Esek. 23:23 - Ebaibul

²³ Ekesimani ayoŋ iyoŋ Ŋibabiloniyae, Ŋibabiloniyae daadaŋ, Ŋipekod, Ŋisoa ka Ŋikoa ta ŋituŋa ka Asiriya daadaŋ erukito ikes ka ŋisorok ŋulu ebusak, ŋikapolok daadaŋ ŋulu a ŋitela ka ŋikarikok daadaŋ ŋulu a ŋasigarya, ŋikapolok ŋulu emetae a ŋagaari a ŋuna iritae a ŋaŋolei ka ŋikapolok a ŋasigarya ta daadaŋ ŋulu edokito ŋaŋolei.

Esek. 23:23 Iomraidhean Croise

Akisy. 2:14

Arae ekiro ka aŋolol a ŋina a ŋauni Tigris, ŋin iŋes ŋina elele lowae ŋolo alo Kide anakwap a ŋina ka Asiriya. Aŋolol ŋina a ŋaomwon iŋes Eupurate.

Akisy. 25:18

Alomito ŋikabilae ŋul anyoun alo Apila tari Sur, neni iteosi ka Ijipit torae alowae a ŋolo eyai Asiriya. Nen iŋes kebu Isimael tolom ibakasi ka ŋituŋa keŋ.

2 Ŋirw. 24:2

Abu Ekapolon kiyakiya ŋajorei alokabilae a Ŋikaledian, a Ŋiarameani, a Ŋimoabi ka a Ŋiamoni amunyar ŋituŋa a Yudaya, kiyookinotor ŋuna erworit Ekapolon alorwor a ŋikadwarak a ŋulu arae ŋiketiyak keŋ.

Esir 6:22

Apotu ikes kinumunuma ka alelyanu ŋasuban ŋuna a ŋamugati a ŋuna emam ŋakinyalet, kinumunuma ikes ŋasuban ŋun ŋirwa ŋikanikaarei, anerae abu Ekapolon inak ikes alelyanu ka abu kilocok etau a erwosit ka Asiriya tominak ikes ka abu erwosit ŋol kiŋarak Ŋisirael alotic a ŋolo ka akiduk Akai ka Akuj a Isirael.

Yob 1:17

Ani eriŋa ŋol irworo, todolu ece tema. “Apotu Ŋibabiloniyae kicodut eyakatar ŋakodeta ŋauni, toremo ŋikaala tomeasi, ido apotu toara a ŋileŋia ŋiketiyak, ayoŋ bon abu osi ainun iyoŋ ŋakiro ŋuna apotu kitiyakin.”

Isa. 23:13

Kiŋolikisi mono iyes akwap a Ŋibabiloniyae, amam koloŋ sek ŋituŋa ŋul a nen. Arae ŋituŋa ka Asiriya esyakinete akisiboikin ŋituŋa kec nen ŋulu eboiyete sek analoŋisat. Apotu ikes kituruwosi Tiro neni iboiyoto ŋityaŋ, todukokis nen ŋaduketa ŋuna aoyak ŋuna erikaunitere etaun, apotu kielasi ŋakais a Tiro ŋuna ka apukan, kituruwosi etaun ereŋorot.

Yer. 50:21

Kitipeiyosi nakwap a Merasaim, toloto kitijioto ŋituŋa keŋ, kitijikis ŋituŋa a Pekod, tomunyasi ikes daadaŋ nyidoŋ tari ipei. Kitiyata daadaŋ ŋuna akalimok ayoŋ iyes akitiya.

Esek. 16:1

Abu Ekapolon kirwor neni kaŋ tema,

Esek. 23:12

Apotu ŋituŋa ka Asiriya kiburakis iŋes, apotu kiburakis iŋes ŋikapolok a ŋitela, ŋikapolok a ŋasigarya, ŋikajiok ŋulu anapito ŋiboro daadaŋ ŋulujiet ka ŋulu adokito ŋaŋolei; arae ŋul daadaŋ ŋisorok ŋulu ebusak.

Esek. 23:14

Nai abu Ooliba torubak jik itiyae amalao keŋ, apotu ŋitorubei a ŋikilyok ŋulu ecienakinitae narwatata kisupasi iŋes, apotu ŋitorubei a ŋituŋa ka Asiriya ŋulu eositae eraŋgi ŋolo areŋan kisupasi iŋes.

Esek. 23:22

“Aŋun nai Ooliba, alimu Ekapolon Akuj atemar, ekesimani ayoŋ iyoŋ ŋuluminan kon, ŋulu ibu iyoŋ toesik ikitiiliyete ŋakiro ŋuna etiyaete ikes neni kon. Ayauni ayoŋ ikes neni kon ikiman iyoŋ alowaetin kon a daadaŋ.

Esek. 23:6

ŋulu anapito ŋilowi ŋulupusiyek, arae ŋul ŋikapolok a ŋitela ka ŋikapolok a ŋasigarya. Arae ŋul daadaŋ ŋisorok ŋulu ebusak, ŋulu adokito ŋaŋolei.

Ŋitic. 7:4

Abu nai iŋes towot anakwap a Ŋibabiloniyae, tolot Aran. Ani ketwana papa keŋ, abu Akuj yau Aburaam nakwap ŋina tokona iboiyoto iyes na.