Esek. 24:24 - Ebaibul

²⁴ Eruwor Esekiel akitoodikinet aneni kus; itiyaete iyes lopite ŋolo etiyaa iŋes. Ani itiyakin ŋakiro ŋun, iyenunete iyes atemar arae ayoŋ Ekapolon Akuj.’

Esek. 24:24 Iomraidhean Croise

Isa. 20:3

Tema nai Ekapolon, “Lopite ŋolo alosyo eketiyan kaŋ Isaya eleri ka pa enapit ŋamuk ŋikaru ŋiuni ikwapei akitoodikinet ka aumokinet neni a ŋituŋa a Ijipit ka Esiopia,

Isa. 8:18

Kiŋolikinae ayoŋ lo ka ŋidwe ŋulu abu Ekapolon okoinak ayoŋ, ikirae akitoodikinet ka aumokinet alo Isirael aneni ke Ekapolon a ŋolo a ŋajoresyo a ŋolo iboi alomokura Sion.

Yer. 17:15

Kiira, epite ŋolo irworotor ikes neni kaŋ ebe, “Ai eyai akirot a Ekapolon? Kimyek akirot ŋin bu!”

Esek. 12:11

tolimok ikes atemar itoodiunito ŋuna itiya iyoŋ ŋuna itiyakinosi neni kec, edokinete ikes nakwapin ka ikamaryo ikes.

Esek. 12:6

Tonap ŋiboro kon aloseketa kon iteete ikes tolomarya kiŋa nakiryonut; emaikina iyoŋ torap eeret kon, ikotere nyiŋolik iyoŋ neni ipudae, anerae eketuruwo ayoŋ iyoŋ akitoodikinet ŋina einakini Ŋisirael atamatam ŋuna kitiyakina.”

Esek. 17:24

Eyenunete ŋikito ŋulu ka ariet daadaŋ atemar arae ayoŋ Ekapolon. Etuuruwuanuni ayoŋ ŋikito ŋulu aoyak, etooyauni ayoŋ ŋikito ŋulu euruwuaka; etooniyori ayoŋ ŋikito ŋulu alibak, ido etilibu ŋikito ŋulu eokito. Ayoŋ Ekapolon alimu ŋun; ido etiyakini ayoŋ ŋun.”

Esek. 20:44

Okoe Ŋisirael, toyenutu atemar arae ayoŋ Ekapolon abu ekeurya iyes nyimunaasi ekiro kaŋ, meere aŋuna itiyaata iyes aronis ka atuna.’ ”

Esek. 25:11

Esicani ayoŋ ŋituŋa a Moab ka eyenunete ikes atemar arae ayoŋ Ekapolon.”

Esek. 25:14

Ayai ayoŋ anyaŋan kaŋ Edom, esitiyae ayoŋ ŋituŋa kaŋ Ŋisirael akitiya anyaŋan ŋin. Iteyenikinete ŋuna itiyaete Ŋisirael akitiya anyaŋan ŋin. Iteyenikinete ŋuna itiyaete Ŋisirael ŋituŋa a Edom epite ŋolo aŋoitor ayoŋ ka ŋolo anyunyurar, eyenunete ŋituŋa a Edom epite ŋolo enyaŋia ayoŋ.”

Esek. 25:17

Alosi ayoŋ akitiya anyaŋan ŋina apolon neni kec esican ikes anyunyurikinit. Eyenunete nai ikes atemar arae ayoŋ Ekapolon. Eyenunete ikes ŋun apaki ŋina eyakaunor anyaŋan neni kec.”

Esek. 25:5

Eturuwori ayoŋ Raba neni edakasi ŋikaala ka eturuwori Amon neni euryaketa ŋamesekin, ŋun nai iyenuniata iyes atemar arae ayoŋ Ekapolon.

Esek. 25:7

akatapi tokona ayoŋ iyes akan kaŋ ekemanit, ido ekepoto iyes irae ŋulu ikiŋatarito ŋituŋa a ŋakwapin. Akamunyari ayoŋ iyes alotuŋa a ŋul ka eketasaluni ayoŋ iyes anakiboisyo a ŋuna ikiyayo. Akamunyari ayoŋ iyes ka iyenunete iyes atemar arae ayoŋ Ekapolon.”

Esek. 4:3

Tolemu asaani ŋina erae asuwat kiwuak kidiŋ kon ke etaun erae arwatata ŋina eyai kidiŋ iyoŋ ke etaun. Emaikina iyoŋ kiŋoliya lotaun, kiŋolik iŋes erae ŋolo irikaunitae, torae iyoŋ pei irikaunit iŋes. Erae ŋol epite ŋolo itoodikinitere Ŋisirael ŋakiro ŋuna itiyakin.

Esek. 6:7

Earakinio ŋituŋa kus kidiŋ kus; ŋun nai ikiteyenunete iyes atemar arae ayoŋ Ekapolon.

Esek. 7:27

Ikalouni erwosit kus, edaun akigeno aneni alokoku a erwosit, emaranikinete aŋuna ka akuryanu a ŋituŋa a akwap kus. Ekesicani ayoŋ iyes lopite ŋolo itiyatotor iyes; akatubokini ayoŋ iyes lopite ŋolo itubonokiniata iyes ŋuluce. Ŋun nai iyenuniata iyes atemar arae ayoŋ Ekapolon.’ ”

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Luk. 21:13

Apaki ŋin, iŋes iruworotor iyes ŋisuudae kaŋ.

Yoa. 13:19

Akalimokini ayoŋ iyes nugu eriŋa nyetakanuna, ikotere ani etakanunete, tonupyata atemar, ‘Arae Ayoŋ ŋolo Arae Ayoŋ!’

Yoa. 14:29

Akalimok tokona ayoŋ iyes ŋakiro nu, eriŋa ikes nyetakanuna, ikotere ani ŋina etakanuniata, tonupa.

Yoa. 16:4

Nai akalimok ayoŋ iyes ŋakiro ŋun, ikotere ani apaki ŋina itiyakinotor neni kus, totamut atemar aris ayoŋ kakalimok iyes. “Nyelimokina ayoŋ iyes ŋakiro ŋun anakisyakinet, anerae ikirukit iyes ka ayoŋ.