Esek. 26:14 - Ebaibul

¹⁴ Eketuruwori ayoŋ iyoŋ ataaba ŋina emam ibore eyai; Iruwor iyoŋ akibois ŋina epesere ŋatibae. Nyikidukokinio nabo iyoŋ jik, anerae ayoŋ Ekapolon alimu ŋun.

Esek. 26:14 Iomraidhean Croise

Yob 12:14

Ani kinyasu Akuj idiobore, mam ituŋanan iwuakini ibore ŋin nen nabo; ani keya Akuj idiotuŋanan mam ituŋanan elakuni.

Yob 40:8

Icamit iyoŋ akituruwor ayoŋ ŋolo nyetiyae ŋuna iyookino a? Itemari iyoŋ adyekarit ayoŋ, ikotere ikituruworyo iyoŋ ŋolo iyookino a?

Isa. 14:27

Ayeu Ekapolon ŋolo a ŋajoresyo akitiya ŋun Ŋae epedori akiretakin iŋes? Isicani tokona iŋes ŋituŋa ka Asiriya. Ŋae epedori akisimyekin iŋes ŋun?”

Isa. 23:12

Ebala Ekapolon, “Nyilakarosi iyes nabo, okoe ŋituŋa a Sidon ŋulu ikisicanitae, tonyoutu, todokasi Kupuro, tari alo Kupuro nyiryamunete iyes akieŋun.”

Esek. 21:32

Ikinokakinio iyes ikwa ŋakito ŋuna ka akim, ijuwarete ŋalup ŋaokot kus; mam nabo ituŋanan etamuni atemar iyakasi sek iyes nakwap.’ ” Ekapolon iŋes alimu ŋun

Esek. 22:14

Itamete mono iyes atemar irubakinete iyakatar atitinyu, kori agogoŋu anakan kus ŋina ipedoryata ajio akoloŋit ŋina akatapya ayoŋ iyes a? Ayoŋ Ekapolon alimu ŋun ka etiyakini ayoŋ ŋun.

Esek. 26:12

Eŋatarete ŋituŋa ebari kon, elemarete ŋiboro kon ŋulu iŋadat iyoŋ, ebwaŋabwaŋakinete kwap narwatatain kon, tomunaasi ŋakais kon ŋun ŋuna ebusak. Imasakinete nakipi ŋamoru kon, ŋabaoi kon ka ŋalup kon.

Esek. 30:12

Etooniyori ayoŋ ŋakitelesyo a ŋakipi kon, epotok Ijipit neni a ŋulu epote akirem iŋes; ayauni ayoŋ ŋituŋa ŋulugelae yaut ekasile nakwap a Ijipit, kituruwosi ibore daadaŋ ŋini eyai Ijipit ikoŋinait. Ayoŋ Ekapolon alimu ŋun.

Esek. 47:10

Erubakinete ŋituŋa ewuaasi a nen ikamete ŋikolya alodiyete anam ageun alocowa a ŋolo a Gedi tari locowa ŋolo a Egilaim. Eruwor nen akibois ŋina epetanakinio ŋatibae tooko, eyakaun nen ŋikolya ŋulu alalak ŋulu egelegelya ŋikabilae, ikwaanikin ŋikolya a nen ka ŋulu anam Mediteranian.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 5:15

Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Esek. 5:17

Eyakuuni ayoŋ neni kus eron ka ŋityaŋ ŋulu ka ariet ŋulu anyamak, ikimyekis iyes emam ŋidwe, eyakuuni ayoŋ neni kus edeke, aryenyeo ka ejie itomunyasi. Ayoŋ Ekapolon alimu ŋakiro ŋun.”

Mal. 1:4

Ani ketemasi ŋituŋa ke Edom, ‘Tari daŋ kielielitae akwap kosi, ikidukokini isua nabo.’ Nai ŋuna irworo Ekapolon ŋolo Etiron ikes nu ebe, ‘Epedorete ikes adukokin, nai eeliyalari ayoŋ. Enyarao ikes akwap ŋina aronon, ŋituŋa ŋulu erubakinit Ekapolon enyunyurikina.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Mat. 24:35

Edaunosi nakuj ka akwap, nai nyedaunosi ŋakaakiro jik.

Ŋikis. 13:16

Ŋiboro keŋ daadaŋ ŋulu iŋatunete iyes, emaikina tocunakis nalapatu ŋina alokidiŋ etaun ŋol, tosodi kicunyakis etaun kaapei ka ŋiboro daadaŋ ŋulu iŋatunete iyes nen, ikwapei ainakinet ŋina epeyo neni ke Ekapolon Akuj kus. Eruwor nen ereŋorot ŋoloruba ŋolo nyedukokinio nabo.