Esek. 26:20 - Ebaibul

²⁰ apaki ŋin nai ekewuakinia ayoŋ iyoŋ nakibois a ŋikatwak, kimorikinos ka ŋituŋa ŋulu koloŋ sek kiboiyete anakwap. Ekemyekini ayoŋ iyoŋ kiboi anakibois a ŋin a ŋina erubakini emunaara ŋikaru ka ŋikaru, irubakini iyoŋ Tiro iyai nen ka ŋulu adaut atwakare, ikotere todaun ituŋanan iboikin tooma kon, kori nyimin nabo jik neni eyakasi ŋituŋa ŋulu eyarete.

Esek. 26:20 Iomraidhean Croise

Ŋikiru. 27:13

Anupit ayoŋ atemar eŋolikini ajokis ŋina ke Ekapolon, anakwap a na a ŋina eyakae isua.

Ŋikiru. 28:1

Okoe Ekapolon, akanyarit ayoŋ iyoŋ; ekaiunan kaŋ, nyiŋer akiirar ŋakiro kaŋ, anerae ani kikililiŋ iyoŋ ayoŋ, ayakaun ayoŋ neni a ŋulu adaut atwakare.

Isa. 14:10

Irworikinete ŋul daadaŋ neni kon ebasi, “Ipalagagiar iyoŋ daŋ ikwa isua! Ikwaanikin iyoŋ ka isua!

Isa. 14:9

Elakara akibois a ŋikatwak alokwap akijaar ikes ŋini elosi nen, etonyou akibois ŋin ŋitai a ŋikatwak akimal ŋulu elosete nen, akimal ikes daadaŋ ŋulu arae ŋikepukak anakwap; etonyou akibois ŋin alokicoloŋo kec daadaŋ ŋulu arae ŋirwosi a ŋakwapin.”

Isa. 4:5

Iwuakini nai Ekapolon edou ka apuru naparan ta akica a akim a ŋina enepi nakwaare kidiama emoru Sion ka kidiama ŋakiboisyo daadaŋ ŋuna ecunanakin ŋituŋa. Kire, erapuwari Ekapolon etaun keŋ daadaŋ.

Isa. 59:10

Ikitwapitwapi isua esibit ikirae ŋimudukanotin, ikitwapitwapi isua esibit ikirae ŋulu emam ŋakonyen nyileerete ŋuna itiyao isua lopite ŋolo nyileereo ibore ekaikai akwap; ani erukitoe isua ka ŋulu egogoŋ, ikitakani ikisibit ŋikatwak.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Aum. 3:6

Eketuruwo Akuj ayoŋ ŋolo eboi anakiryonut ikwa ŋituŋa ŋulu koloŋ aberakin atwakare.

Esek. 31:14

“‘Ameun nai tokona tari momit, mam ŋikito ŋulu elomunete aneni eya ŋakipi ŋulu eoyaketa, kori edoli aoyau kec lodouwon, mam ŋikito ŋulu emasete ŋakipi a ŋinapaki ŋulu eoyaketa ikwa ŋol. Emaikina tokona ŋikito daadaŋ toyakaun apaki ŋina etwakyata ikwa etwakyata ŋituŋa, emaikina tolomasi kwap toloto nakibois a ŋikatwak.’

Esek. 39:7

“Etaanyuni ayoŋ ŋituŋa kaŋ Ŋisirael ekiro kaŋ ŋolo asegan; nyacamuni nabo ayoŋ tojamuwarae ekiro kaŋ ŋolo asegan, eyenunete ŋituŋa a ŋakwapin atemar arae ayoŋ Ekapolon, Akuj ŋina asegan ŋina ayai Isirael.

Amos 9:2

Tari daŋ kitiŋaar ikes kiboiyosi nakibois a ŋikatwak, ekamuni ayoŋ ikes ka akan kaŋ eriu ikes a nen, tari daŋ kedokasi ikes kidiama, atiyauni ayoŋ ikes kwap.

Yona 2:2

Tema, “Abu ayoŋ alocan kaŋ ekaloik Ekapolon, ido abu iŋes toboŋok akigworo kaŋ; alotooma akibois a ŋikatwak, abu ayoŋ ekalou acamit ekeŋarakin, ibu iyoŋ kiira etoil kaŋ.

Yona 2:6

Abu ayoŋ odol tari kwap ŋimoru; okogolok akwap Kwap keŋ ŋikaru ka ŋikaru. Nai iyoŋ Ekapolon Akuj kaŋ, ibu ikinyaku ayoŋ a nen ayari,

Sakar 2:8

Aŋun, abu Ekapolon ŋolo Etiron kirwor ŋakiro nu kedau iŋes anapolou keŋ akiyok ayoŋ aŋuna a ŋituŋa a ŋulu apotu ikielasi iyes. Abu iŋes tema, “Kire jik, ituŋanan ŋini ikiari iyes, ikwaanikin ka ŋini elemari ibore kaŋ ŋini amina ayoŋ.”

Ekim. 16:30

Nai ani kitiyak Ekapolon ŋakiro ŋuna kitete, ido totyakas ŋalup tosodi kiyuuwaar ikes tooma kaapei ka ŋiboro daadaŋ ŋulu eyakatar ikes, tolomasi ikes eyarete nalup, nakibois a ŋikatwak, iyenunete nai iyes atemar ejamuwarito ŋituŋa ŋul Ekapolon.”

Ekim. 16:33

Aŋun apotu ŋikilyok ŋul kaapei ka ibore daadaŋ ŋini ayakatar ikes tolomasi kwap, nakibois a ŋikatwak eyarete, togolokin ŋalup alokidiama kec, tomunyarae ikes alokidiŋ atukot a ŋituŋa.

Mat. 11:23

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak! Anerae kerae koloŋ kitiyatetei ŋakujuwuanisya ŋuna etiyakin neni kus, keriŋa Sodoma eyai tari tokona!

Luk. 10:15

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak!”

2 Pet. 2:5

Pa abu Akuj kimyek ŋituŋa ŋulu koloŋ, nai abu yau ŋakipi ŋuna apotu torapuwasi akwap ŋina a ŋituŋa a ŋulu aŋerete iŋes; ŋulu make abu iŋes tolaku ikes Noa ŋolo etatami akiyookino ka ŋituŋa ŋice ŋikanikaarei.