Esek. 28:17 - Ebaibul

¹⁷ Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Esek. 28:17 Iomraidhean Croise

Ŋikiru. 147:6

Iŋarakinit Ekapolon ŋulu itiditeuna make, nai emunaanari ŋulu aronok kitoloma kwap.

Ŋikiru. 73:18

Kire, iwuak iyoŋ ikes nakiboisyo ŋuna ecurut; imyek iyoŋ ikes elomarete nakinyasuno.

Ŋakit. 11:2

Ani kisyak ituŋanan akituro, esyak iŋes tari amamukau ka ajokis nai eyakar ŋini itiditeuna bon aosou.

Ŋakit. 16:18

Erikori akituro ituŋanan nakinyasuno, ido erikori ajamuwarit ŋuluce ituŋanan nacaryonut.

Isa. 25:12

Eritakinio kwap ŋarwatatain kec ŋuna aoyak ŋuna eya ŋaduketa ŋunajiet, ituuruwuanunio ikes toritakinae kwap, toruwor ŋalup.”

Isa. 26:5

anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Esek. 16:41

Icunyete ikes ŋakais kus, ikisicana iyes alokiŋaren ŋaberu ŋuna alalak. Eketojoŋoe ayoŋ iyes araakau ŋamalaae ka ainanakin ŋisiliŋa neni a ŋuluminan kus.

Esek. 19:12

Nai apotu ŋituŋa ŋulu aŋoito torutut iŋes, kimasakis kwap. Abu ekuwuam ŋolo akutunit alo Kide kitooniyo iŋes, toraraar ŋaraito keŋ, toiniya atorom keŋ ŋin ŋina agogoŋon, ido abu akim tonomiya.

Esek. 23:48

Aŋun, etasaluni ayoŋ aleeco anakwap, iŋolikinete ŋaberu ŋakiro ŋuna etiyae neni kus, ido nyecamunete aleeco ŋina ipotu iyes kitiyata.

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Esek. 27:3

tolimok Tiro, etaun ŋolo edukitoe neni elomarere nanam, ŋolo eyakasi ŋiboro a ŋituŋa a ŋakwapin a ŋuna eya diyete anam atemar, alimu Ekapolon Akuj ŋakiro nu, ‘Okoe Tiro, alimut ŋituŋa kon atemar, ejok nooi akibuses a etaun kosi.’

Esek. 27:4

Eyakasi ŋikorin kon tooma ŋanamyo; apotu ŋikadukok kon kitojoka nooi ŋaduketa kon.

Esek. 28:15

Amam ŋakiro ikitoroniyaritere iyoŋ anakiro a ŋuna iwuapit iyoŋ ameun akoloŋit ŋina ikisubunere iyoŋ, akitodol apaki ŋina aryamunere asecit aneni kon.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 28:5

Anaosou kon a ŋina apolon a ŋina ka amucuruso, idau iyoŋ akiyatakin ebari kon, iturokin iyoŋ alotau kon aŋuna a ebari kon.

Esek. 28:7

ayauni ayoŋ ŋituŋa ŋulugelaanotin ikiman iyoŋ, ayauni ayoŋ ŋituŋa ŋulu eryenyaaka anakwap nooi; eŋatarete ikes a ŋileŋia kec akibuses ŋina ka aosou kon. Emunaarete ikes apolou kon ŋina ailiilon

Esek. 31:10

“Aŋun, ŋakiro ŋuna alimu Ekapolon Akuj ikes nu ebe, ‘Aŋuna abunio ekitoe ŋol tooyaar nooi todol aoyau keŋ lodouwon ka aŋuna abunio ekitoe ŋol kiturokinor aoyau keŋ,

Esek. 32:10

Eturuwori ayoŋ ŋituŋa ŋulu alalak ŋulu ekadakinito ŋakiro kon; emaranikinete ŋirwosi a ŋituŋa a ŋul a ŋuna kon. Emaranikinete ŋirwosi ŋul iŋolikinete apwatari ayoŋ ekileŋ kaŋ alokiŋaren kec. Akoloŋit ŋina akalemarya ayoŋ iyoŋ, emaranikini ŋolorwosit a ŋinapaki aŋuna ka akiyar keŋ.

Dan. 11:12

Kedau iŋes akikamar ŋasigarya ŋuna alalak ŋun, iturokin erwosit ŋolo alowae a ŋolo alo Kwap nooi, tosodi toar ŋasigarya ŋalipyo ŋuna alalak, nai nyerubakini iŋes erae ŋolo elounan.

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”