Esek. 27:18 - Ebaibul

¹⁸ Apotu ŋituŋa a Damasko kicurutata kaapei ka iyoŋ aŋuna alalata nooi ŋiboro kon ka iyakar iyoŋ ŋiboro ŋulu egelegelya ŋulu alalak nooi ikwapei epiini ŋolo ayaunitae alo Elibon ka ŋajul a ŋamesekin ŋuna akwaŋak ŋuna ayaunitae alo Saar.

Esek. 27:18 Iomraidhean Croise

Akisy. 14:15

Ani ewari, totyak Aburam ŋajorei keŋ, aŋuna ka akisiryakin ŋimoe nakwaare. Toruko iŋes ka ŋiketiyak keŋ kisiiryakis ŋimoe kirita todolo tari Oba, Kuju Damasko.

Akisy. 15:2

Kiŋit Aburam Ekapolon tema, “Okoe, Ekapolon Akuj, inyoni ikiini iyoŋ ayoŋ, anerae arubak ayoŋ eboi emam ikoku, ido Eleasar ŋolo alo Damasko iŋes eruwor ekeruman ŋiboro kaŋ?”

Isa. 7:8

anerae etaun ka Aram ŋolo apolon iŋes Damasko ka ekapolon a Damasko iŋes erwosit Resin, alotooma ŋikaru ŋatomonikanikapei ka ŋikan, ielaryo ŋituŋa a Epuraim tojoŋoto araakau ŋulu ka akwap a apei.

Yer. 49:23

Erae nu ŋakiro ŋuna abu Ekapolon tolimu aŋuna a Damasko ebala, “Iyaloloŋiete ŋituŋa ka Amas ka ŋulu ka Aripad, anerae eirasi ikes ŋakiro ŋuna aronok, einaiya ikes ekabule, emaranete ŋawat kec lopite ŋolo emarania anam ŋina nyepedorete ŋakipi akinapakin.

Esek. 27:19

Apotu ŋituŋa a Dan ka ŋulu a Gireece ŋulu aponito alo Usal kicurutata kaapei ka iyoŋ; apotu ikes yaasi ŋiboro kon, ikiinakis iyoŋ ŋasuwa ŋunadelet, ŋakito a ŋiwo ka ŋakasirim ŋuna abokok.

Esek. 27:33

Apaki ŋina alomaryata ŋiboro kon ananam nakwapin ŋunace, ibu iyoŋ kitalaka ŋituŋa a ŋakwapin; alobari kon a ŋolo iyakar iyoŋ ŋiboro ŋulu alalak, ibu iyoŋ kitabar ŋirwosi ŋulu ka akwap.

Ŋitic. 9:2

akiŋit ŋabaruwae ŋuna itoodiunito atemar ecamakinitae iŋes alosit losinagogae ŋulu alo Damasko, ikotere ani keryamu ituŋanan idio ŋini enupit Kristo, ekile kori aberu, kikama ikes, toen ya Yerusalem. (Anyaritae daŋ ŋikewuapak a Kristo, “Ŋulu ke Erot.”)