Esek. 28:16 - Ebaibul

¹⁶ Anakicuruta kon a ŋina alalan nooi, abu aryenyeo kilelebun neni kon, ido ibu iyoŋ tosec; aŋun, abu ayoŋ okojal iyoŋ ikwa ibore ŋini eturuwor ikoŋinait alomukura a ŋolo ka Akuj, abu nai emalaika ŋolo ikiyoki iyoŋ a nen ikirita iyoŋ alokidiŋ ŋamoru ŋuna anepete.

Esek. 28:16 Iomraidhean Croise

Akisy. 3:24

Kirita Akuj ituŋanan alomanikor ka Eden, ido kiwuak ŋimalaikan ŋulu enyaritae Ŋikerubim akiboi alo Kide emanikor ke Eden, kiwuak daŋ ekileŋ ŋolo emilimili nooi kirimi, kiyoki erot ŋolo elosi lokitoe ŋolo ka akiyar.

Akisy. 6:11

Toroketa ŋituŋa daadaŋ alokiŋaren Akuj, toryenyaakyata ikes nooi.

Isa. 22:19

Akalemari ayoŋ iyoŋ alotic kon ka eketiditeuni ayoŋ iyoŋ tojoŋo apolou.

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Esek. 28:14

Abu ayoŋ ewuak emalaika ŋolo ikitubuli akitere iyoŋ; ibu iyoŋ kiboi alomukura a ŋolo asegan a ŋolo ka Akuj; itorenene iyoŋ kidiŋ ŋamoru ŋuna enepete.

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

Osea 12:7

Ikwaan ŋituŋa a Isirael ka ikecurutan ŋini isitiyaete ŋakipimeta ŋuna nyiyookino, emina iŋes akiimakinit ŋuluce.

Amos 3:9

Kiserakisi ŋulu iboiyete anakais a ŋunajipit a ŋuna alo Acidod ka anakais a ŋunajiet alo Ijipit atemar, Tocunakinos lokamukumukui ŋulu a Samaria, ido kiŋolikis epite ŋolo iŋodiatar ŋituŋa alotaun ka epite ŋolo isicanatar ikes make.”

Obad. 1:3

Ikimodik iyoŋ akituro alotau kon, iyoŋ ŋina iboi anaitae a ŋimoru, iyoŋ ŋina erae neni eoya alomoru erae ere kon. Ibala iyoŋ alotau kon, ‘Ŋae epedori acakun ayoŋ kwap?’

Mika 2:10

Tonyoutu, toloto, meere akibois na ŋina emaikina iyes kiboiyoto, anerae adaun amunaar, adau asecit kus akinyasun akibois na jik, mam ibore ipei daŋ epedori akitojokun iŋes jik.

Mika 2:2

Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.

Abak. 2:17

Idaut iyes ayepakin kwap ŋamon ŋuna a Lebanon; iyes daŋ ikiyepakinio kwap. Ipotu iyes toara ŋityaŋ a Lebanon, iyes daŋ, ikiryetarete ŋityaŋ. Itiyakin ŋakiro ŋun aŋuna idauniata iyes akiar ŋuluce ka aŋuna ka aryenyeo kus neni a ŋituŋa a akwap ka lotaunio kec.

Abak. 2:8

Aŋuna idauniata iyes aŋatanar ŋakwapin ŋuna alalak, ikiŋatarete iyes ŋituŋa daadaŋ ŋulu idoŋito nakwapin ŋun, itiyakinosi ŋun aŋuna a ŋituŋa a ŋulu ipotu iyes toara ka aŋuna ka aryenyeo kus anakwap, alotaunio ka neni a daadaŋ a ŋulu eya lotaunio ŋul.

Sepan. 1:9

Esicani ayoŋ akoloŋit ŋin daadaŋ ŋulu ilipete neni a ŋakujo car, ŋulu ilelebete ŋakais a ŋakujo kec ŋiboro ŋulu edemyo ŋituŋa ka aryenyeo ta amodiyo.

Yoa. 2:16

Tolimok ŋulu agyelanarete ŋakuryo tema, “Tolemasi ŋiboro lu a ne! Nyituruworosi Akai a Papa kaŋ ŋina kicurutaet!”

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.