Esek. 22:7 - Ebaibul

⁷ Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Esek. 22:7 Iomraidhean Croise

Ŋikiru. 94:5

Okoe Ekapolon, amunyasi ŋiketurok ŋituŋa kon, isicanete ŋiketurok ŋituŋa ŋulu erae ŋulu kon.

Ŋikiru. 94:6

Earete ŋapuseru ka ŋituŋa ŋulu erae ŋigelae, earete ŋikokyok,

Awos. 20:12

“Tokerite ŋinituŋanan papa keŋ ka toto keŋ, ikotere tolalata ŋirwa ŋulu iboiyoto iyes anakwap a ŋina ikiini Ekapolon Akuj kus.

Awos. 21:17

“Ituŋanan ŋini iceni papa keŋ, kori toto keŋ, emaikina toarae.

Awos. 23:9

“Kimyekisi akisiyaloloŋ ŋituŋa ŋulugelae ŋulu iboiyoto iyes; iyenete iyes ŋuna eya lotai a ŋituŋa a ŋulu erae ŋigelae, anerae iraakasi paaran iyes daŋ ŋigelae alo Ijipit.”

Ŋakit. 20:20

Ani kicen iyoŋ papa kon, kori toto kon, elomari akiyar kon locan, lopite ŋolo elemarere etaa ŋolo ecai aneni iryono cuc.

Ŋakit. 30:11

Eyakasi ŋituŋa ŋulu eminasi akicen atapapa kec, ido nyegasete toryamut atatoto kec arereŋu.

Ŋakit. 30:17

Ituŋanan ŋini ite papa keŋ ejamuwarit, ido tojamuwarite akiwuap ŋakiro a toto keŋ, editarete ŋikurukwa ŋakonyen keŋ anakadipaalat, enyamete ŋataruk akuwan keŋ.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Yer. 7:6

ani pa kisicanito iyes ŋituŋa ŋulugelae, ŋikokyok ka ŋapuseru, kori pa kiar anakibois a na ituŋanan ŋini emam ŋuna aronok itiyat ka ani pa kiwuapa iyes ŋakujo ŋace kiduporos make,

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 22:25

Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Esek. 22:29

Adaut ŋituŋa a akwap kec akitiya ŋakiro ŋuna ka ademonu ka akoko; iteryamunito ikes ŋikulyak ka ŋulu eyakatar akiitanit ŋican, adema ikes ŋiboro aneni a ŋigelaanotin etamete atemar mam ŋul ajokis ayakar ŋiboro.

Ŋilep. 20:9

Ani kicen ituŋanan idio papa keŋ kori toto keŋ, emaikina ituŋanan ŋin toarae, aŋuna ecenio papa keŋ kori toto keŋ, erae atwanare keŋ nakou keŋ.

Sakar 7:10

Nyisicanito ŋapuseru, ŋikokyok, ŋigyelaanotin, kori ŋikulyak. Nyitamatamaete alotai kus akitiya ŋuna aronok neni a ŋuluce.’

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mar. 7:10

Anerae abu Moses tema, ‘Kitopoloorite papa kon ka toto kon; abu nabo iŋes tema, iŋes ŋini iceni papa keŋ kori toto keŋ, itemokino totwan jik.’

Ŋikis. 24:17

Emaikina iyes totubo ŋakiro a ŋigelaanotin, kori ŋikokyok anakiyookino; nyiyaasi elou a apuserut erae ibore ŋini ekodaritae aŋuna ka amica.

Ŋikis. 27:16

“‘Ilamam ituŋanan daadaŋ ŋini nyitopoloorit papa keŋ ka toto keŋ’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 27:19

“‘Ilamam ituŋanan daadaŋ ŋini nyetubi anakiyookino ŋakiro a igelaanot, a ikoki ka apuserut.’ “Eboŋokinete ŋituŋa daadaŋ temasi, ‘Kiyookin ŋun.’

Ŋikis. 5:16

“Tokerite ŋinituŋanan papa keŋ ka toto keŋ, lopite ŋolo ikicikia Ekapolon Akuj kus iyes, ikotere tolalata ŋirwa ŋulu iboiyoto iyes, ido tomam ŋace aneni kus anakwap a ŋina ikiini Ekapolon Akuj kus.