Esek. 26:7 - Ebaibul

⁷ “Alimu Ekapolon Akuj atemar, ainakini ayoŋ erwosit ŋolo eyai lowae ŋolo alo Kuju kiman Tiro, erae erwosit ŋol Nebukadinesar, erwosit a Babilon, ŋolo epukat ŋirwosi ŋuluce. Ebuni erwosit ŋol eyakar ŋaŋolei, ŋagaari ŋuna iritae aŋaŋolei, ŋasigarya ŋuna elosete a ŋaŋolei ka ŋasigarya ŋace ŋuna alalak nooi ŋuna agogoŋok nooi.

Esek. 26:7 Iomraidhean Croise

Esir 7:12

“Ayoŋ Aritaseses ŋolo arae erwosit a ŋirwosi, egirit abaruwa na neni a esacaradoti Esira, ekegiran ŋolo a ŋikisila a ŋulu ka Akuj a ŋina anakuj, toyai ekisil neni kon! Tokona,

Isa. 10:8

anerae ebala iŋes, “Nyerae mono ŋikapolok a ŋasigarya kaŋ daadaŋ ŋirwosi a?

Yer. 25:22

ŋirwosi daadaŋ ŋulu a Tiro, ŋirwosi daadaŋ ŋulu a Sidon ka ŋirwosi a ŋakwapin a daadaŋ a ŋuna alokekwaye anam a ŋuna idunyito anam;

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 52:32

Abu iŋes torimaaniar aneni a Yeoiakin kitopoloo iŋes adepar ŋirwosi ŋuluce ŋulu epukatotor iŋes alo Babilon.

Yer. 6:23

Etiŋito ikes ŋakwaaras ka ŋakawo a ŋikaleŋeleŋe, ededeŋ ikes nooi, nyisyoniyoko, epol eruye a ŋakejen kec ikwaan ka eruye a ŋakipi anam, emeto ikes ŋaŋolei ka eyakatar ŋiboro daadaŋ ŋulujiet, okoe ŋituŋa a Sion eponito ikes akirem iyes!”

Esek. 17:14

ikotere edaun agogoŋu eyakatar ŋituŋa ŋulu ka apukan a Yerusalem ka edaun epite ŋolo egogoŋunioto nabo, amaikina ikes kiboyoto iwuapito acamunet keŋ ka eyenet a erwosit a Yerusalem.

Esek. 23:24

Epote ŋikemanitok iyoŋ alo Kuju etiŋito ŋiboro ŋulujiet, emetae a ŋaŋolei ka a ŋagaari ka eyakatar ŋituŋa ŋulu alalak nooi, ikicodokinete ikes iyoŋ alowaetin kon a daadaŋ etiŋito ŋaupala ŋuna apolok ka ŋuna cicik ka enapito anakyes ŋakopiyae ŋuna iuryarito akou nyewana. Ainakini ayoŋ ikes apedor ikisican iyoŋ, ikisicanete ikes iyoŋ lopite ŋolo ecamito ikes.

Esek. 26:3

Aŋun, alimu tokona Ekapolon Akuj ebe, ‘Okoe Tiro! Ekemanit ayoŋ iyoŋ, ekesimani ayoŋ iyoŋ ŋituŋa a ŋakwapin a ŋuna alalak, ebukunosi ikes neni kon lopite ŋolo ebukotor ŋikaguragurae a ŋakipi ananam.

Esek. 28:7

ayauni ayoŋ ŋituŋa ŋulugelaanotin ikiman iyoŋ, ayauni ayoŋ ŋituŋa ŋulu eryenyaaka anakwap nooi; eŋatarete ikes a ŋileŋia kec akibuses ŋina ka aosou kon. Emunaarete ikes apolou kon ŋina ailiilon

Dan. 2:37

Okoe erwosit, iyoŋ irae erwosit a ŋirwosi ŋolo ikiinak Akuj ŋina anakuj apukan, apedor, agogoŋu ka apolou,

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Osea 8:10

Tari daŋ kelosito ikes akiŋita akiŋarakinet aneni a ŋituŋa a ŋakwapin, acununi ayoŋ ikes iwapei esican, alotooma apaki ŋina euruwuana isicanete ŋirwosi ka ŋikapolok ikes.