Esek. 24:6 - Ebaibul

⁶ “‘Alimu Ekapolon Akuj atemar, Ekaŋ iyoŋ etaun ŋolo earete ŋituŋa kon ŋuluce, ŋolo ikwaan ka amot ŋina iroiroit tooma, ŋolo ikwaan ka amot ŋina nyelemanar eroiroi alotooma keŋ! Kisunyutu akiriŋ ŋin alotooma keŋ a ŋatubutubuyet emam asere ŋina erae tolemunae ka toesikinae.

Esek. 24:6 Iomraidhean Croise

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

2 Ŋirw. 24:3

Apotu kitiyakin kire ŋun anakwap a Yudaya lopite ŋolo alimunitor Ekapolon atemar tolemarae ŋituŋa a Yudaya aneni keŋ, aŋuna a ŋasecisya a Manase a daadaŋ a ŋuna abu iŋes tosec

2 Ŋirw. 24:4

ka aŋuna abunio toarya ŋituŋa ŋulu amam ibore asecito. Aarit manase alo Yerusalem ŋituŋa ŋulu pa asecito, ido pa acamit Ekapolon akisyoni iŋes.

Yer. 2:22

Tari kiloŋanarosi iyes ke esabuni ka kisitiyaete esabuni ŋolo alalan nooi, eriŋa ayoŋ ete ekaile aneni kus ŋolo ka asecit.

Yer. 6:29

Epedoryo asuwat ŋina enyaritae led, aliun alokitet nai eroko nooi ŋituŋa kaŋ, nyepedoryo aliun, anerae nyelemara ŋikaronok.

Esek. 11:11

Nyikokini etaun lo amot ŋina ikipoe iyes, nyiruworosi tari iyes akiriŋ ŋina eyai tooma keŋ, akatubokini ayoŋ iyes alokukorin a Isirael.

Esek. 11:3

ebasi ikes, ‘Eriŋa apaki ŋina edukere ŋakais; ikoni etaun lo amot ŋina ipoere ka ikikoni iwon akiriŋ ŋina idorokinio.’

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 22:2

“Lokoku a ituŋanan, itemokino iyoŋ atubokin Yerusalem a? Itemokino iyoŋ atubokin etaun ŋolo earere ŋituŋa lo a? kisileerek nai tokona ŋituŋa a Yerusalem ŋakiro ŋuna ka asiilyo daadaŋ ŋuna itiyaete ikes.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Esek. 22:3

Tolimok ikes atemar alimu Ekapolon Akuj ŋakiro nu, ‘Okoe ŋituŋa a Yerusalem, iyes ŋulu iyaut amunyaro kus neni kus aŋuna iaryata ŋituŋa kus pei ka aŋuna imunaarotor make anakitiya ŋakujo, aapuu tokona apaki kus.

Esek. 24:3

Tolimok ŋituŋa a Yerusalem ŋulu erae ŋikaŋerok akitadapet na ebe, ‘Alimu Ekapolon Akuj atemar, kidorokisi amot ŋina kipoet; kidorokisi iŋes nakim, ido kiwuakis ŋakipi tooma keŋ;

Esek. 24:9

Aŋun, alimu tokona Ekapolon Akuj atemar, ekaŋ iyoŋ etaun ŋolo earete ŋituŋa kon ŋuluce! Ayoŋ daŋ, atukokini ŋakiro ŋuna alalak.

Yoel 3:3

Apotu ikes kilamilama aŋuna a ŋituŋa kaŋ ayenunia ŋini eyai ŋirikon alojie. Apotu ikes togyelasi ŋidyain atacia ŋamalaae ka togyelasi ŋapesur atacia epiini ŋolo amasete ikes.

Obad. 1:11

“Akoloŋit ŋina ekamaryata ŋituŋa ŋulugelae ŋajorei a Yakob erae ŋirikon, ibu iyoŋ nyiŋarak ikes, akoloŋit ŋina alomaryata ŋituŋa ŋulugelae lotaun kilamilama aŋuna ka aŋatar Yerusalem, ibu iyoŋ nyiŋarak ikes. Aŋun, ibu iyoŋ daŋ kikwaanikin ka ŋimoe ŋul apaki ŋin.

Yona 1:7

Kirworiut ŋikametok ameeli make temasi, “Ocunakin elamilama ikotere ikiyanyuni ŋini ebunitor aronis na neni yok.” Kilamilama ikes toryamut erae Yona kebunitor aronis ŋin neni kec.

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Naum 3:1

Ekaŋ iyoŋ etaun ŋolo ileleba ŋikalyokonok ka ŋikaarak! Etaun ŋolo ileleba ŋiboro ŋulu emaikina toŋatarae!

Naum 3:10

Kikote neni daŋ, aponi torikoroe ŋituŋa a Tebes nakwapin, kituruworoe ikes ŋipi. toaranakinae ŋidwe kec nakiryamiryamet a ŋirotin, torikonoroe ŋikapolok a ŋituŋa keŋ eenitae a ŋiriko, kilamilama ŋikarikorok kec totedoreta ŋini eai edyo a ŋikapolok a ŋul.

Mat. 23:35

Aŋakiro a ŋun, ikitubokinio iyes aŋuna iaryata ŋituŋa ŋulu iyookino ameun anaokot ka Abel, a ŋolo pa asecit, tari naokot a Sakariya alokoku a Barakia a ŋolo aarakinio kidiŋ Akai ka Akuj ka Namuroet.

Ŋikis. 23:13

Ani ilosete iyes najore, totiŋito ibore ŋinibokaret akwap, ikotere ani ilosete iyes akiŋarakin, tobokareta akipany ŋina inukakinete ŋacin kus.

Yos. 10:22

Tolimu nai Yosua tema, “Toŋaasi ekek ŋolo ka aturukan, yaut ŋirwosi ŋulukan ŋul neni kaŋ.”

Akis. 17:6

Abu oanyuwa aberu ŋin emerete ŋaokot ŋuna a ŋituŋa a ŋulu ka Akuj ka ŋuna a ŋulu kearyo aŋuna kenupitotor Yesu. Ani eŋolikini ayoŋ iŋes, abu okobul nooi.

Akis. 18:24

Aponi Babilon kisicanae, anerae aponi toryamunae ŋaokot ŋuna a ŋikadwarak ka ŋuna a ŋituŋa a ŋulu ka Akuj aneni keŋ; ŋaokot a ŋituŋa daadaŋ a ŋulu aaryo anakwap.