Esek. 26:12 - Ebaibul

¹² Eŋatarete ŋituŋa ebari kon, elemarete ŋiboro kon ŋulu iŋadat iyoŋ, ebwaŋabwaŋakinete kwap narwatatain kon, tomunaasi ŋakais kon ŋun ŋuna ebusak. Imasakinete nakipi ŋamoru kon, ŋabaoi kon ka ŋalup kon.

Esek. 26:12 Iomraidhean Croise

2 Ŋakiro a ŋirwa 32:27

Ayakar Esekia ebari ŋolo alalan nooi ka etopolooritae iŋes nooi. Abu iŋes todukonok neni iŋadao esilipa keŋ, egolid keŋ, ŋamoru keŋ ŋuna apol egyelit, ŋikito ŋulu ekukuny, ŋaupala ka ŋiboro keŋ ŋulu apol egyelit daadaŋ.

2 Ŋakiro a ŋirwa 36:10

Ani edoli ŋirwa ŋulu ka akicereet ekaru ŋol, abu erwosit Nebukadinesar kiyakiya ŋituŋa aomere Yeoiakin ka aponi yaarae iŋes Babilon kaapei ka ŋiboro ŋulu epol egyelit, ŋulu ayakasi Kai ke Ekapolon. Kilunyok Nebukadinesar Sedekia lokaato a Yeoiakin lokicoloŋ toruwor erwosit a Yudaya ka Yerusalem.

Isa. 23:11

Ayeu Ekapolon anapedor keŋ akisican ŋulu eya nanam, etubul ŋapukasinei. Alimu Ekapolon ŋakiro ŋuna a Kanaan, atemar kinyasunae ŋaduketa keŋ ŋunajiet.

Isa. 23:8

Ŋae ayeu ŋakiro nu imanit Tiro, etaun ŋolo itopolooritae nooi, ŋolo arae ŋimucurus keŋ ŋirwosi, ŋolo arae ŋikagyelanarak keŋ ŋulu etopolooritae anakwap a daadaŋ.

Isa. 32:12

Toumokisi, ido torama ŋatorobwo kus aŋuna a ŋimanikorin kus, aŋuna a ŋikito a epiini a ŋulu araak nooi,

Yer. 25:34

Iyes ŋikepukak, kiwololoto ka tocelutu igworosi, kibelibelokinos lokuron, iyes ŋikepukak a ŋituŋa, anerae adolut ŋirwa ŋulu ikiarere iyes ka ŋirwa ŋulu ikielarere iyes, ido ikielar lopite ŋolo ielaror amot ŋina ajokan.

Yer. 52:14

Apotu ŋasigarya a Ŋibabiloniyae daadaŋ ŋuna arukito kaapei ka ekapolokiniton a ŋasigarya a ŋuna eyokiyete erwosit kituwosi ŋarwatatain a Yerusalem daadaŋ.

Esek. 26:5

Eruwor Tiro akibois ŋina eyai kidiŋ anam, ŋina epetanakinio ŋatibae a ŋikolya. Abala Ekapolon adau iŋes alimun ŋun. Eruwor Tiro akibois ŋina eŋatarete ŋituŋa aŋakwpin,

Esek. 28:8

Ikiarete ikes iyoŋ ikimasakis nakipany, ikiaryo iyoŋ ka aryenyeo alotooma ŋanamyo.

Dan. 11:8

Tari ŋakujo kec kaapei ka ŋitorubei a ŋakujo ka ŋiboro kec ŋulu ajokak ŋulu itiyaunitae a esilipa ka egolid, iwokori iŋes nakwap a Ijipit ikwapei ŋiboro ŋulu eŋatunitae alojie. Eai nai iŋes ŋikaru ŋulu alalak nyitijikino erwosit ŋolo alo Kuju.

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Naum 2:9

“Toŋatasi egolid! toŋatasi esilipa! Ileleba ebari lotaun, eyai ŋinibore daadaŋ ŋini epol egyelit!”

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”