Esek. 27:13 - Ebaibul

¹³ Apotu ŋituŋa a Gireece, a Tubal ka ŋulu a Mesec kicurutata kaapei ka iyoŋ, apotu ikes yaasi ŋiboro kon, ikiinakis iyoŋ ŋituŋa ka ŋiboro ŋulu itiyaunitae a eburonis.

Esek. 27:13 Iomraidhean Croise

Akisy. 10:2

Ŋidwe a Yapes ŋulusapa lu: Gomer, Magog, Madai, Yapan, Tubal ka Mesek ta Tiras.

Akisy. 10:4

Ŋidwe a Yapan ŋulusapa lu: Elisa, Tarisis ka Kitim ta Dodanim.

1 Ŋakiro a ŋirwa 1:5

Ŋidwe a Yapes ŋulusapa lu: Gomer, Magog, Madai, Yapan, Tubal ka Mesek ta Tiras.

1 Ŋakiro a ŋirwa 1:7

Ŋidwe a Yapan ŋulusapa lu: Elisa, Tarasis ka Kitim ta Rodanim.

Ŋikiru. 120:5

Oi acakar bare ca ayoŋ aŋuna eboiyo alo Mecek! Acakar bare ca aŋuna eboiyo alokidiŋ ŋituŋa ŋulu a Kedar!

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Esek. 27:12

“Apotu ŋituŋa a Tarisis kicurutata kaapei ka ŋituŋa kon, anerae ibarit iyoŋ ŋiboro nooi; apotu ikes yaasi ŋiboro kon ikiinakis iyoŋ esilipa, ŋasuwa, ŋasuwa ŋuna enyaritae tin ka ŋasuwa ŋuna apotyok.

Esek. 27:19

Apotu ŋituŋa a Dan ka ŋulu a Gireece ŋulu aponito alo Usal kicurutata kaapei ka iyoŋ; apotu ikes yaasi ŋiboro kon, ikiinakis iyoŋ ŋasuwa ŋunadelet, ŋakito a ŋiwo ka ŋakasirim ŋuna abokok.

Esek. 32:26

“Eyakasi nen Mesek ka Tubal, eyakasi ikes nen kaapei ka ŋituŋa kec ŋulu alalak nooi, irimokinito ŋalyalin a ŋul a daadaŋ ikes kidiŋ, erae ikes daadaŋ ŋulu nyenupito neni ka Akuj, aaryo ikes a ekileŋ, anerae apotu ikes kielakis ekabule nakwap a ŋituŋa a ŋulu eyarete.

Esek. 39:1

Abu Ekapolon Akuj kirwor neni kaŋ tema, “Lokoku a ituŋanan, todwar itoroniyarit Gog, tolimok iŋes atemar alimu Ekapolon Akuj ebe, ‘Okoe Gog, ekemanit ayoŋ iyoŋ, iyoŋ ekepukan ŋolo ipolokinit Mesek ka Tubal.

Dan. 10:20

Tema nai emalaika neni kaŋ, “Iyeni iyoŋ ŋakiro ŋuna abunitor ayoŋ neni kon a? Emaikina tokona ayoŋ oboŋo akitijiore emalaika ŋolo epolokinit apukan ŋina a Perisia, ani elouni ayoŋ iŋes, ebuni emalaika ŋolo epolokinit akwap ŋina ka Akaia.

Dan. 11:2

“Akalimokini tokona ayoŋ iyoŋ ŋakiro ŋuna a kire. Eyakaunosi ŋirwosi ŋice ŋiuni Perisia, ebuni ŋolo a ŋiomwon ŋolo ebarit akilo ŋirwosi ŋulu esyaunak ŋuluuni daadaŋ. Kedau iŋes agogoŋior aŋuna ka abaru keŋ, ecunakini iŋes ŋituŋa daadaŋ akitijikin ekepukan ka Akaia.

Dan. 8:21

Tosodi etoodiunit ekoroe erwosit a Yapan, erae amomwara ŋina alokidiŋ ŋakonyen a ekoroe, erwosit ŋolo a ekiŋaren.

Yoel 3:3

Apotu ikes kilamilama aŋuna a ŋituŋa kaŋ ayenunia ŋini eyai ŋirikon alojie. Apotu ikes togyelasi ŋidyain atacia ŋamalaae ka togyelasi ŋapesur atacia epiini ŋolo amasete ikes.

Yoel 3:6

Igyelasi iyes ŋituŋa a Yudaya ka ŋulu a Yerusalem neni a Ŋigirik, iteakasi ikes anakwap kec.

Akis. 18:13

Sinamo--ekitoe ŋolo itukukunyi akimuj, eminae ŋolo ke ekinyate ka akimyet ŋina akukunyon ŋina eminae ka eceminae ŋolo akukunyon nooi ŋolo icunyo; epiini ka akimyet, ŋakirya ka ŋaganoi, ŋaatuk ka ŋamesekin, ŋaŋolei ka ŋagaari; ŋipi ka ŋituŋa daŋ.