. Nai nyikuryaniar aŋuna a ŋakiro kec ka nyikitubulo ikes iyoŋ iŋolikini, anerae erae ikes ekal ŋolo aŋeron.

Esek. 28:23

Eyakiyari ayoŋ edeke lotuŋa a Sidon aari ayoŋ ŋituŋa toleleiyasi ŋaokot alorotin a Sidon. Earyo ŋituŋa alotooma Sidon, irikaunete Sidon, ŋikaarak alowaetin a daadaŋ. Apaki nai ŋin eyenuniata ikes atemar arae ayoŋ Ekapolon.

Esek. 28:26

Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Ekim. 33:55

Nai ani pa kiritasi iyes ŋituŋa ŋulu sek iboiyete anakwap a ŋin, ido kimyekis kidoŋo ŋice, ikiteryamunete ikes iyes ŋican lopite ŋolo ikiteryamunia anyait ŋina eyai nakoŋu, kori ekukwae ŋolo eyai nakuwan ŋican.

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

Yos. 23:13

toyenete kire atemar nyerubakini Ekapolon kus iloununui ŋituŋa a ŋakwapin a ŋun alokiŋaren kus; nai ikokinete ikes eroko aneni kus auno ŋina elokitae, kori akipany ka ikokinete ikes epipil neni ikiramya ituŋanan ka adaset kaku, kori ikokinete ikes epipil aneni kus ŋikukwa ŋulu ebucakin akirem akoŋu. Erubakinete ŋun itiyasi akitodol ŋina idaunotor iyes anakwap a ŋina ajokan a na a ŋina adau Ekapolon ŋolo erae Akuj kus ainakin iyes.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Ŋikat. 2:3

Aŋun tokona, alimuni ayoŋ atemar nyeritari ayoŋ ŋituŋa ŋul alokiŋaren kus, nai eruworosi ikes ŋimoe kus ka eruworosi ŋakujo kec ŋuna ikirikorete iyes akilip neni kec.”