Esek. 28:18 - Ebaibul

¹⁸ Anasecisya kon a ŋuna alalak ka anamucuruso kon a ŋina pa eyookino, idau iyoŋ akiyany ŋakiboisyo kon ŋuna asegak. Aŋun, abu ayoŋ etolomu akim alokidiŋ etaun kon; abu akim ŋin tonyamuwa etaun kon, abu ayoŋ eturuwo etaun kon ekuron ŋolo eperi alokwap, abu ayoŋ eturuwo etaun kon ekuron alokiŋaren ŋituŋa daadaŋ ŋulu iteete iŋes tokona.

Esek. 28:18 Iomraidhean Croise

Isa. 66:16

Anatubokin a ŋina ke Ekapolon, isicani iŋes ka akim ka ekileŋ ŋituŋa daadaŋ ŋulu eryamuni esecito, elalaketa ŋulu eari Ekapolon.

Esek. 28:15

Amam ŋakiro ikitoroniyaritere iyoŋ anakiro a ŋuna iwuapit iyoŋ ameun akoloŋit ŋina ikisubunere iyoŋ, akitodol apaki ŋina aryamunere asecit aneni kon.

Esek. 28:16

Anakicuruta kon a ŋina alalan nooi, abu aryenyeo kilelebun neni kon, ido ibu iyoŋ tosec; aŋun, abu ayoŋ okojal iyoŋ ikwa ibore ŋini eturuwor ikoŋinait alomukura a ŋolo ka Akuj, abu nai emalaika ŋolo ikiyoki iyoŋ a nen ikirita iyoŋ alokidiŋ ŋamoru ŋuna anepete.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 5:4

Alotim a ŋulukudyo a ŋul, tolemu ŋidi kimasak nakim tonyamuwa, itoodiuni akim kec atemar isyakini amunyaro a nen, ido kiniepa Losirael daadaŋ.”

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Amos 2:2

Aŋun, emyekini ayoŋ akim tonom Moab, enomiyari akim ŋaduketa a etaun Kerios ŋunajiet, etwakete ŋituŋa a Moab ŋulu alalak apaki ŋina eyakaunor aruruma, ecelet ka eruye a abureryaŋ a emesek.

Amos 2:5

Aŋun, emyekini ayoŋ akim tonom Yudaya, enomiyari akim ŋaduketa a Yerusalem ŋunajiet.’ ”

Sakar 9:4

Nai tokona, elemari Ekapolon ibore daadaŋ ŋini eyakar etaun ŋol. Imasakini Ekapolon ebari ke etaun a ŋol tooma nanam, ido icunyaryo etaun ŋol todaun.

Mal. 4:3

Akoloŋit ŋin ŋina etiyakinia ayoŋ ŋun, ilounete iyes ŋulu itiyaete aronis, ipudaarete iyes ikes ikwa apuwa ŋina eyai kwap nakejen kus.

Mar. 8:36

Alipoida eryamuni ituŋanan erae keŋata akwap daadaŋ, ido kitotwaniya akeekiyar?

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.

Akis. 18:8

Aŋun, ikamunete iŋes ŋakisicaneta nu alotooma apeikoloŋit bon--edeke, akiyaloloŋ ka eron. Icunyaryo iŋes ka akim, anerae erae Ekapolon Akuj ŋina etubokini iŋes ŋina etiron.”

Ŋikat. 9:15

Toboŋok nai amoni a ŋikukwa ŋikito tema, ‘Ani kire kicamito iyes akituruwor ayoŋ erwosit kus, potu nai toiunos alotolim kaŋ, nai ani pa kipote, emaikina nai akim tonepu anamoni a ŋina a ŋikukwa, tonomiya ŋikito a Cedar ŋulu a Lebanon.’

Ŋikat. 9:20

Nai ani pa kitiyato ŋun, emaikina atwanare togeu aneni ka Abimelek tomunya ŋikapolok ŋulu a Sekem ka ŋulu a Bes-Milo ka emaikina atwanare togeu alokapolok a Sekem ka ŋulu a Bes-Milo toar Abimelek.”