Esek. 26:17 - Ebaibul

¹⁷ Egeunete nai ikes akiolol aŋuna kus ebasi, ‘Okoe! Alemar bareca etaun ŋolo arwon alotaunio a ŋulu ka anam, irae sek iyoŋ etaun a ŋikilyok a ŋulu eyenete akitiya nanam, ŋituŋa kon sek arae ŋitirunoe ŋulu ka anam. Iyes ŋituŋa ŋulu iboiyete alo Tiro iyaut ekabule neni a ŋituŋa a daadaŋ a ŋulu iboiyete a nen.

Esek. 26:17 Iomraidhean Croise

2 Sam. 1:19

Okoe Isirael, eperete ŋikapolok kon etwakito anakiboisyo kon aŋuna eoyak! Okoe atwaka bare ca ŋikatitinyok kosi!

Isa. 14:12

“Icakun iyoŋ alokidiama okoe erwosit a Babilon, iyoŋ ŋolo ibu kileereu ikwa etop naparan, kori ikwa etop ŋolo ka akiwalaret! Ikituruwor iyoŋ ekoŋinait, iyoŋ ŋolo ibu kilou ŋakwapin!

Isa. 23:4

Okoe ŋituŋa a Sidon, emaikina iyes ikiruma ŋileec, anerae erworo anam ka aduketait ŋinajiet ŋina eyai diyete anam ebasi, “Nyeryabakina ayoŋ, kori nyidouno, nyitanuna ayoŋ ŋikilyok ŋulusorok, kori nyitopolouno ayoŋ ŋaberu ŋunasorok.”

Isa. 23:8

Ŋae ayeu ŋakiro nu imanit Tiro, etaun ŋolo itopolooritae nooi, ŋolo arae ŋimucurus keŋ ŋirwosi, ŋolo arae ŋikagyelanarak keŋ ŋulu etopolooritae anakwap a daadaŋ.

Yer. 48:39

Erono nooi akielar a Moab! Erono nooi epite ŋolo iwololoto ikes! Erono nooi epite ŋolo alemarere ajokis alo Moab, epite ŋolo edoŋio erae ŋileec bon. Aŋun, edoŋ Moab erae akwap ŋina ejamuwaritae ŋina a ŋinyas aneni a ŋikidunyet keŋ a daadaŋ.”

Yer. 50:23

Apotu ŋituŋa a Babilon kicakicaka ŋituŋa a ŋakwapin a daadaŋ, nai tokona, ecakicaki ikes daadaŋ, abul ŋituŋa daadaŋ aŋuna amunaarere Babilon.

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Yer. 7:29

Totubosi ŋitim kus tocakakis nariet; tocelutu iwololoete alokidiama ŋikamukumukui, anerae aŋer ka aesiki Ekapolon anyamet na ŋina abu kitenepu anyunyura keŋ.

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Esek. 19:1

Abu Ekapolon okolimok ayoŋ aeikin eete ŋolo ka aumonokin lo aŋuna a ŋidwe a ŋiarei a ŋulu a ŋirwosi a Isirael.

Esek. 19:14

Amyaa akim ŋinapei anatorom keŋ, anomiya ŋaten keŋ ka ŋaraito keŋ. Emam nabo atorom keŋ ŋina agogoŋon ŋin neni idoŋit, neni emaikina tolemunae ebela a erwosit. “Erae lo eete ŋolo ka aumonokin ka emaikina kisitiyae erae eete ŋolo ka aumonokin.”

Esek. 32:16

Eikinio eete iololoo aŋuna a Ijipit. Eikinete ŋaberu a ŋakwapin a ŋunace eete ŋol. Eikinete ikes aŋuna Ijipit, eikinete ŋajoresyo a Ijipit daadaŋ eete ŋol.”

Esek. 32:2

“Lokoku a ituŋanan, kiololo aŋuna a Parao a erwosit a Ijipit, tolimok iŋes ebe, ‘Itami iyoŋ atemar igogoŋ iyoŋ anakwapin nooi ikwaan ka eŋatuny, nai ikwaan iyoŋ ka epiu koŋin ŋolo eperi anakipi a ŋanamyo; ibelibelo iyoŋ anakipi a ŋayona kon, imunae iyoŋ ŋakipi a ŋakejen kon toruwor ecoto ka itobos ŋakipi a ŋayona kon.

Esek. 32:23

Erekinitae ŋalyalin kec neni ecukul nooi anakibois a ŋikatwak. Eperete ŋikajiok ka Asiriya daadaŋ anakibois a ŋin irimokinito neni eyai Asiriya kidiŋ. Aaryo ikes daadaŋ a ekileŋ. Ŋituŋa ŋul sek ekiŋaren apotu yaut ekabule nakwap a ŋituŋa a ŋulu eyarete.

Esek. 32:27

Nyeperete mono ikes kaapei ka ŋikajiok ŋulu koloŋ aponi toarae, ŋulu anupito neni ka Akuj, ŋulu apotu tolomasi nakibois a ŋikatwak kaapei ka ŋiboro kec ŋulujiet, ŋikajiok ŋulu aponi kisicoloŋoi ŋileŋia kec a? Ŋikajiok ŋulu eya tokona ŋaupala kec kidiama ŋakoyo kec, anerae apotu ikes kielakis ekabule nakwap a ŋituŋa a ŋulu eyarete.

Yoel 1:18

Kiirasi epite ŋolo erwotor ŋibaren! Irimito ŋisipanin a ŋaatuk, anerae emam ŋinya edakasi; tari ŋisipanin a ŋamesekin, eryamunito ŋican.

Obad. 1:5

“Ani mono kepotu neni kon ŋikokolak, nyekokoiyarete mono ikes etyae ŋolo ecamito ikes a? Ani mono kepotu neni kon ŋikenyasak nakwaare, etya mono ai akinyasuno ŋina iryamuni iyoŋ! Ani mono kepotu neni kon ŋikalemak epiini, nyimyekinete mono ikes epiini edio cici a?

Mika 2:4

Ŋina edolunio apaki ŋin, isitiyate ŋituŋa ŋatyokisyo ŋuna ipotu iyes toryamut, ikikyenatar iyes eosi, etemarete, ‘Ikimunaar isua jik, alema Ekapolon akwap kosi, ainaki neni a ŋulu apotu itorikosi isua ikirae ŋirikon.’ ”

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

Yos. 19:29

kilugoyo nai ekukoru a nen kidir Rama, tomyaa Tiro lotaun ŋolo awuat arwatata ŋina adukuk nooi, kilugok a nen kidir Osa kiropu ananam anakiboisyo a nu: Meelab, Akisib,