Esek. 28:23 - Ebaibul

²³ Eyakiyari ayoŋ edeke lotuŋa a Sidon aari ayoŋ ŋituŋa toleleiyasi ŋaokot alorotin a Sidon. Earyo ŋituŋa alotooma Sidon, irikaunete Sidon, ŋikaarak alowaetin a daadaŋ. Apaki nai ŋin eyenuniata ikes atemar arae ayoŋ Ekapolon.

Esek. 28:23 Iomraidhean Croise

Yer. 15:2

Ani kikiŋita ikes iyoŋ ebe, ‘Ai ikilosi isua?’ Tolimok ikes ebe, Irworo Ekapolon ebala, ‘Ŋulu atubokin atwanare a edeke, toloto ikiar edeke, ŋulu atubokin atwanare a ekileŋ, toloto ikiari a ekileŋ, ŋulu atubokin atwanare a akoro, toloto ikiar akoro, ido ŋulu atubokin arikoro, toloto ikirikor.’”

Yer. 51:52

“Aŋun, alimu Ekapolon atemar, kire jik, ebunit apaki ŋina esicania ayoŋ ŋakujo a Babilon. Igworete ŋituŋa ŋulu ewanan anakwap a Babilon a daadaŋ.

Esek. 21:14

Aŋun lokoku a ituŋanan, todwar, kibapibap ŋakan kon. kimyek ekileŋ toar ŋituŋa ŋaaret ŋaarei, kori ŋauni; erae ŋol ekileŋ ŋolo earere ikes, erae ŋol ekileŋ ŋolo earere ŋulu alalak, erae ŋol ekileŋ ŋolo irikaunere ikes alowaetin a daadaŋ.

Esek. 21:16

Okoe ekileŋ, toar ŋulu aloteten kon ka ŋulu alokedyeny kon, toar daadaŋ ŋini eyai neni ikiramaryo iyoŋ.

Esek. 25:11

Esicani ayoŋ ŋituŋa a Moab ka eyenunete ikes atemar arae ayoŋ Ekapolon.”

Esek. 25:17

Alosi ayoŋ akitiya anyaŋan ŋina apolon neni kec esican ikes anyunyurikinit. Eyenunete nai ikes atemar arae ayoŋ Ekapolon. Eyenunete ikes ŋun apaki ŋina eyakaunor anyaŋan neni kec.”

Esek. 25:7

akatapi tokona ayoŋ iyes akan kaŋ ekemanit, ido ekepoto iyes irae ŋulu ikiŋatarito ŋituŋa a ŋakwapin. Akamunyari ayoŋ iyes alotuŋa a ŋul ka eketasaluni ayoŋ iyes anakiboisyo a ŋuna ikiyayo. Akamunyari ayoŋ iyes ka iyenunete iyes atemar arae ayoŋ Ekapolon.”

Esek. 26:6

ŋituŋa ŋulu iboiyete alotaunio a ŋulu eyakasi tooma keŋ daŋ, emunyaryo a ekileŋ. Ŋun nai eyenuniata ikes atemar arae ayoŋ Ekapolon.’

Esek. 30:4

Epote ŋikaarak Ijipit etiŋito ŋileŋia, eyakaun ŋican Kuc Ani earyo Ŋijipitian, elemaryo ebari kec kiwokoroe iwace, eritakinio ŋaduketa keŋ kwap.

Esek. 32:30

“Eyakasi nakibois a ŋikatwak ŋin ŋikepukak ŋulu alowae a ŋolo alo Kuju ka ŋisidoniani daadaŋ. Aponi toarae ikes ka alomasi kwap irumito ŋileec, anerae apotu ikes yaut ekabule aŋuna ka agogoŋu kec, eperete ikes a nen erae ŋulu pa anupito neni ka Akuj, erukito ikes ka ŋulu aponi toarae a ekileŋ, irumito ŋileec ikes a nen kaapei ka ŋulu apotu tolomasi nakipany.

Esek. 38:22

Esicani ayoŋ Gog a edeke ka etaari ŋimoe, eakikini iŋes akiru ŋina aryenyaanan, ŋakako ka akim ta ibore ŋini amwanan pe ŋini enyaritae Sulpa tonom iŋes ka ŋasigarya keŋ ta ŋituŋa a ŋakwapin a ŋuna alalak a ŋuna erukito ka iŋes.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:17

Eyakuuni ayoŋ neni kus eron ka ŋityaŋ ŋulu ka ariet ŋulu anyamak, ikimyekis iyes emam ŋidwe, eyakuuni ayoŋ neni kus edeke, aryenyeo ka ejie itomunyasi. Ayoŋ Ekapolon alimu ŋakiro ŋun.”