Esek. 27:5 - Ebaibul

⁵ Apotu kicieut ŋabaoi kon daadaŋ alokito a ŋulu enyaritae Sipres a ŋulu eyakasi Senir; apotu yaasi ŋakito a Cedar alo Lebanon akitiyakinia iyoŋ ŋipirin ŋulu itoodiunito atemar Tiro ne.

Esek. 27:5 Iomraidhean Croise

1 Ŋirw. 5:1

Ani iirari Iram, erwosit ŋolo a Tiro atemar eturuwor Solomon erwosit, elunyokin lorot a papa keŋ Daudi, kiyakiya iŋes ŋiketiyak keŋ neni a Solomon, anerae kerae sek iŋes ekone a Daudi.

1 Ŋirw. 5:6

Aŋun, tolimok ŋituŋa okoyepakin ayoŋ ŋakito a ŋikito a ŋulu enyaritae Cedar alo Lebanon. Epote ŋiketiyak kaŋ kimorikinos ka ŋiketiyak kon kitiyata kaapei ido akainakini ayoŋ iyoŋ eropit ŋolo ilimuni iyoŋ aŋuna a ŋiketiyak kon; anerae iyeni iyoŋ atemar mam ice alokidiŋ yok ŋini eyeni ŋikito ikwa ŋituŋa ŋulu a Sidon.”

1 Ŋakiro a ŋirwa 5:23

Alalak nooi ŋituŋa ŋulu ka atutubet a ŋituŋa a ekabila a Manase; apotu ikes toloma nakwap ŋina anyaritae Basan, todoiyosi Baal-Erimon, Senir ka lomoru Erimon.

2 Ŋakiro a ŋirwa 2:7

Aŋun, kiyakikinae ayoŋ ekile ŋolo eyeni nooi akitiya ŋiboro a egolid, a esilipa, a eburonis, a ŋasuwa ka a ŋiraŋgi a lu: A ŋolo kipurat-areŋan, a ŋolo areŋan puu ka a ŋausi a ŋunapusiyek. Ekile ŋolo itatamitae akicienakin ŋitorubei loboro, ikotere iŋes kitiyata kaapei ka ŋituŋa kaŋ ŋulu eya Yudaya ka Yerusalem, ŋulu abu papa kaŋ Daudi okoinak ayoŋ, ŋulu eyenete nooi akiciere ŋiboro.

Ŋikiru. 104:16

Eryamunito ŋikito ŋulu ke Ekapolon ŋakipi ŋuna itemokino, ŋikito ŋulu eyakasi Lebanon ŋulu enyaritae Cedar.

Ŋikiru. 29:5

Ebilibili etoil ke Ekapolon ŋikito ŋulu enyaritae cedar; ebilibili etoil ke Ekapolon tari ŋikito a cedar ŋulu eya Lebanon.

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Eete a Ŋie. 4:8

Bua orukosi ka ayoŋ alo Lebanon ateran kaŋ, bua orukosi ka ayoŋ alo Lebanon. Totiyaun alomoru Amana, totiyaun anaitae a emoru Senir ka Erimon, aneni iboiyoto ŋiŋatunyo ka alomoru a ŋulu eya ŋirisae.

Isa. 14:8

Elelyanete ŋikito a Lebanon ŋulu enyaritae Cipres ka Cedar aŋuna elounere erwosit, anerae mam ituŋanan nabo eyepakini ikes kwap ikwapei nyeriŋakar iŋes ipukat.

Esek. 27:4

Eyakasi ŋikorin kon tooma ŋanamyo; apotu ŋikadukok kon kitojoka nooi ŋaduketa kon.

Ŋikis. 3:9

(Enyarito ŋisidoniani Erimon Sirion, tonyarito Ŋiamori iŋes Senir).