Esek. 26:15 - Ebaibul

¹⁵ “Alimu Ekapolon Akuj ŋakiro nu neni a Tiro, nyemaranikinete mono ŋituŋa ŋulu iboiyete alodiyete anam iirarete akigworo ŋina ka alemaro kus, apaki ŋina eumenioto ŋulu ewanawanatae ka ŋina earere ŋituŋa aneni kon Tiro a?

Esek. 26:15 Iomraidhean Croise

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Isa. 41:5

Eŋolikis ŋituŋa ŋulu iboiyete alodiyete anam ŋakiro ŋun ka akuryaketa ikes, amaranikis ŋituŋa ŋulu eya nakisaleta a akwap; acunun ikes ka apotu kiŋaren.

Yer. 49:21

Ani inyasunio Edom, emaranikini akwap, iiraryo akigworo kec ananam a ŋina Areŋan.

Esek. 26:10

Iudun neni kon ŋaŋolei keŋ ŋuna alalak nooi, ido ikirapuwari iyoŋ apuwa kec Ani eruunete ŋaŋolei, ŋakejen a ŋagaari ka ŋagaari, iloilookin ŋarwatatain kon daadaŋ, iloilookin ŋarwatatain kon elomunete ikes tooma kon lopite ŋolo elomuniata ŋimoe lotaun ŋolo apedepedoi arwatata keŋ.

Esek. 26:18

Amaranikis tokona ŋituŋa ŋulu iboiyete alodiyete anam aŋuna eŋolikiniata akoloŋit ŋina ikilemarere iyes. Akadaki ŋituŋa ŋulu iboiyete alodiyete anam iŋolikinete epite ŋolo idaunotor iyes.’

Esek. 26:21

Eketasaluni ayoŋ iyoŋ a ŋinyas a ŋulu ikitubulete nooi ka nyiyakaun nabo iyoŋ jik. Iwarete ŋituŋa akiŋolikin iyoŋ, nai nyikiryamunete ikes iyoŋ jik.”

Esek. 27:28

Emaranikinete ŋituŋa ŋulu iboiyete alodiyete anam iirarete ŋikametok a ŋameeli igworosi.

Esek. 27:35

Akadaki ŋituŋa daadaŋ ŋulu iboiyete alodiyete anam iirarete ŋakiro kon. etubulo ŋinyas ŋul ŋirwosi a ŋituŋa a ŋul, etonyoridid akuryanu ŋireetin kec.

Esek. 31:16

Abu ayoŋ etamaranik ŋituŋa a ŋakwapin iirarete epite ŋolo aruunio ekitoe ŋol eritakin kwap, apaki ŋina emasarya ayoŋ iŋes nakibois a ŋikatwak kaapei ka ŋulu amaikina tolomasi nakipany. Apotu nai ŋikito daadaŋ ŋulu aya Eden ka ŋikito ŋulu ebusak ka ŋulu ebusak alo Lebanon ka daadaŋ ŋulu alomunito aneni aya ŋakipi tolakaros aŋuna ka aukor a ekitoe a ŋol.

Esek. 32:10

Eturuwori ayoŋ ŋituŋa ŋulu alalak ŋulu ekadakinito ŋakiro kon; emaranikinete ŋirwosi a ŋituŋa a ŋul a ŋuna kon. Emaranikinete ŋirwosi ŋul iŋolikinete apwatari ayoŋ ekileŋ kaŋ alokiŋaren kec. Akoloŋit ŋina akalemarya ayoŋ iyoŋ, emaranikini ŋolorwosit a ŋinapaki aŋuna ka akiyar keŋ.