Esek. 22:29 - Ebaibul

²⁹ Adaut ŋituŋa a akwap kec akitiya ŋakiro ŋuna ka ademonu ka akoko; iteryamunito ikes ŋikulyak ka ŋulu eyakatar akiitanit ŋican, adema ikes ŋiboro aneni a ŋigelaanotin etamete atemar mam ŋul ajokis ayakar ŋiboro.

Esek. 22:29 Iomraidhean Croise

Ŋikiru. 62:10

Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋikiru. 94:6

Earete ŋapuseru ka ŋituŋa ŋulu erae ŋigelae, earete ŋikokyok,

Awos. 22:21

“Nyemaikina iyes tobolyatar, kori kisiyaloloŋo ituŋanan ŋinigela ŋini iboiyete ka iyes; anerae iraakasi paaran iyes daŋ ŋigelae anakwap a Ijipit.

Awos. 23:9

“Kimyekisi akisiyaloloŋ ŋituŋa ŋulugelae ŋulu iboiyoto iyes; iyenete iyes ŋuna eya lotai a ŋituŋa a ŋulu erae ŋigelae, anerae iraakasi paaran iyes daŋ ŋigelae alo Ijipit.”

Isa. 10:2

aŋuna ka akiteesikin ŋikulyak akitiya ŋuna iyookino ka alemarya akiyookino alotuŋa kaŋ a ŋulu erae ŋikulyak; itiyaete iyes ŋun aŋuna ka aŋatarya ŋapuseru, ikotere inyamete ŋawat a ŋikokyok.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Ŋilep. 19:33

“‘Ani kiboiyete iyes anakwap kus ka ituŋanan ŋinigelaanot, nyiteryamunito iŋes ŋican.

Amos 3:10

Alimu Ekapolon Akuj ŋakiro nu ebe, “Nyeyenete ikes akitiya ŋuna iyookino, eryenyaanikinito ŋulu iboiyete anakais a ŋuna ka apukan ŋituŋa ka eŋatanarete ŋiboro kec.”

Mika 2:2

Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Mika 3:3

Irikasi iyes ŋituŋa kaŋ, iryetasi iyes ŋawat kec, ibilibiliyasi ŋakoyo kec, itubutuboto ŋakoyo kec esibit akiriŋ nina idorokinio ka asipirya, esibit akiriŋ ŋina idorokinio ka amot.”

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.

Mat. 25:43

Arae ayoŋ egela, nai ipotu iyes nyikijaut ayoŋ; aleri, nai nyikitanap iyes ayoŋ. Adyaka ka akaenitae alomabus, nai ipotu iyes nyikiŋoliut ayoŋ.’

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.