Esek. 27:22 - Ebaibul

²² Apotu ŋimucurus ŋulu a Seba ka Raama kicurutata kaapei ka iyoŋ; apotu ikes yaasi ŋiboro kon, ikiinakis iyoŋ ŋikito daadaŋ ŋulu egelegelya ŋulu itoboboete akimuj ka ŋamoru daadaŋ ŋuna epol egyelit ta egolid.

Esek. 27:22 Iomraidhean Croise

Akisy. 10:7

Ŋidwe a Kus ŋulusapa lu: Seba, Apila, Sabita, Raama ka Sabiteka. Ŋidwe a Raama ŋulusapa lu: Ceba ka Dedan.

Akisy. 43:11

Tema nai papa kec Isirael neni kec, “Ani kemaikina kikokis nen, kitiyata nai nu: Tosekisi ŋaraito ŋadi ŋuna ka akwap a na locweei kus yaasi erae ainakinet kus neni a ekile a ŋol; yaasi: Ekitoe ŋolo a ŋajemei edio, ao adio, ŋikito ŋulu itoboboete akimuj, ŋimina ŋulu ekukuny icunyio ka ŋaraito ŋuna esibit ŋakamurya ta ŋuna esibit emaide ŋuna enyaritae alimond.

1 Ŋakiro a ŋirwa 1:9

Ŋidwe a Kus ŋulusapa lu: Seba, Apila, Sabita ka Raama ta Sabiteka. Ŋidwe a Raama ŋulusapa lu: Seba ka Dedan.

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Ŋikiru. 72:15

Agasi ayoŋ torubak iŋes eyari jik! Elipi ayoŋ inakinae iŋes egolid ŋolo a Ceba. Elipi ayoŋ kilipete ŋituŋa aŋuna keŋ jwi jwi ido togatunito ŋarereŋisyo aŋuna keŋ apaaran jwii.

Isa. 60:6

Eburusiyarete ŋikaala ŋulu alalak akwap kus, epote neni kus ŋitak a ŋikaala ŋulu a Midian ka Epa, epote ŋikaala ŋulu alo Seba daadaŋ neni kus. Iwokunete ikes neni kus egolid ka ekinyate, ido iseraete ŋikametok kec ipurosi Ekapolon.

Esek. 23:42

Apupyo aneni iboiyoto iyes etoil a ŋituŋa a ŋulu alalak nooi a ŋulu acelasi ikwa acamitotor. Arae ŋul atukot a ŋikamerak a ŋulu ayaunitae analoŋisat kaapei ka ŋikilyok ŋulu eriratae alotuŋa a ŋulugelegelya. Apotu ŋituŋa ŋul toenianakis nakyes a ŋaberu ŋibokoto ŋulu ebusak.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Esek. 38:13

Ikiŋisete iyoŋ ŋakwapin nu: Seba, Dedan ka ŋimucurus ŋulu a Tarisis ta ŋisorok ŋulu a Tarisis daadaŋ ebe, ‘Ibunit iyoŋ aŋatar a? Icununit iyoŋ ŋajoresyo kon alemar ka kiwok esilipa ka egolid, aramar ŋibaren ka akiwok ŋiboro ta akiriraar ibore ŋini alalan a?’