Esek. 23:42 - Ebaibul

⁴² Apupyo aneni iboiyoto iyes etoil a ŋituŋa a ŋulu alalak nooi a ŋulu acelasi ikwa acamitotor. Arae ŋul atukot a ŋikamerak a ŋulu ayaunitae analoŋisat kaapei ka ŋikilyok ŋulu eriratae alotuŋa a ŋulugelegelya. Apotu ŋituŋa ŋul toenianakis nakyes a ŋaberu ŋibokoto ŋulu ebusak.

Esek. 23:42 Iomraidhean Croise

Akisy. 24:30

Aemi iŋes nen apaki ŋina eŋolikinia ekaboboot ka ŋasuwa ŋuna a ŋakan enapit nakaato keŋ ka daŋ kedau akiirar ŋuna abala nakaato keŋ, “Kire jik, abu ekile ŋol ekesirwor ayoŋ.” Bu Laban neni ayai ekile ŋol, toryamu iŋes ewoi alodiyete ŋikaala aneni ayai akare.

Yob 1:15

apotu Ŋisabean potu toremo ka tomeasi ŋibaren ŋul daadaŋ, ido apotu toara a ŋileŋia ŋiketiyak; ayoŋ bon abu osi ainun iyoŋ ŋakiro ŋuna apotu kitiyakin.”

Ŋikiru. 73:12

Epite ŋol iŋes irworotor ŋulu aronok, eyakatar ikes ŋiboro ŋulu alalak, ido eryamununeete ŋice a ŋinakoloŋit.

Awos. 32:6

Aŋun, apotu ŋituŋa tonyout taparacu sek akoloŋit ŋina atupakini ŋin, yaut ŋainakineta kec ŋuna apeyo ka ŋamuronisya ŋuna ke ekisil. Kiboikinos ŋituŋa nen kimuja ka tomata, ido tonyout tobolyata.

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Esek. 27:22

Apotu ŋimucurus ŋulu a Seba ka Raama kicurutata kaapei ka iyoŋ; apotu ikes yaasi ŋiboro kon, ikiinakis iyoŋ ŋikito daadaŋ ŋulu egelegelya ŋulu itoboboete akimuj ka ŋamoru daadaŋ ŋuna epol egyelit ta egolid.

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Yoel 3:8

Agyelari ayoŋ ŋidwe kus ŋulusapa ka ŋulupesur neni a ŋituŋa a Yudaya, ido togyelasi ŋul ikes neni a Ŋisabean, nakwap ŋina alwanan nooi.” Ekapolon iŋes alimu ŋun.

Akis. 12:3

Totakanu aanyunet ace ŋina apolon ŋina ka aumokin anakuj. Ayai epiu ŋolo apolon nooi ŋolo areŋan ŋolo ayakar ŋakyes ŋakanikaarei ka ŋamomwar ŋatomon ta ŋatoriet ŋakanikaarei ŋuna aya nakyes keŋ.