Esek. 23:41 - Ebaibul

⁴¹ Ipotu iyes kiboikinos lokicoloŋ ŋolo ebusan, ŋolo ayai diyete emesa ŋolo epesitae ejok, ŋolo ipotu iyes kiwuakis ekinyate ŋolo arae ŋolo kaŋ ka akimyet ŋina arae ŋina kaŋ.

Esek. 23:41 Iomraidhean Croise

Esta 1:6

Enenetoe nen ŋanaŋgae ŋuna akwaŋak ka ŋunapusiyek, arucitoe ŋanaŋgae ŋun a ŋausii a ŋuna amilimilak ka ŋunakipura areŋak ŋuna akodanakinitae lokabobooe ŋulu itiyaunitae a esilipa, ido toenen lopirin ŋulu eositae eraŋgi ŋolo akwaŋan. Ewuakinitae nalapatu ŋina ka akai a apukan ŋin ŋikitaadae ŋulu etiyaunitae a egolid ka esilipa, towuas aneni enaminamitae ŋamoru ŋuna areŋak, akwaŋak ka ŋuna amilimilak ta ŋuna iceo ŋiboro.

Isa. 57:7

Aruwor ŋakiboisyo ŋuna aoyak ka lokamukumukui ŋulu aoyak ilosenenete iyes; ilot iyes nen ainanakin ŋakujo ŋamuronisya.

Isa. 65:11

Nai ani eruwor iyes ŋulu iŋerito Ekapolon, ŋulu ikimuryak emoru kaŋ ŋolo asegan iyes ŋulu ilipete neni a ŋakujo ŋuna a ŋabaatyo ka ŋuna a ŋakiro a ŋuna etakanunete,

Yer. 44:17

Nai ikitiyae isua ŋuna adaun akikoŋ atemar ikitiyae, ikiinakini isua ŋainakineta kosi neni a arwosit a ŋina anakuj ka einakinio iŋes ŋainakineta ŋuna a ŋimaten lopite ŋolo sek etiyaere isua ka ŋolo sek etiyaata atapapaa kosi, ŋirwosi kosi ka ŋikapolok kosi alotaunio a Yudaya ka alorotin a Yerusalem. Ayakare isua akimuj ŋina alalan, ayakare abaru ka amam ŋican.

Esek. 41:22

namuroet ŋina itiyaunitae a ŋakito. Arae aoyau keŋ emita ka atutubet ka kiŋaren ta neni iteotor, arae ŋakito etiyaunitere ŋawaeta keŋ alokoonae ka neni awuar iŋes ta nawaetin keŋ daadaŋ. Abu ekile ŋol tema neni kaŋ, “Erae lo emesa ŋolo ewoi alokiŋaren Ekapolon.”

Esek. 44:16

Ikes bon emaikina tolomasi nakibois kaŋ ŋina asegan; ikes bon emaikina toapiyasi namuroet kaŋ akitiya etic a nen alokiŋaren kaŋ akisilip alo Kai ka Akuj.

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Amos 2:8

eperete ikes alodiyete ŋamuroeta daadaŋ enapito ŋilowi ŋulu ijaunitae ituŋanan aŋuna a ŋamicae, ido emasete alo Kai ka Akuj kec epiini ŋolo itelemunio ituŋanan ŋini esecit.

Amos 6:4

Ekaŋ iyes ŋulu iperete alokitaadae a ŋulu isibusitae a ŋikyal a ŋitome! Ekaŋ iyes ŋulu isaanaete alokicoloŋo a ŋuludupuk, tonyamete ŋikaalei ka ŋitak ŋulu anakunak.

Mal. 1:7

Epite lo iŋes ikijamuwaryata iyes ayoŋ, iyaununete iyes ŋamuja ŋuna nyejokak Namuroet kaŋ, ido ibasi iŋitasi, ‘Alipite ikimyekinia isua akerit iyoŋ?’ Akalimokini, nyikikerito iyes ayoŋ alopite a ŋolo itamyata iyes atemar mam aronis tari pa kekeritae Namuroet ŋina ke Ekapolon.

1 Sam. 28:23

Toŋer Saul ŋun tema, “Nyemuji ayoŋ.” Nai apotu ŋiketiyak keŋ kaapei ka aberu ŋin kimaimaa iŋes, ido abu tocamu ŋakiro kec. Tonyou nai Saul alokwap kiboikin lokitaada.