Esek. 26:16 - Ebaibul

¹⁶ Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Esek. 26:16 Iomraidhean Croise

Yob 8:22

Irumete ŋileec ŋulu ikiremokino iyoŋ, ido emunaaryo ŋakais a ŋikaronok.”

Ŋikiru. 109:18

Arae ibore keŋ akicen ŋituŋa a ŋinapaki; emaikina ŋicen ŋul kiloŋiyasi iŋes ikwa ŋakipi, emaikina ŋicen ŋul kiibaasi iŋes ikwa akimyet.

Ŋikiru. 109:29

Kimyek ŋulu ekesitakinito ayoŋ tobutasi ŋileec, kiluluyasi ikes ŋileec lopite ŋolo ikiluluyarya ekaaso.

Ŋikiru. 132:18

Esurumi ayoŋ ŋimoe a erwosit a ŋol ŋileec, nai apukan keŋ, elosi kiŋaren ejok ka egogoŋior.”

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Awos. 15:15

Ebuli nooi ŋirwosi ŋulu ke Edom, ikamuni ekabule ŋikarikok ŋulu a Moab; eemete Ŋikanaani daadaŋ nariet.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 41:5

Eŋolikis ŋituŋa ŋulu iboiyete alodiyete anam ŋakiro ŋun ka akuryaketa ikes, amaranikis ŋituŋa ŋulu eya nakisaleta a akwap; acunun ikes ka apotu kiŋaren.

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Isa. 52:2

Okoe ŋituŋa a Yerusalem, tonyoutu irae ŋulu itopolooro, tobutosi ŋican tolacasi ŋiriko ŋulu ikienito iyes okoe ŋituŋa a Sion!

Yer. 48:39

Erono nooi akielar a Moab! Erono nooi epite ŋolo iwololoto ikes! Erono nooi epite ŋolo alemarere ajokis alo Moab, epite ŋolo edoŋio erae ŋileec bon. Aŋun, edoŋ Moab erae akwap ŋina ejamuwaritae ŋina a ŋinyas aneni a ŋikidunyet keŋ a daadaŋ.”

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Esek. 16:10

Abu ayoŋ eketanapik iyoŋ elou ŋolo esibusitae a ŋiboro a ŋice ka eketanapik ŋamuk ŋunabaren. Abu ayoŋ eketanapik iyoŋ ŋilowi ŋulu ajokak ŋulu amilimilak ŋulu epol nooi egyelit.

Esek. 26:21

Eketasaluni ayoŋ iyoŋ a ŋinyas a ŋulu ikitubulete nooi ka nyiyakaun nabo iyoŋ jik. Iwarete ŋituŋa akiŋolikin iyoŋ, nai nyikiryamunete ikes iyoŋ jik.”

Esek. 28:17

Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Esek. 31:15

“Alimu Ekapolon Akuj atemar, akoloŋit ŋina ayaunere ekitoe ŋol nakibois a ŋikatwak, abu ayoŋ ogolok akipany alokidiama keŋ, emuleleiya iŋes; abu ayoŋ ogol ŋaŋololin a ŋakipi a ekitoe a ŋol, kiudakinos ŋakipi ŋun iwapei towua. Abu ayoŋ elelebik akiyaloloŋ lotuŋa a Lebanon aŋuna a ekitoe a ŋol ka apotu ŋikito ŋulu ka ariet daadaŋ torinyiyosi aŋuna a ekitoe a ŋol.

Esek. 32:10

Eturuwori ayoŋ ŋituŋa ŋulu alalak ŋulu ekadakinito ŋakiro kon; emaranikinete ŋirwosi a ŋituŋa a ŋul a ŋuna kon. Emaranikinete ŋirwosi ŋul iŋolikinete apwatari ayoŋ ekileŋ kaŋ alokiŋaren kec. Akoloŋit ŋina akalemarya ayoŋ iyoŋ, emaranikini ŋolorwosit a ŋinapaki aŋuna ka akiyar keŋ.

Esek. 7:27

Ikalouni erwosit kus, edaun akigeno aneni alokoku a erwosit, emaranikinete aŋuna ka akuryanu a ŋituŋa a akwap kus. Ekesicani ayoŋ iyes lopite ŋolo itiyatotor iyes; akatubokini ayoŋ iyes lopite ŋolo itubonokiniata iyes ŋuluce. Ŋun nai iyenuniata iyes atemar arae ayoŋ Ekapolon.’ ”

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Dan. 5:6

Anenipei togelaaniya ereet a erwosit, tokadak iŋes anatameta, kikelikelakis ŋakejen keŋ, tonaŋanakin ŋakuŋin keŋ.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Agai 2:22

ido olema ŋikepukak a ŋapukasinei; eapi ayoŋ amunaar agogoŋu a ŋapukasinei a ŋakwapin, akimasar ŋagaari ka ŋikametok kec, imasarosi ŋaŋolei ka ŋikametok kec, eari ŋinituŋanan lokaato keŋ ka atum.”

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

Akis. 18:9

Ikalounete ka iyaloloŋete ŋirwosi ŋulu ka akwap, ŋulu kitiyaete ka iŋes amalao ka ekibure ŋolo aronon, aŋuna ke etaun a ŋolo apolon, apaki ŋina eanyuwaryata apuru ŋina ka arira a ŋina enyamuwari iŋes.