Esek. 26:10 - Ebaibul

¹⁰ Iudun neni kon ŋaŋolei keŋ ŋuna alalak nooi, ido ikirapuwari iyoŋ apuwa kec Ani eruunete ŋaŋolei, ŋakejen a ŋagaari ka ŋagaari, iloilookin ŋarwatatain kon daadaŋ, iloilookin ŋarwatatain kon elomunete ikes tooma kon lopite ŋolo elomuniata ŋimoe lotaun ŋolo apedepedoi arwatata keŋ.

Esek. 26:10 Iomraidhean Croise

Yer. 39:3

Ani ikamario Yerusalem, apotu ŋikapolok daadaŋ ŋulu a erwosit a Babilon potu kiboikinos lopuke ŋolo alokidiŋ etaun. Ŋikapolok ŋul ikes lu: Nerigalisareser, Samirigarinebo, Sarisekim ŋolo a Rab-Saris, Nerigalisareser ŋolo a Rab-Mag ka ŋikapolok a erwosit a Babilon ŋuluce daadaŋ.

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Yer. 47:3

Ani iirarete ikes eruye a ŋakejen a ŋaŋolei, iirarete akigoligola a ŋakejen a ŋagaari a ŋuna iritae a ŋaŋolei nyeboŋorete ŋikauruunak kaku aŋuna a ŋidwe kec, epalagagaunete ŋakan kec,

Esek. 23:24

Epote ŋikemanitok iyoŋ alo Kuju etiŋito ŋiboro ŋulujiet, emetae a ŋaŋolei ka a ŋagaari ka eyakatar ŋituŋa ŋulu alalak nooi, ikicodokinete ikes iyoŋ alowaetin kon a daadaŋ etiŋito ŋaupala ŋuna apolok ka ŋuna cicik ka enapito anakyes ŋakopiyae ŋuna iuryarito akou nyewana. Ainakini ayoŋ ikes apedor ikisican iyoŋ, ikisicanete ikes iyoŋ lopite ŋolo ecamito ikes.

Esek. 26:15

“Alimu Ekapolon Akuj ŋakiro nu neni a Tiro, nyemaranikinete mono ŋituŋa ŋulu iboiyete alodiyete anam iirarete akigworo ŋina ka alemaro kus, apaki ŋina eumenioto ŋulu ewanawanatae ka ŋina earere ŋituŋa aneni kon Tiro a?

Esek. 26:7

“Alimu Ekapolon Akuj atemar, ainakini ayoŋ erwosit ŋolo eyai lowae ŋolo alo Kuju kiman Tiro, erae erwosit ŋol Nebukadinesar, erwosit a Babilon, ŋolo epukat ŋirwosi ŋuluce. Ebuni erwosit ŋol eyakar ŋaŋolei, ŋagaari ŋuna iritae aŋaŋolei, ŋasigarya ŋuna elosete a ŋaŋolei ka ŋasigarya ŋace ŋuna alalak nooi ŋuna agogoŋok nooi.

Esek. 26:9

Ijukakini iŋes narwatatain kon ŋiboorei ŋulu bwaŋabwaŋaet arwatata, eyepanakini kwap a ŋaepe ŋaduketa kon ŋuna aoyak.

Esek. 27:28

Emaranikinete ŋituŋa ŋulu iboiyete alodiyete anam iirarete ŋikametok a ŋameeli igworosi.

Yos. 6:20

Tokutakis nai ŋisacaradotin ŋamomwar a ŋimeesekin. Ŋinapei eiraryata ŋituŋa eruye a ŋamomwar a ŋimeesekin, tocelut kiworout nooi, tosodi arwatata toritakin kwap. Toemaros ŋituŋa tooma etaun aneni daadaŋ aya ikes, kikamasi etaun daadaŋ.

Yos. 6:5

Ani iirarete iyes ŋisacaradotin ekusete ŋamomwar ekaoyan, itemokino ŋituŋa daadaŋ tocelut nooi kiworout, ikotere ebwaŋa arwatata ŋina ke etaun toukor, tosodi toemaros ŋituŋa daadaŋ tooma etaun.”