Esek. 27:30 - Ebaibul

³⁰ Iworounete ikes a nen nooi aŋuna kon, ikalounete ikes enomorito ŋakiro ŋitai nooi. Ipuripurete ikes apuwa nakyes kec, kibelibelo alokurono.

Esek. 27:30 Iomraidhean Croise

2 Sam. 1:2

Ani epete ŋirwa ŋiuni, bu ekile ece analomar a Saul, enapit ŋilowi ŋulu acilicila ka tooŋoryana akou keŋ. Ani edoluni iŋes neni a Daudi, toryedik itoodiunit akitopoloorit keŋ Daudi.

Yob 2:12

Ani iŋolikinete ikes iŋes eriŋa elwana, apotu ikes nyeyan Yob, apotu ikes tocelut nooi, kigworo ecelasi, tocilicileta ŋikaasoi kec, ido kiela apuwa kidiama, min nakyes kec.

Yob 2:8

Abu Yob tolemu itabok tokoyo akuwan keŋ ka abu tolomak akiboi aneni amudyo ekuron.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Yer. 25:34

Iyes ŋikepukak, kiwololoto ka tocelutu igworosi, kibelibelokinos lokuron, iyes ŋikepukak a ŋituŋa, anerae adolut ŋirwa ŋulu ikiarere iyes ka ŋirwa ŋulu ikielarere iyes, ido ikielar lopite ŋolo ielaror amot ŋina ajokan.

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Esek. 26:17

Egeunete nai ikes akiolol aŋuna kus ebasi, ‘Okoe! Alemar bareca etaun ŋolo arwon alotaunio a ŋulu ka anam, irae sek iyoŋ etaun a ŋikilyok a ŋulu eyenete akitiya nanam, ŋituŋa kon sek arae ŋitirunoe ŋulu ka anam. Iyes ŋituŋa ŋulu iboiyete alo Tiro iyaut ekabule neni a ŋituŋa a daadaŋ a ŋulu iboiyete a nen.

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Mika 1:10

Nyilimokis ŋituŋa a Gas ŋakiro ŋun; nyitoodikis ikes atemar igworosi iyes. Iyes ŋituŋa ŋulu a Bes-Leapira, kitoodiutu ŋican kus anakibelibelo anapuwa.

1 Sam. 4:12

Akoloŋit ŋin, kebu ekile epei ŋolo a ekabila a Benjamin, toem alojie, tolot Silo, todol iŋes Silo ekoris ŋilowi ka ileleba apuwa nakou.