Esek. 23:14 - Ebaibul

¹⁴ Nai abu Ooliba torubak jik itiyae amalao keŋ, apotu ŋitorubei a ŋikilyok ŋulu ecienakinitae narwatata kisupasi iŋes, apotu ŋitorubei a ŋituŋa ka Asiriya ŋulu eositae eraŋgi ŋolo areŋan kisupasi iŋes.

Esek. 23:14 Iomraidhean Croise

Isa. 46:1

Erae na adaunet a ŋakujo a Babilon! Arae sek Bel ka Nebo ŋakujo ŋuna elipeneneo neni kec, nai tokona idokokinitoe ikes losigirya, aruworosi akiwokitoi ŋina apotyon aneni a ŋityaŋ a ŋulu sek eupit.

Yer. 22:14

Ekaŋ iyoŋ ituŋanan ŋini ibala, ‘Adukokini ayoŋ aŋuna kaŋ akai ŋina aloloman, ŋina eya ŋagulei ŋuna apolok kidiama,’ iwuanakini iyoŋ ŋidirisae kai ŋin, topetanak ŋakito ŋuna a Cedar nen ka kiwosak eraŋgi ŋolo areŋan nen.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Esek. 16:29

Ibu iyoŋ kiataki amalao kon ŋin aneni a Ŋibabiloniyae, anakwap a ŋina elalata ŋimucurus, nai ibu iyoŋ nyilimu tari apaki ŋin atemar etemokin.

Esek. 23:13

Abu ayoŋ eŋolik atemar kedau Ooliba daŋ amunaar ka kemunaarosi ikes ŋaarei daadaŋ.

Esek. 23:15

Etanapikinitae ŋitorubei ŋul ŋarokobae nacirin, ŋakopiyae ŋunawualuk anakyes, atakanete ikes daadaŋ esibit erae ŋikapolok ŋulu a Babilon, ŋulu eponito anakwap a ŋina enyaritae Kalidea.

Esek. 23:23

Ekesimani ayoŋ iyoŋ Ŋibabiloniyae, Ŋibabiloniyae daadaŋ, Ŋipekod, Ŋisoa ka Ŋikoa ta ŋituŋa ka Asiriya daadaŋ erukito ikes ka ŋisorok ŋulu ebusak, ŋikapolok daadaŋ ŋulu a ŋitela ka ŋikarikok daadaŋ ŋulu a ŋasigarya, ŋikapolok ŋulu emetae a ŋagaari a ŋuna iritae a ŋaŋolei ka ŋikapolok a ŋasigarya ta daadaŋ ŋulu edokito ŋaŋolei.

Esek. 8:10

Abu ayoŋ oloma tooma, oŋoleŋolek; eŋolik eyakasi arwatata daadaŋ ŋitorubei ŋulu a ŋiboorei a ŋulu alyatok ka ŋulu a ŋityaŋ a ŋulu itoronitae ta ŋulu a ŋakujo a daadaŋ a ŋuna a Ŋisirael.

Naum 2:3

Eyakatar ŋasigarya a ŋimoe ŋaupala ŋuna areŋak, ido tonapito ŋilowi ŋulu areŋak. Imilyasi ŋasuwa a ŋagaari kec akoloŋit ŋina itemonokinere aŋuna ke ejie. Ibunyasi ŋaŋolei alosit lojie.