Esek. 24:13 - Ebaibul

¹³ Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Esek. 24:13 Iomraidhean Croise

Isa. 22:14

Adau Ekapolon ŋolo a ŋajoresyo akisiirar ayoŋ ŋakiro nu, “Kire jik, nyikisyonio iyes aŋuna ka aronis a ŋin tari ŋina itwakyata iyes.”

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Yer. 31:18

Kire adau ayoŋ akiirar adyekitoi a ŋituŋa a Epuraim ebasi, ‘Ibu iyoŋ ikida isua ka aponi isua tocamunae akida kon, ikikwaan isua ka itaok ŋini nyisisatae aenit. Kinyakunae isua, kimyekinae isua toboŋunoe, anerae irae iyoŋ Ekapolon Akuj kosi.

Aum. 1:9

Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Aum. 5:22

Ikiŋer mono iyoŋ isua ŋikaru ka ŋikaru a? Mam mono apaki ŋina emaikina aŋoit kon todaunor a?

Esek. 16:42

Ekaku a ŋun, etiditeuni ayoŋ anyunyura kaŋ aneni kon ka alemari alilikinit kaŋ iyoŋ, inapakin ŋatameta kaŋ edaun aŋoit aneni kaŋ.

Esek. 22:24

“Lokoku a ituŋanan, tolimok Ŋisirael atemar nyerae akwap kec ŋina itesegitae, mam akiru abu min neni keŋ akoloŋit ŋina abunio ayoŋ onyunyur aŋuna keŋ.

Esek. 24:11

Kikacakisi amot ŋin eorori kidiama ŋatotol, ikotere emwanuni, ido toreŋu elupe keŋ puu, nen nai etalarya ibore ŋini abosan alotooma keŋ, todaun eroiroi alotooma keŋ.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Ŋilep. 13:55

Ani elunyar ŋirwa ŋul, emaikina esacaradoti kisyeme elou ŋol, ani pa kilocokino eraŋgi aneni sek ekunoikinit alolou a ŋol, tari daŋ pa kinyenyaarit, erae elou ŋol ŋolo itoroniyaritae. Emaikina kicunyae erae kerae tooma, kori kiŋa ekunoikinit.

Ŋilep. 14:43

“Ani nabo ketakanu neni ikunoikinit alokai a ŋin kedaun sek alemar ŋamoru ka akikis arwatata ta akilaboun,

Sepan. 3:2

Mam ipei daŋ ŋini iira iyoŋ ŋakiro keŋ; nyecamuna iyoŋ ŋuna ebookoi toesik. Nyikinyoma iyoŋ neni ke Ekapolon; nyeapuuna iyoŋ neni ke Ekapolon kon.”

Sepan. 3:7

Abu ayoŋ olimok etaun ŋol atemar, Kire jik, ikikeri iyoŋ ayoŋ, icamuni ŋuna sek iŋerit; nyikimuryakinete iyoŋ ŋuna daadaŋ adau ayoŋ alimokin iyoŋ. Nai eriŋa iŋes elelyanikinit akitiya ŋuna aronok lopite ŋolopei sek etiya.”

Sakar 6:8

Abu emalaika okonyar ayoŋ tema, “Kiŋolik iyoŋ, ekesieŋut ayoŋ ŋaŋolei ŋuna alosete nakwap ŋina alo Kuju anaŋoikinit kaŋ akwap ŋina alo Kuju.”

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Akis. 22:11

Iŋes ŋini itiyae ŋuna aronok, torubak itiyae ŋuna aronok; iŋes ŋini esiilyana, torubak itiyae asiilyo; iŋes ŋini itiyae ŋuna iyookino, torubak itiyae ŋuna iyookino ka iŋes ŋini erae ŋini ka Akuj, torubak erae ŋini ka Akuj.”