Esek. 24:9 - Ebaibul

⁹ Aŋun, alimu tokona Ekapolon Akuj atemar, ekaŋ iyoŋ etaun ŋolo earete ŋituŋa kon ŋuluce! Ayoŋ daŋ, atukokini ŋakiro ŋuna alalak.

Esek. 24:9 Iomraidhean Croise

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 31:9

Eritakin aduketait kec ŋinajiet aŋuna ke ekabule kec, eemete ŋikapolok kec kimyekis ŋabenderae a nen. Alimu Ekapolon ŋun, Ekapolon ŋolo ilipyo neni keŋ alo Sion ka ŋolo enokia akim keŋ ŋina a ŋamuronisya alo Yerusalem.”

Esek. 21:2

“Lokoku a ituŋanan, kiŋoliya lowae ŋolo eyai Yerusalem, tolimonok ŋakiro ŋuna itoroniyaritere ŋakiboisyo ŋuna ilipyata ŋituŋa, todwar itoroniyarit akwap a Isirael;

Esek. 21:3

tolimok akwap a Isirael atemar alimu Ekapolon ŋakiro nu ebe, ‘Ekemanit ayoŋ iyes, alemuni ayoŋ ekileŋ kaŋ anakuraro, oarya alokidiŋ kus ŋulu iyookino ka ŋulu aronok.

Esek. 22:2

“Lokoku a ituŋanan, itemokino iyoŋ atubokin Yerusalem a? Itemokino iyoŋ atubokin etaun ŋolo earere ŋituŋa lo a? kisileerek nai tokona ŋituŋa a Yerusalem ŋakiro ŋuna ka asiilyo daadaŋ ŋuna itiyaete ikes.

Esek. 22:31

Aŋun, abukokini ayoŋ anyunyura kaŋ neni kec, opyea ikes anaŋoit a ŋina ka anyunyura kaŋ; adau ayoŋ akimyekin ŋakiro ŋuna itiyaete ikes pena nakyes kec pei.’ ”

Esek. 24:10

Aŋun, torubakisi itukete ŋakito ka kinokakisi akim; kipoto akiriŋ ejok nooi, kinyalakisi ka ŋikito ŋulu itoboboete akimuj ka emaikina kicunyarae ŋakoyo.

Esek. 24:5

Toseutu anamesekin ibarasit ŋini ajokan nooi, kirepakisi ŋakito kwap amot, kidorokisi akiriŋ a ibarasit a ŋin a nen etubutubutoe, kidorokisi ŋakoyo a ibarasit a ŋin a amot a ŋin.

Esek. 24:6

“‘Alimu Ekapolon Akuj atemar, Ekaŋ iyoŋ etaun ŋolo earete ŋituŋa kon ŋuluce, ŋolo ikwaan ka amot ŋina iroiroit tooma, ŋolo ikwaan ka amot ŋina nyelemanar eroiroi alotooma keŋ! Kisunyutu akiriŋ ŋin alotooma keŋ a ŋatubutubuyet emam asere ŋina erae tolemunae ka toesikinae.

Naum 3:1

Ekaŋ iyoŋ etaun ŋolo ileleba ŋikalyokonok ka ŋikaarak! Etaun ŋolo ileleba ŋiboro ŋulu emaikina toŋatarae!

Abak. 2:12

Ekaŋ iyes ŋulu idukete etaun anabukonor ŋaokot, idaut iyes akiduk etaun kus anakitiya aronis.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.

Akis. 14:20

Aponi tocuunae ŋaraito ŋun anacuet alokiŋa etaun ŋolo apolon, toleleut ŋaokot anacuet, toleleiyasi ŋakilomitae ŋamiae ŋauni ka arae acukul kec alokwap ŋamitae ŋaarei.

Akis. 16:19

Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.

Akis. 16:6

Apotu ikes tobukonosi ŋaokot ŋuna a ŋituŋa ka Akuj ka ŋuna a ŋikadwarak, aŋun, itamat iyoŋ ikes ŋaokot. Aryamut ikes ŋuna itemokino ikes toryamut.”

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”