Esek. 27:16 - Ebaibul

¹⁶ Apotu ŋituŋa a Edom kicurutata kaapei ka iyoŋ aŋuna alalata nooi ŋiboro kon; apotu ikes yaasi ŋiboro kon, ikiinakis iyoŋ ŋamoru ŋuna inyalal ŋiraŋgi ŋuna enyaritae Yasiper, ŋilowi ŋulu kipura-areŋak, ŋiboro ŋulu esibusitae, ŋilowi ŋulu ajokak ŋulu amilimilak, ŋiboro ŋulu epol egyelit nooi ka ŋinapito ŋulu amilimilak nooi.

Esek. 27:16 Iomraidhean Croise

Akisy. 10:22

Ŋidwe a Sem ŋulusapa lu: Elam, Asur, Aripakasad, Lud ka Aram.

Akisy. 28:5

Kiyakiya Isaka Yakob; tolot Yakob Padanaram neni a Laban alokoku a Besuel a ŋolo arae Earameanit; arae Laban lokaato a Rebeka a toto a Yakob ke Esau.

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 15:8

anerae, abu ayoŋ eketiyan kon ekoŋ neni a Ekapolon, apaki ŋina ayakar Gesur nakwap ŋina ka Aram. Abu ayoŋ otema, ‘Ani ca kekenyaka ayoŋ Ekapolon Yerusalem, elipi ayoŋ neni keŋ alo Eburon.’ ”

2 Sam. 8:5

Ani epote Ŋiarameani, ŋituŋa ŋulu alo Damasko akiŋarakin erwosit Adadeser ŋolo alo Soba, toar Daudi Ŋiarameani ŋalipyo ŋatomoniarei ka ŋiarei.

Esek. 16:10

Abu ayoŋ eketanapik iyoŋ elou ŋolo esibusitae a ŋiboro a ŋice ka eketanapik ŋamuk ŋunabaren. Abu ayoŋ eketanapik iyoŋ ŋilowi ŋulu ajokak ŋulu amilimilak ŋulu epol nooi egyelit.

Esek. 16:13

Aponi ikisibusi iyoŋ a egolid ka esilipa, ibu iyoŋ tonap ŋilowi ŋulu ajokak ŋulu amilimilak, ŋulu epol nooi egyelit, ido torae ŋulu esibusitae a ŋiboro a ŋice. Imuji iyoŋ akimuj ŋina ajokan nooi ka akimyet ŋina ka ao ta ŋamyeta ŋace. Ibu iyoŋ topolou irae ŋina ebusan nooi, ŋina emaikina iruwor arwosit.

Esek. 16:18

Ibu iyoŋ ya ŋilowi kon ŋulu esibusitae ŋul kitanapik nakujo ŋun, ido ibu iyoŋ ya akimyet kaŋ ka ekinyate kaŋ kiwuak kiŋaren kec.

Esek. 16:57

eriŋa aronis kon nyisileereuno a? Nai tokona, iruwor iyoŋ ŋina ikikyenatar ŋituŋa ka Aram ka ŋikidunyet kec daadaŋ ta Ŋipilistin ka ŋikidunyet kon daadaŋ.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Ŋikat. 10:6

Apotu nabo Ŋisirael kitiyata ŋuna aronok alokiŋaren Ekapolon, toloto akilipenen neni ata Baal ka Asitares, neni a ŋakujo ka Aram, a ŋakujo a Sidon, a ŋakujo a Moab, a ŋakujo a Ŋiamoni ka a ŋakujo a Ŋipilistin. Aŋun, apotu ikes toŋero Ekapolon ka tojoŋoto akilipenen neni keŋ.